السيارة تطفى من حالها وش السالفة

[mazen_asg]

عندي سيارة نيسان صني اتوماتيك الجير موديل 2005

السيارة تطفى من حالها مدري وش السالفة وتعرفون نص الورش سلاقين بيض ما يدرون وين الطبخة وكيف طعمها

واحد يقول البوابة خربانة و واحد يقول نظف البخاخات و واحد يقول حساس المنظم وكل واحد يفتي على هواة

ياليت اذا احد عندو خبرة يفيدني ولكم الشكر

[هويدي]

حساس المنظم والله العالم يسبب تقطيع لانك اذا فصلت سلكه يقطع

اتوقع طرمبه البنزين خربانه واحتمال الصفايه منسده

والاخوان فيهم الخير والبركه يحلون مشكلتك إن شاء الله

[سفيرالنوض]

انا طلعت اف جي من الوكاله قبل رمضان ااذا مسكت الخط ومشيت سرعه فوق 140 اذا هديت
فجئة يطفي ويشتغل بسرعه استغربت من المشكله وبما ان الموتر وكالة قلت بمر عليهم واخذت شهر
والمشكله معي وانا ماتفرغت للوكاله وفي يوم علم الشباب بالمشكله ويقمز احد الشباب ويفتح الكبوت
وقاعد اضحك عليه المهم ما دريت الا يوم نزل عدته الرجال وانا بس ماطالعت فيه وقاعد اضحك عليه
المهم طبق الكبوت وقال اذا رجعت المشكله ذبيحتك على وفعلا الان له عدى اكثر من شهر وماشي تمام
وحشرته قلت وش سويت قال الاصبع الماص مرتخي وشديت عليه ؟؟

يعني تراء مشكلتك ممكن تصير بسيط وانتبه من ها العماله النصابه

[اسير العيص]

اتوقع انها من كتاوت طرمبه البنزين غيرة وشوف
انا عندي سيارة كانت ماتشتغل وقت البرد الا بصعوبه واذ مشيت فيها والجو بارد تطفي غيرت طرمبه مانفع وغيرت الكتاوت وزبطت :D

[mazen_asg]

يعطيكم العافية ( هويدي - اسير العيص - سفير النوض )

وديتها المكانيكي وشد الابنص ورفع ضغط السيارة شوية وان شاء الله تضبط ورحت اخذ قطع غيار من محل القطع وسالت واحد هناك قال ممكن وحتمال كبير جداً يكون حساس المنظم لنو دايم يتعطل انا بفكة وعندي مادة تنظيف اللوحات والافياش الالكترونية بنرشها ونجرب وان شاء الله تضبط

[Topstars]

هل الحرارة طبيعية اذا الحرارة مرتفعة
شيك الرديتر هل فيه زيت مع مويت الرديتر
اذا فيه زيت هذا يعني غير رديتر ونظف المكينة والقير.
وان شاء الله مشكلتك بسيطة شيك حساس الهواء او الافياش يمكن مرتخية او وسخانة.
بالتوفيق