استفسار مهم تكفون فيدونا لاهل الغنم

[ماجد الطيار]

بسم الله الرحمن الرحيم
اود استشارتكم في مرض اصيب به فحل الغنم عندي وهاذي اعراض المرض
توقف الاقدام الخلفيه عن الحركه فجئه بدون مقدمات تكفون فيدونا وش هاذا المرض وش علاجها لفحل غالي وانا خايف عليه وسلامتكم

[سالم بن عبيد]

وانا اليوم نفس الشي يالربع جفره جااه نفس المرض توقف الارجل عن الحركه تقول مشلووله ولا مقروصه
هو ابو هجير ولا ماهو هوالحماا القلعيه

[راعي النوادر]

وانا حصل عندنا في فحل نعيمي نفس الشي وقفت عن الحركه وحركتها بنفسي مشدوده الاعصاب والكلام هذا قبل 3 اشهر والخروف جلس تقريبا 20 يوم ومات

[صقر البحيرات]

.. لا حول ولا قوة إلا بالله

.. إذا كانت الأعصاب متيبسه ( ومشدوده .. ) ولا يقوم ويبرم في مكانه ( يدور في مكانه او يحفر الارض بقدمه او شيء من هذا القبيل ) ربما يكون معوي عصبي ( طير )

أما إذا كان يتحرك ويمشي ولكن الاقدام تتضارب مع بعضها ( ربما يكون ) هذا كتاف تحس انه مرَبط ( ياكل ويشرب طبيعي)

أما إذا كان يتحرك بصعوبه و يضلع ويسقط قليلا مع ارتفاع درجة الحرارة وقلة الاكل والشرب والخمول الزائد ( هذا حمى قلاعية ـ ضلاع).. علاجها متوفر


اخي الكريم غالبا مرض الفحول : نظرة عليك بسقية ماء مقري مع اطعامه ورشه ملح مقري ..

لأن هذا المرض اصيب به كباش لنا قبل عدة سنوات فمات 36 كبش والسبب عين وماصلت على النبي خاصة فحلك مشري وغالي

[سلطان الجود]

السلام عليكم ورحمة الله وبركاته
اخواني انا شفت فحل نجدي غالي رجوله داخله على جوا وفيها عيب لكن يقول صاحبها استخدمت البخاخ الازرق عليها والحمدلله صار يمشي زين لكن العيب بقى اثر منه والله يستر على حلالكم ...

[قزيزالنعام]

يمكن منجور من الخرفان الثانيه الله يشفيه

[أبونايف--]

أنتبه من العين ترا العين حق
الله يحفظكم انتم وحلالكم

[.راعي الابل.]

سبحان الله