الى منيفه...... هل من توصيات ??

[xmx202]

السلام عليكم،

غدا بأذن الله متوجهين لمنيفه

بنقضي الوقت من الظهر تقريبا حتى العشاء

فهل من توصيات

خيوط، ميادير??

موقع? منطقه?? وقت??

السياره اللي بنروح فيها ماتصلح لطعوس

والاكل والبرنزين، وين اقرب شيشه ??

مشكورين وبارك الله فيكم

[وليد الغربة]

ان شاء الله الشباب لن يقصروا في التوصيات

انا ما عندي علم بها

اخوك وليد الغربة

[حداق الخبر]

موفق خير يالغالي

تروح وترجع بالسلامه

والله يالغالي ما سبق وجيتها من قبل

فالك الصيد الطيب

ولا اوصيك بالتقرير اللي يرد الروح

بالتوفيق

[xmx202]

الله يعافيكم

بس عندي سؤال .. هل دخول المنطقه يحتاج الى تصريح ؟؟؟

لحظو ان حا بنقعد اقل من 8 ساعات

[حداق الفناتير]

موفقين انشاء الله
انا رحت منيفه والصراحه احسن مافيها البحر صافي فقط لاغير والصيد مامن صيد جلست فيها قرابة اليومين
لامن صيد اول مره واخر مره اروح منيفه
الجبيل وبس في الحداق
تحياتي للجميع

[White_Shark]

وعليكم السلام ورحمة الله وبركاته

منيفة منطقة جميلة وكبيرة وواسعة وفيها محادق كثيرة , ولكن وصفها صعب من غير معالم لأنها شبكة من الطرق الرملية وإضاعة الدرب سهل جداً وخصوصاً في الليل ماتدري أنت وين فيه :D ؟ ضيعنا مرة الخيمة قبل كم سنة من طلعنا نص الليل رحنا نعبي الخزان ماي .. وأخذنا ثلاث ساعات نحوس بين الطعوس وراح ثلاث ارباع تانكي البنزين .. وأقرب محطة بنزين تبعد عن مفرق منيفة مسير عشرين دقيقة بالسيارة , وزيد عليها موقعك في منيفة لأنها كبيرة ومتباعده .

منيفة يوجد بها منطقة تسمى ( راس بلبول ) تعتبر افضل منطقة للحداق ووضع خيوط المد (الشكة) .. ولكن برضة وصفها صعب جداً وتكون من الجهة المقابلة للمركز .

ويوجد بها منطقة تسمى ( قحّة سليق ) ولكنها ممنوعة , وسمعت بأنهم سمحوا بها ولكن لم اتأكد .

لكن إن بغيت محدق سهل .. وفيه سبيطي وكنعد وخصوصاً الحين في فترة برودة الجو .. لما تاخذ تصريحك من المركز ارجعوا بس 150 متر على يدك اليمين قبل الصنادق هذا محدق سبيطي , وشعوم كبار .. العام الماضي لقيت شباب في نفس هذا الموقع يقولون صادوا ثلاثة سبيطية في يوم واحد والطعم كان مصران .

بالنسبة للتوصيات :
- منطقة تغاريز .
- سهولة اضاعة الطريق .
- عقارب وثعابين .
- اجواءها متقلبة بسرعة .
- أوقات المد والجزر فيها تختلف عن أي منطقة .. المد فيها يستمر 12 ساعة على دفعتين .. وكذلك الجزر .. وإن شاء الله يوافق وقت روحتكم بداية المد .
- يوجد بها مناطق محظورة للصيد يمنع الاقتراب منها , عليكم الاستفسار من المركز قبل السين والجيم .

تقبل تحياتي .

[accentkool]

ربعي طلعو لها وجدا يمدحوها
والصيد يالحبيب ليلي يعني لاتنامون
بالليل وتسون مثلنا خخخخخخخخ
ومن حيث العدة ود معك انواع واشكال
والله يوفقك ولا تنسى التقرير

[xmx202]

مشكور يابن شارك، كلامك صحيح

رحن اول ماوصلنا، قعدنا على امتداد المركز شرق، البحر يسارنا والشارع يميننا، توني مطلع مزيزيه، الا جيب السلاح جانا وقال تعالو معاي المركز، هذا مكان محضور، وبعد حب الخشوم، قال يالله شيلو قشكم،

قعدنا اقرب للمركز، جربنا البحر اليمين المفتوح، والبحر اليساري اامسكّر،

عجبني فيها القرقفان جامبو، كبيييير اول مره اشوف هالحجم

مع ان ماتوفقنا في الصيد هالمره، فقط 5 سميچات، مزيزيه وقرقفان كبير وشعم

الا ان اامنذفه باين عليها ممتازه بس يبيلها صبر و نعرفه

لنا لها زياره اخرى انشاء الله

[xmx202]

وياحبيبي اكسنت، تفضل التقرير يتمحور في هالصوره اللي هي صيدنا

http://photos-g.ak.fbcdn.net/hphotos-ak-ash4/s720x720/383980_259765494073729_100001208411230_791166_1294 230196_n.jpg