المساعد الشخصي الرقمي

مشاهدة النسخة كاملة : صادوا الربع نواعيض (اليريور , القرش) ولاكن..... (صور)


بو راشـد
16/02/2006, 02:42 AM
السلام عليكم ورحمة الله وبركاته
اليوم شباب ماقصروا :) وصادوا 3 نواعيض (يراير او القرش) وليس هناك شيء غير عادي في القصة وفرحنا لأن قلنا من نطبخهم ومن نسويهم قشيد:p .

http://www.mekshat.com/pix/upload/images14/mk18971_dsc00029.jpg

ولاكن المزعج في الأمر أن يوم صفطنه (نظفنه) السمج أول ناعوض طلع نثية ولا حامل وهذه صورت الصغير. ولاحظوا كم هو صغير بحيث أني ماسكة فقط بصبعين.

http://www.mekshat.com/pix/upload/images14/mk18971_dsc00030.jpg

ولاكن تفاجئنا عندما كنا نسفط الأول وجدنه ثلاثة صغار وثاني بعد ثلاثة صغار والثالث بعد ثلاثة أصغار وكلهم كانوا تقريبا كاملين النموا بحيث أني أعتقد لو أنه لم يصيدونهم كان ولدوهم بقل من أسبوع وهذي صورهم.

http://www.mekshat.com/pix/upload/images14/mk18971_dsc00032.jpg

فصار المجموع كلهم تسعة :( وكلهم طولهم مايطوف الشبر فيا حسافة عليهم والله يعوض أنشاء الله.
وهذا لأن الناعوض أو اليريور يولد ولايبيض فيحتاج الى فترت حمل ونضج فيحتاج وقت لكي يتكاثر.

و أسمحولي على الأطالة .....................................
( برى بحرى)
16/02/2006, 04:21 AM
عليكم بالعافيه

احنا بالكويت يسوونه اميدم

شكرا على الصور يا بوراشد
وعر
16/02/2006, 10:52 AM
هههههههههههه

ماشاء الله بس الظاهر ان وقت تكاثرهم الحين

لأن هذا الموقف صارلي يوم السبت اللي فات
بو راشـد
16/02/2006, 12:29 PM
السلام عليكم ورحمة الله وبركاته
مشكور أخوي بري وبحري وأخوي وعر على هذه المشاركات الطيبة. واليريور ياجماعة ماله وقت حق التكاثر يعني طول السنه يقدر يتوالد بس يمكن في وقت يكون أكثر ووقت يكون أقل.

تحيتي أليكم.............................
سلاح
16/02/2006, 02:47 PM
مشكور أخوي بو راشد
عليكم بالعافية
ABU 7AMDAAN
16/02/2006, 05:34 PM
السلام عليكم ورحمه الله

انسميه ولد الولد... ويا زينه لو سويته جشيد .. مع عيش ابيض وسمن عربي ..
كفو عليكم والله ..
تحياتي

ابو حمدان
بو راشـد
17/02/2006, 01:16 AM
السلام عليكم ورحمة الله وبركاته

مشكورين يا الربع على هل المشاركات الطيبة.......................
gulfhunter
17/02/2006, 04:00 PM
السلام عليكم ورحمة الله وبركاته

حياك الله أخوي ابوراشد

ماشاء الله خوش صيد ثلاث وبالبر تسعه حلوه ;)

عليكم بالعافي

تحياتي لك وللجميع
أبومناحي
18/02/2006, 03:17 PM
السلام عليكم

ماشاء الله عليكم يا بوراشد صايدين ثلاثه من أسماك القرش

صحيح أنكم ناس راعيين بحر
كبير النواخذه
19/02/2006, 08:04 AM
حياك الله يابوراشد ..هذي عوايدك ولا هي غريبه عليك..3يرايير مره وحده ..ماشاء الله عليكم
بو راشـد
20/02/2006, 12:27 AM
السلام عليكم ورحمة الله وبركاته

تسلمون يربع ونتمنى أنجوف جديدكم وتمنياتي لكم بلصحة والتوفيق...............................
SRDAL
20/02/2006, 08:55 AM
السلام عليكم ورحمة الله وبركاته

حياك الله اخوي بوراشد

ماشاء الله عليك شغال حلالي حتى بدون خيط حداق ( بالنيه ) .

عليكم بالعافيه ..... وبالتوفيق دوم انشاء الله .

تحياتي لك .
بو راشـد
06/03/2006, 04:21 PM
السلام عليكم ورحمة الله وبركاته
تسلم أخوي srdal والله يعافيك وشكرا على مرورك.
بوخليفه2005
10/03/2006, 09:23 AM
ماشاء الله .

ولكن للمعلومه أن القرش يبيض ولا يولد لأنه يبيض في داخل بطنه ومن ثم يفس وتكبر الصغار داخل بطن الأم حتى تولد ويظن الكثير أنا تولد ؟؟...