يوسف الخليفة1
10/11/2011, 03:58 PM
بسم الله الرحمن الرحيم
السلام عليكم ورحمة الله وبركاته
عديت بالشاهد لحالي مسيان=اخيل برقن لاح قبلة حليسه
مدري هو اجنب مع مراهيش الامزان=حتا الرعد ما عاد نوحي حسيسه
باكر يجي علمه باذن رب الاكوان=ياتي خبر سيله من احدا العسيسه
والا يجيب الله من الوبل هتان=ياخذ ثلاث ايام واسع وطيسه
وامسا علي الليل ما حولي انسان=ما غير صمت الدو باذني جريسه
اقفا شعاع الشمس في قبلة ابان=رب الفلك سبحانه اللي يقيسه
وقفت للقبله وطوحت الاذان=في صوت عالي ما لهجت الهميسه
صليت واجري عند جزاي الاحسان=اللي عطا الجنه بسبة غريسه
واشعلت ناري من ميابيس الاغصان=والبن الاشقر مستوي في حميسه
عزلت نفسي عن غثا بعض الازمان=وابعدت عن ذيلن يحيك لجليسه
اللي اليا شاف الزلل صار فتان=مثل الغراب اللي لقا له فريسه
لا خايفن ربه ولا مصلحن شان=ولا مبعدن شره كريه تعبيسه
يا سامعي خذ لك نصيحه بمجان=عن تجربه ما قلتها باتهجيسه
ابعد عنه بعد الجزاير عن عمان=واياك نفسك لا تصير الخسيسه
خل السخا مبداك لاجوك ضيفان=والطيب كنزك لو ثقل حمل كيسه
حذرا عن ظلالن به النفس تنهان=تعيش نفسك بالحياة التعيسه
واحرص على خير الملا روس الايمان=اهل الفعول النادرات النفيسه
يا سعد منهو يقرا بايات قران=تروح روحه بالخفوت الونيسه
لا شك يجزا خير من رب رحمان=يروق باله ثم يزول تعميسه
يوسف الخليفة ( أبو عبد الله )
السلام عليكم ورحمة الله وبركاته
عديت بالشاهد لحالي مسيان=اخيل برقن لاح قبلة حليسه
مدري هو اجنب مع مراهيش الامزان=حتا الرعد ما عاد نوحي حسيسه
باكر يجي علمه باذن رب الاكوان=ياتي خبر سيله من احدا العسيسه
والا يجيب الله من الوبل هتان=ياخذ ثلاث ايام واسع وطيسه
وامسا علي الليل ما حولي انسان=ما غير صمت الدو باذني جريسه
اقفا شعاع الشمس في قبلة ابان=رب الفلك سبحانه اللي يقيسه
وقفت للقبله وطوحت الاذان=في صوت عالي ما لهجت الهميسه
صليت واجري عند جزاي الاحسان=اللي عطا الجنه بسبة غريسه
واشعلت ناري من ميابيس الاغصان=والبن الاشقر مستوي في حميسه
عزلت نفسي عن غثا بعض الازمان=وابعدت عن ذيلن يحيك لجليسه
اللي اليا شاف الزلل صار فتان=مثل الغراب اللي لقا له فريسه
لا خايفن ربه ولا مصلحن شان=ولا مبعدن شره كريه تعبيسه
يا سامعي خذ لك نصيحه بمجان=عن تجربه ما قلتها باتهجيسه
ابعد عنه بعد الجزاير عن عمان=واياك نفسك لا تصير الخسيسه
خل السخا مبداك لاجوك ضيفان=والطيب كنزك لو ثقل حمل كيسه
حذرا عن ظلالن به النفس تنهان=تعيش نفسك بالحياة التعيسه
واحرص على خير الملا روس الايمان=اهل الفعول النادرات النفيسه
يا سعد منهو يقرا بايات قران=تروح روحه بالخفوت الونيسه
لا شك يجزا خير من رب رحمان=يروق باله ثم يزول تعميسه
يوسف الخليفة ( أبو عبد الله )