ما هو أفضل سجاد في البر؟

[سيف وقلم]

السلام عليكم:

اليوم العصر رحت للعويس بأشتري فرشة الي زي حقت الصلاة حقت الحريم بس كبيرة مقاس 2* 3 شفت عدة أنواع:

فيه شيء صناعة تركية وهو درجات وأسعارها 140 -130 ريال والأسعار تتفاوت من محل إلى محل وفيه شيء ب160-170 ريال بس إنه طيب.

وفيه السجاد صناعته سعودي سعره 100 ريال وجودته حليله يقارب التركي (وفيه مقاس 1.5 *2 )ب50 ريال بغيت آخذها بس اللون ما جاز لي.

وفيه شيء اسمه ينبع جبر شوي كأنه زل سعره 150 ريال ويمدحونه.


فما أدري فيه أحد جرب أحد الأنواع الآنف ذكرها أعلاه أو أي نوع آخر غير ما ذكر.

[bader358]

في البر --- انا اشتري الفرش اللي يكون من اسفل مثل الطربال التنزاني او حق الخيام اللي ما يمسك الرمل ولا يرطب.


السجاد العادي يرطب بسرعه الى اذا انت فارش تحته طربال.


بالتوفيق

[عاشق السيل]

وعليكم السلام ورحمة الله وبركاته ،،

الفرشات أنواع ومقاسات وأسعار ودوخة راس ،، والاختيار يتحدد على حسب حاجتك وحسب مواقع كشتاتك وحسب سيارتك !!!

يعني إذا كان تواجدك بالرمل أي فرشة تصلح وإذا أماكن رطبة مثل الفياض لازم يكون أسفل الفرشة تنزاني وإذا أماكن حجرية لازم تاخذ من الزل أو شي مبطن بأسفنج ،،

ومن ناحية السيارة إذا معك ونيت طق من هالزل الصغار وحمل على راحتك لأنها مريحة جدا ،، وإذا سيارتك صغيرة لازم تاخذ من الفرشات اللي إذا طويتها صارت صغيرة بالحيل ،،

والله يوفقك والجميع لكل خير ....

[لاتكب البيالة]

السلام عليكم
الفرشة انصحك بالتركي كنه زولية بس خفيف شوي طبعا اسعاره بالمستودعات بمخرج 17
2*3 ب 120
2*4 ب 160
وان بغيت تخيط تحته شي انصحك بالشراع التايلندي البلاستيك سعره زين ويوقي اكثر من غيره

[سيف وقلم]

في البر --- انا اشتري الفرش اللي يكون من اسفل مثل الطربال التنزاني او حق الخيام اللي ما يمسك الرمل ولا يرطب.


السجاد العادي يرطب بسرعه الى اذا انت فارش تحته طربال.


بالتوفيق




الي تجي جاهزة السجاد حقها لك عليه ولا يحطون تنزاني يحطون الصيني الردي
والموية تنشف وانفض الفرشة والا خيطتها من تحت تنزاني

[سيف وقلم]

وعليكم السلام ورحمة الله وبركاته ،،

الفرشات أنواع ومقاسات وأسعار ودوخة راس ،، والاختيار يتحدد على حسب حاجتك وحسب مواقع كشتاتك وحسب سيارتك !!!

يعني إذا كان تواجدك بالرمل أي فرشة تصلح وإذا أماكن رطبة مثل الفياض لازم يكون أسفل الفرشة تنزاني وإذا أماكن حجرية لازم تاخذ من الزل أو شي مبطن بأسفنج ،،

ومن ناحية السيارة إذا معك ونيت طق من هالزل الصغار وحمل على راحتك لأنها مريحة جدا ،، وإذا سيارتك صغيرة لازم تاخذ من الفرشات اللي إذا طويتها صارت صغيرة بالحيل ،،

والله يوفقك والجميع لكل خير ....


كشتات على الخفيف ومعي جيب وأحسن مقاس الصغيرة ذا بغيت تجلس على الضوء
2*1.5 أعتقد مناسبة بالنسبة لي

[wafi4sa]

السلام عليكم
الفرشة انصحك بالتركي كنه زولية بس خفيف شوي طبعا اسعاره بالمستودعات بمخرج 17
2*3 ب 120
2*4 ب 160
وان بغيت تخيط تحته شي انصحك بالشراع التايلندي البلاستيك سعره زين ويوقي اكثر من غيره
انا اويد كلام لاتكب البيالة
وتوكل على الله ولن تندم إن شاء الله

[سيف وقلم]

السلام عليكم
الفرشة انصحك بالتركي كنه زولية بس خفيف شوي طبعا اسعاره بالمستودعات بمخرج 17
2*3 ب 120
2*4 ب 160
وان بغيت تخيط تحته شي انصحك بالشراع التايلندي البلاستيك سعره زين ويوقي اكثر من غيره


طيب ما فيه مقاس 1.5 *2 وكم سعرها ما لقيت إلا سعودي وهي حول التركي وأنعم بس لونها ما جاز لي
الشراع التايلدني هو زي التنزاني ولونه أخضر هذا الي تقصده وين فيه وكم يأخذ على الخياطة 2*3 أو 1.5 * 2




انا اويد كلام لاتكب البيالة
وتوكل على الله ولن تندم إن شاء الله

شكرا على المرور

[لاتكب البيالة]

طيب ما فيه مقاس 1.5 *2 ما لقيت إلا سعودي لا وبعد لونها مب زين وكم سعرها الشراع التايلدني كم متره وهل يخيط على الفرشة وين يباع وهل هو زي التنزاني.
التركي يجي 2*3 و 2*4 هذا اللي اخبره
وبالنسبة 1.5*2 يجي صيني خفيف واضنه اكبر شوي
تبي نصيحتي جلسة للضو ولغيره خذ فرشة 2*3 ووقصه مع النص
النص الاول خله على حاله بيصير 2*1.5 والنص الثاني قصه نصفين كل وحده 0.75 *2
الكبيرة تكفي للصلاة والغدا والطولات للضو :D
بالنسبة للشراع التايلندي سعره خابره ب 12 للمتر طول اللفة 1.84 سم
وان بغيت تايلني علمن كم متر واعتبره جاك بلاش عندي لفة مضيقة علي اهم شي الليلة لاني ابسافر بكرى ورقمي عندك على الخاص

[عاشق السيل]

كشتات على الخفيف ومعي جيب وأحسن مقاس الصغيرة ذا بغيت تجلس على الضوء
2*1.5 أعتقد مناسبة بالنسبة لي

أجل نصيحتي لك رح لبرق الحيا مسوين مدات متر في مترين اللي فوق قماش عادي واللي تحت صيني بس ضد الماء والرطوبة وسعرها ((( 19 ))) ريال بسسسسسسس !!!

[FORD1969]

في البر لا تشري غالي تتحسف عليها وفي تخزينها وحفظها وطويها ويجي معك من يقطع بصل دايركت عليها ويجي من يبربس شاهيه عليها وماتقدر تقول له لا

انا استخدم الطراحات اللي تباع في المحطات الحمر خفيفه مريحه سعرها رخيص ومن الحراج الحبه بــ15 في سماكه 10 سم وفيه 5 سم وهي الأفضل عشان تطويها بسهوله
في الشعبان ما تصلح الا هي لأن الشعبان حصى والمدات التركيه ما تصلح ولا ترتاح عليها

موفق

[عملاق سبيع]

الزين موجود بس غالي

[سيف وقلم]

أجل نصيحتي لك رح لبرق الحيا مسوين مدات متر في مترين اللي فوق قماش عادي واللي تحت صيني بس ضد الماء والرطوبة وسعرها ((( 19 ))) ريال بسسسسسسس !!!


بس مشكلة القماش يتقطع بسرعة








في البر لا تشري غالي تتحسف عليها وفي تخزينها وحفظها وطويها ويجي معك من يقطع بصل دايركت عليها ويجي من يبربس شاهيه عليها وماتقدر تقول له لا




انا استخدم الطراحات اللي تباع في المحطات الحمر خفيفه مريحه سعرها رخيص ومن الحراج الحبه بــ15 في سماكه 10 سم وفيه 5 سم وهي الأفضل عشان تطويها بسهوله
في الشعبان ما تصلح الا هي لأن الشعبان حصى والمدات التركيه ما تصلح ولا ترتاح عليها


موفق




ما أدري تقصد أي نوع بس هل هي تتقطع بسرعة وإلا تصبر






الزين موجود بس غالي

ما نبي الغالي مرة نبي شيء متوسط السعر

[اصيل نجد]

اخوي امسي عليك وعلى الاخوان المتواجدين اذا تبي الشور رح طال عمرك للمستودعات مخرج 17 الدائري الشرقي تلقي هناك انواع واشكال ومقاسات والسعر اظمن انه اقل من السوق لاان المحلات ياخذون منهم والله يدلك على الاصلح .

[قيس عبدالله]

مشكوووووووووووووووووووووورين

[سيف وقلم]

اخوي امسي عليك وعلى الاخوان المتواجدين اذا تبي الشور رح طال عمرك للمستودعات مخرج 17 الدائري الشرقي تلقي هناك انواع واشكال ومقاسات والسعر اظمن انه اقل من السوق لاان المحلات ياخذون منهم والله يدلك على الاصلح .




هو أكيد أرخص لإنهم يبيعون بسعر الجملة, وجزاك الله خير.



مشكوووووووووووووووووووووورين


شكرا على المرور