ابي فزعتكم يالاخوان .. سيارتي فيها مشكلة ,,,

[لادفانس]

باختصار : معي سيارة ايسوزو ونيت 2007 ماشي 170000 كم .. اردت الحج هذا العام وقمت بتغيير الزيت (نتانا ) مع السيفون ..وقبل وصولي القصيم ب120 كم سمعت صوت حنة مع طقطقة خفيفة وخففت السرعة الى 80 وهدأ الصوت ومع المنعطفات تشتغل لمبة الزيت .طبعا انا متابع امبير الحرارة ولم يتحرك على الثلث.ويوم وصلت البيت وجدت السيرمقطوع .ويظهر انه للمكيف او الدينمو انا غير متاكد لانني بالعربي ( عليمي وسواق طارة فقط ).. وعايرت الزيت .. واذا به فاضي .. يمكن مافيه الا نصف علبة .. وفي الصباح قمت بتعبئته خمس علب وصار تمام ..
** المشكلة وبيت القصيد : شغلت السيارة وبدات المكينة ترج رجة قوية ( قلت الله يستر اذا ماسقطت ) وبدأ يخرج من الشكمان دخان ابيض .. ولا وقف .. وبها ترترة كانها تبي تطفي ..بالنهاية طفيت السيارة ..
** الان يالاخوان : اشيروا علي وش المشكلة ...2 / وليش نقص الزيت بل خلص بهذا الشكل وبهذه السرعة .علما انني انا شاري الزيت .. وواقف على راس العامل وهو يغير الزيت ...3/ افضل الورشات المتخصصة بهذه المشكلة في بريدة 4 / كم يكلف تصليح السيارة تقريبا ؟ وش تحتاج من قطع غيار ؟
* اسال الله العظيم رب العرش العظيم ان يجزيكم خير الجزاء .. حتى لو شاركت بكلمة واحدة .. وسامحوني اذا طولت عليكم ..

[النشمي11]

كل عام وانت بخير اخوي وتقبل الله منا ومنكم صالح الأعمال

شف هذا جوال ميكانيكي سعودي

قريب من خب العريمضي . نصوح جدا ان ما عرف للموتر يبي يدلك على اللي يعرف ان شاء الله

[لادفانس]

جزاك الله خيرا يالنشمي ورفع الله قدرك واسكنك الفردوس الاعلى

[الكلاسك]

باختصار : معي سيارة ايسوزو ونيت 2007 ماشي 170000 كم .. اردت الحج هذا العام وقمت بتغيير الزيت (نتانا ) مع السيفون ..وقبل وصولي القصيم ب120 كم سمعت صوت حنة مع طقطقة خفيفة وخففت السرعة الى 80 وهدأ الصوت ومع المنعطفات تشتغل لمبة الزيت .طبعا انا متابع امبير الحرارة ولم يتحرك على الثلث.ويوم وصلت البيت وجدت السيرمقطوع .ويظهر انه للمكيف او الدينمو انا غير متاكد لانني بالعربي ( عليمي وسواق طارة فقط ).. وعايرت الزيت .. واذا به فاضي .. يمكن مافيه الا نصف علبة .. وفي الصباح قمت بتعبئته خمس علب وصار تمام ..
** المشكلة وبيت القصيد : شغلت السيارة وبدات المكينة ترج رجة قوية ( قلت الله يستر اذا ماسقطت ) وبدأ يخرج من الشكمان دخان ابيض .. ولا وقف .. وبها ترترة كانها تبي تطفي ..بالنهاية طفيت السيارة ..
** الان يالاخوان : اشيروا علي وش المشكلة ...2 / وليش نقص الزيت بل خلص بهذا الشكل وبهذه السرعة .علما انني انا شاري الزيت .. وواقف على راس العامل وهو يغير الزيت ...3/ افضل الورشات المتخصصة بهذه المشكلة في بريدة 4 / كم يكلف تصليح السيارة تقريبا ؟ وش تحتاج من قطع غيار ؟
* اسال الله العظيم رب العرش العظيم ان يجزيكم خير الجزاء .. حتى لو شاركت بكلمة واحدة .. وسامحوني اذا طولت عليكم ..

اول مره اسمع بهذا الزيت !! :eek:
الخوف ان المحرك خبط ويبي له توضيب :mad:
لان المسافه اللي قطعتها كانت كفيله بتخبيط السياره مع وجود زيت رديئ .:(
آمل ان يكون سبب آخر ولكن خبرنا وش صار معاك ولك تحياتي
وبالتوفيق

[لادفانس]

اشكرك يا اخي الفاضل / كلاسك .... اسم الزيت تقريبا يعني حول هذا الاسم .. وهو على حسب اعتقادي انه غير ردي لان سعر 4 جالون ب 50 ريال ..وحتى الان انا موقف السيارة انتظر راي ومشورة الاخوان .. شكر الله سعيك ورفع الله قدرك ..

[برونز]

افحص التيربو يمكن العطل منه لانه يمر عليه زيت المكينه يمكن صوفة التيربو خربت وخرج زيت المكينة منه الي الشكمان

[لادفانس]

رفع الله قدرك يابرونز ..واسكنك الله الفردوس الاعلى ..اتمنى ان المشكلة في التيربو .. تهون مليون .. بس انا خايف انها خبطت مثل ماقالوا الاخوان .. والحمد الله اولا واخرا ..
** محتاج يالاخوان ارائكم ..

[النشمي11]

جزاك الله خيرا يالنشمي ورفع الله قدرك واسكنك الفردوس الاعلى

بشر دقيت على الرجال ولا توك

[لادفانس]

الله يجزاك كل خير يالنشمي .. اتصلت على الرجال وأحالني على ورشة الاحمد .. والان السيارة عند الاحمد وقالوا : لابد فك المكينة ونشوف وش فيها من مشاكل .. والله يكتب كل خير .. والف شكر لك اخي الفاضل