ظبياني
16/02/2006, 08:21 AM
السلام عليكم ورحمة الله
هذي اول مشاركه لي معاكم يا ......... ( وشلك بالطويله ادخل بالموضوع على طول ) :D
هذي يا شباب قصه حصلت من قبل 3 اسابيع وانا قاصد النعيريه متوجه من ابوظي حيث الجماعه هل الابل هناك جنوب من النعيريه حول الصرار . المهم ربطنا ووثقنا اغراضانا وكل شي تمام ومشينا بعد ما توكلنا على الله . والقلص جديد وكاله يبرق ومفصل احسن تفصيل . محمل فيه كل الاغراض مهيب ثقيله اللهم كم شنطه وكم فراش بر (سلب باق ) .
الحمدلله قضينا وقت ممتع في جو من الامطار والبرد وشوف الحلال اللي يسر الناظر والحمدلله كل من واجتهم هناك يوم شاف القلص يقول ماشاء الله , الله يعطيك خيره ويكفيك شره .
المهم في طريق العوده بعد انتهاء الاجازه وبالتحديد ( ركزوا عليها هذي ) قبل لا ندخل حدود الامارات وبالتحديد عند محطة ساسكو اللي قبل مركز البطحا وقفنا السياره والقلص معلق ومحمل ومزبط . نزلت انا والوراعين يبون يتشرون لهم اغراض المهم وانا داخل محل السوبر ماركت ألا وانا اشوف :j
اثنين يلفون ويناظرون القلص من فوق لين تحت وياخذون فره وحده والثانيه والثالثه ... قلت لخويي اللي معي داخل المحل الله يكفينا شرهم هالثنين ما ظنتي بنسلم من عينهم . المهم يوم شافونا قربنا للموتر الا وصدو عنا ومشو .
مشينا وخرجنا من مركز الحدود السعودي والامارتي ... وانا أمشي حول 140-160 كيلو وباقي على ما نوصل لمكانا حول 350 كيلو .
ممشا السياره كان طبيعي ولا حسيت بشي مختلف لا رجه في القلص ولا السياره . ويوم عدينا 300 كيلو وباقي 50 كيلو على ما نوصل بوظبي ألا وذاك السنافي السعودي ( جعل من جابه للجنه ) يأشر علي بيده ان فيه شي ورا .. انا قلت في خاطري يمكن الباب حق القلص مرتخي ولا شي من الفرش طار .
المهم ما وقفت لاني قلت الباب دامه مرتخي ما عليه موثق بحبال . الرجال ألا لزم يوقفني
المهم وقفت ونزل الرجال وسلمنا عليه قال يا فلان القلص تراكم من يوم عديتم المركز الاماراتي بعشره كيلو وهو على الحاله هذي انا فكرت انكم تدرون ولكن شفت من ممشاكم انكم ما دريتوا عنه . وانا امشي وراكم ومحتسب اني بيصير لكم شي لا سمح الله . قلت له والله ما درينا عنه ولا حسينا بشي . وانا بهذيك الساعه منصدم من شوفتي للي حاصل للقلص . شي غريب صراحه
المهم شكرته وحبيت خشمه ( لانه بصراحه انقذنا من حادثه الله لا يوريكم )
اترككم مع الصور ..
http://www.aplod.com/uploads/f34a2a8dad.jpg
http://www.aplod.com/uploads/06dc7c386b.jpg<--- راعي الزنوبه تراه العامل فضولي تراه ونشبه :D
بعد هذا المنظر حمدت ربي على السلامه وعلى سلامة من معي في السياره . ومسكت أقصى اليمين من الطريق اللي هو نسميه (كتف الطريق ) وانا امشي حول 40 كيلو وانا عيني لا تغفل عن واحد من تواير القلص لا تفك هي والبيب وتضرب لها حدا السيارات اللي كانت تجاوزنا بسرعه كبيره وخاصة الشاحنات .
اختم موضوعي بأحاديث عن خاتم الرسل محمد صلى الله عليه وسلم
عن ابن عباس رضي الله عنهما قال:قال رسول الله(صلى الله عليه وسلم):"والعين حق ولو كان شيء سابق القَدَرلسبقته العين،وإذا استغسلتم فاغتسلوا"
عن ابي هريرة قال:قال رسول الله (صلى الله عليه وسلم):"العين حق،ويحضرها الشيطان،وحسد ابن آدم.
هذي اول مشاركه لي معاكم يا ......... ( وشلك بالطويله ادخل بالموضوع على طول ) :D
هذي يا شباب قصه حصلت من قبل 3 اسابيع وانا قاصد النعيريه متوجه من ابوظي حيث الجماعه هل الابل هناك جنوب من النعيريه حول الصرار . المهم ربطنا ووثقنا اغراضانا وكل شي تمام ومشينا بعد ما توكلنا على الله . والقلص جديد وكاله يبرق ومفصل احسن تفصيل . محمل فيه كل الاغراض مهيب ثقيله اللهم كم شنطه وكم فراش بر (سلب باق ) .
الحمدلله قضينا وقت ممتع في جو من الامطار والبرد وشوف الحلال اللي يسر الناظر والحمدلله كل من واجتهم هناك يوم شاف القلص يقول ماشاء الله , الله يعطيك خيره ويكفيك شره .
المهم في طريق العوده بعد انتهاء الاجازه وبالتحديد ( ركزوا عليها هذي ) قبل لا ندخل حدود الامارات وبالتحديد عند محطة ساسكو اللي قبل مركز البطحا وقفنا السياره والقلص معلق ومحمل ومزبط . نزلت انا والوراعين يبون يتشرون لهم اغراض المهم وانا داخل محل السوبر ماركت ألا وانا اشوف :j
اثنين يلفون ويناظرون القلص من فوق لين تحت وياخذون فره وحده والثانيه والثالثه ... قلت لخويي اللي معي داخل المحل الله يكفينا شرهم هالثنين ما ظنتي بنسلم من عينهم . المهم يوم شافونا قربنا للموتر الا وصدو عنا ومشو .
مشينا وخرجنا من مركز الحدود السعودي والامارتي ... وانا أمشي حول 140-160 كيلو وباقي على ما نوصل لمكانا حول 350 كيلو .
ممشا السياره كان طبيعي ولا حسيت بشي مختلف لا رجه في القلص ولا السياره . ويوم عدينا 300 كيلو وباقي 50 كيلو على ما نوصل بوظبي ألا وذاك السنافي السعودي ( جعل من جابه للجنه ) يأشر علي بيده ان فيه شي ورا .. انا قلت في خاطري يمكن الباب حق القلص مرتخي ولا شي من الفرش طار .
المهم ما وقفت لاني قلت الباب دامه مرتخي ما عليه موثق بحبال . الرجال ألا لزم يوقفني
المهم وقفت ونزل الرجال وسلمنا عليه قال يا فلان القلص تراكم من يوم عديتم المركز الاماراتي بعشره كيلو وهو على الحاله هذي انا فكرت انكم تدرون ولكن شفت من ممشاكم انكم ما دريتوا عنه . وانا امشي وراكم ومحتسب اني بيصير لكم شي لا سمح الله . قلت له والله ما درينا عنه ولا حسينا بشي . وانا بهذيك الساعه منصدم من شوفتي للي حاصل للقلص . شي غريب صراحه
المهم شكرته وحبيت خشمه ( لانه بصراحه انقذنا من حادثه الله لا يوريكم )
اترككم مع الصور ..
http://www.aplod.com/uploads/f34a2a8dad.jpg
http://www.aplod.com/uploads/06dc7c386b.jpg<--- راعي الزنوبه تراه العامل فضولي تراه ونشبه :D
بعد هذا المنظر حمدت ربي على السلامه وعلى سلامة من معي في السياره . ومسكت أقصى اليمين من الطريق اللي هو نسميه (كتف الطريق ) وانا امشي حول 40 كيلو وانا عيني لا تغفل عن واحد من تواير القلص لا تفك هي والبيب وتضرب لها حدا السيارات اللي كانت تجاوزنا بسرعه كبيره وخاصة الشاحنات .
اختم موضوعي بأحاديث عن خاتم الرسل محمد صلى الله عليه وسلم
عن ابن عباس رضي الله عنهما قال:قال رسول الله(صلى الله عليه وسلم):"والعين حق ولو كان شيء سابق القَدَرلسبقته العين،وإذا استغسلتم فاغتسلوا"
عن ابي هريرة قال:قال رسول الله (صلى الله عليه وسلم):"العين حق،ويحضرها الشيطان،وحسد ابن آدم.