مقاسات الخيوط للجلب

[جيم هوكنز]

السلام عليكم
ممكن احد يشرحلي مقاسات الخيوط للجلب بدون سنارة طبعا
المقاسات للاعماق الغزير و30 متر و40 متر والاوزان

وشكرا

[بوخضب]

ما اعرف بس يمك يفيدونك الشباب
للرفع

[عاشق البحرE]

هلا بك أخوي جيم هوكنز ..

كل واحد يحب يستخدم مقاس معين و تتراوح المقاسات للخيوط بين 60 و 70 و 80 ..

و الثقال يستخدم 2.5 او 3 هذا و الأوقات اللي يكون البحر هادي او موج خفيف .ز بس لو زاد عنك الموج و لاحظت ان في تيارات في القاع .. لازم تزيد الثقل الى رقم 4 او 5 ..

و الميادير ( المجدار) استخدم الأحجام الصغيرة 2\0 او 3\0 ..

بالنسبة للعمق كل ما زاد حاول تزيد الثقل مشان يكون نزوله اسرع ..

ان شاء الله اني استفدت مني ..

و لكل واحد طريقة في الصيد .. و متأكد الأعضاء راح يفيدونك أكثر و أكثر ..

[Bo.3aBeD]

مشالله عليك اخوي عاشق البحر ... سبقتني :D

خلاص مايحتاج اتكلم :good2:

وو ع العموم زي ماقال اخوي كل واحد وله نوع وحجم الخيط الي يحبه بالصيد :p

[جيم هوكنز]

شكرا شباب والي حاب يوضح اكثر يتفضل والفائدة للعموم

[7oot]

الثقل علاقته مع التيار علاقة طردية كلما زاد التيار زيد الثقل
أما الخيط على كيفك
بس انتبه تتهور و تاخذ 120 و أكثر في منطقة صخرية عشان لا يصخر وتقعد بها
ابدا بخيط 40 و اذا صدت سمكة وانقطع الخيط غير مقاس أكبر << انا اتبع هذي الاستراتيجية

[عوام 5]

اخي جيم
بالنسبه للغزيرالخيط المناسب 70-او80 والثقل 5-6-7 اما الميدار مقاس 7-او 8 واغلب ما نحدق فيه مقاس 8 هذا بالنسبه لي ومثل ما قالو الاخوان كل واحد له طريقته في الصيد

[accentkool]

ركب 50 و60 والثقالة 3