المواضيع الناقصه لاتفيد المنتدي

[الرّمااااي]

السلام عليكم
فيه كثير من المواضيع الناقصه مثل
طرحت طير
مطروحه حباري
الطير للبيع
مطلوب طير
شفت طير
وغيره من المواضيع الي تنكتب وفيها نقص شديد بالمعلومات وهناك من يشكك بمصداقيتها
يرجي عدم الرد عليه او غلاقها من قبل المشاركين
شرايكم

[قرناس شماالي]

والله كلامك صحيح يالغالي
ولا انا الي يخليني استغرب
يجي واحد يقول طيري فيه كذا وميعطيك وش يصير بطير
واسباب المرض عطيته علف بارد او ماكل حمامه مريضه
وان عطيته معلومه يقولك لا
والصراحه الموضيع ناقصه واجد بلاقسام كلها
وصراحه المشرفين على ذراع الذيب والربع الغالي وكثير
لنا مده لم نسمع عنهم شى وجعلهم بصحه وقايمين بطاعه
وجزاك الله خير يالغالي على الموضوع لنقاش الجاد

[الرّمااااي]

مشكور علي الرد وشكل الموضوع ماعجب الاعضاء

[قرناس شماالي]

لاوالله يعجب الي لهم خبره بلمنتدى
اما الي توه مشارك مايهمه اكمال المعلومات يالغالي

[العاتق]

كلامك سليم يالرمادي ولا يهون الاخ قرناس شمالي كلام منطقي وفي محله المفروض انها تحذف ولا لها لزوم تسبب زحمه في المنتدى ولا منها فايده... تحياتي لكم

[عبدالرحمن بن ذياب]

كلامك صح و في محله المواضيع الناقصة لا تفيد بشئ

[اقدم صقار]

السلام عليكم
اخواني بقول لكم بكل صراحه
المنتدى للجميع وما سجلنا فيه إلا للاستفسار والتعارف وللبيع اما بعض المواضيع اللي تقولون عنها فيها فايده للي يبي يستفسر او يبي يبيع او اي غرض كان
وهذي وجهت نضر وبقولها وكل واحد له وجهت نضر
تقبلو مروري

[قرناس شماالي]

السلام عليكم

اخواني بقول لكم بكل صراحه
المنتدى للجميع وما سجلنا فيه إلا للاستفسار والتعارف وللبيع اما بعض المواضيع اللي تقولون عنها فيها فايده للي يبي يستفسر او يبي يبيع او اي غرض كان
وهذي وجهت نضر وبقولها وكل واحد له وجهت نضر

تقبلو مروري


يبومنصور وجهت نضرك بمحلها
لاكن السئال لازم يكون واضح
انت تبي تستفسر ولاكن استفسارك ماهو كامل
وشلون تبيني اعلمك يلي تستفسر
والمشكله بعض المرات ماحد يفهم وشو الاستفسار
ويرد صاحب الموضوع يقول 10زوار ولاواحد رد
كيف تبيني ارد واستفسارك ماهو مفهووم
وجزاكم الله الف خير :D

[اقدم صقار]

الله يعين يا بو جهاد
والواحد يصير وسيع صدر ويتحمل كل الردود والآراء
وياخذ ويعطي مع طالب الشور او الرأي وصدقني ماهوب كاتب موضوع عن مرض او يطلب المساعده وهو عنده خبر او علم ولا احد متفائل عاى طيره بمرض عشان يكتب موضوع
بقول شي تخيلو لو مافيه اخطاء ولا شطحات ولا ردود ولا مواضيع جديده وش بيكون المنتدى !!!
وش بنستفيد مادام مافيه اخذ وعطا !!!
بكل صراحه ماراح نستفيد شي
لاكن الواحد يتحمل ربعه واسئلتهم واستفساراتهم ويكون الواحد منا مكمل لخويه ويوضح له الاخطاء والصواب وجل من لا يسها ولا يخطي
المنتدى للجميع وش بيصير لو استفسر احد عن اي مشكله ؟
يا الربع وسعوا صدوركم وتعوذو من الشيطان
>>> ما يستاهل انذااااااااار !!!
سبحان الله وبحمده سبحان الله العضيم
اسف على الاطاله

[قرناس شماالي]

يالغالي حنا نتناقش بلموضوع
ولاحد يزعل من الي يستفسر بلعكس
نبي نوضحله نقطه والربع كلهم ماقصرو مع خبير اومبتدى
وجزاك الله الف خير على هرط الوافي يابومنصور
وتقبل تحياتي

[ســـبــار ربــعـــه]

:good2:

الله يعين يا بو جهاد

والواحد يصير وسيع صدر ويتحمل كل الردود والآراء
وياخذ ويعطي مع طالب الشور او الرأي وصدقني ماهوب كاتب موضوع عن مرض او يطلب المساعده وهو عنده خبر او علم ولا احد متفائل عاى طيره بمرض عشان يكتب موضوع
بقول شي تخيلو لو مافيه اخطاء ولا شطحات ولا ردود ولا مواضيع جديده وش بيكون المنتدى !!!
وش بنستفيد مادام مافيه اخذ وعطا !!!
بكل صراحه ماراح نستفيد شي
لاكن الواحد يتحمل ربعه واسئلتهم واستفساراتهم ويكون الواحد منا مكمل لخويه ويوضح له الاخطاء والصواب وجل من لا يسها ولا يخطي
المنتدى للجميع وش بيصير لو استفسر احد عن اي مشكله ؟
يا الربع وسعوا صدوركم وتعوذو من الشيطان
>>> ما يستاهل انذااااااااار !!!
سبحان الله وبحمده سبحان الله العضيم

اسف على الاطاله




:good2::good2::good2::good2::good2::good2::good2:

[مخاوي الذيب 305]

كـــــــــــــــــــــــــــــــــــــــلام ســــــــــــــــــلــــــــــــيـــــــــــم
من عقل سليم