الاقمشة الشتوية

[صديق اليوم]

بم ان موسم البرد على الابواب فحبيت اطرح مناقشة مايخص الاقمشة الشتوية انواعها والاجود والافضل بين الزملاء ليتم مناقشتة وطرح تجاربهم وشكراء

[جيبي جايزلي]

موضوع جيد يستحق المشاركه

ولي عوده

[Mr.GX-R]

انا مثلك في الاقمشة ما اعرف لها وافصل وعلى الله التوفيق
اضم صوتي لصوتك في اهل الخيره الله لا يحرمنا منهم
تقبل مروري
وشكراً

[مهندس مكشات]

الله يعطيك العافية اخي على الموضوع
عند محلات البرية
من جرب هذه عندهم
http://www.mekshat.com/pix/upload01/prof021/mk40450_dsc00776.jpg
http://www.mekshat.com/pix/upload01/prof021/mk40450_dsc00786.jpg
كيف الخامه يامن جربها

[باتمان]

بصراحة ماعندي خبرة بس اسأل عن الصوف الكشميري

[web]

الله يعطيك العافية اخي على الموضوع
عند محلات البرية
من جرب هذه عندهم
http://www.mekshat.com/pix/upload01/prof021/mk40450_dsc00776.jpg
http://www.mekshat.com/pix/upload01/prof021/mk40450_dsc00786.jpg
كيف الخامه يامن جربها


أنا جربتها زمان واحد جبها لي من المغرب ولا حصلتها هنا بروح الحين أشوف البريه اذا نفسها طقيتها عز الله ماهي خساره

[ملقاط بن جمر]

بالنسبة للقماش أنا من النوع اللي كل سنة ياخذ كم من قطعة ويفصلها وثياب العام أوديها للجمعية ..


السنة هذي رحت المعقيلة لقيت غلا فاحش عندهم السنة هذي بشكل لا يعقل ..


اقسم بالله اقسم بالله .. القطعة اللي أخذها العام واللي قبله 30 ريال السنة هذي 90 ريال


المشكلة كل اللي في السوق صيني في صيني ..



بالنسبة للجلابيات المغربية شفتها العام الماضي مع زميل وفي طلعة في عز الشتا .. الرجال كان لابسها ولا شكى من البرد ..

وين وصف محل البرية ؟؟ الله يسعد ويوفق ويرزق من يرد على سؤالي ..

[فتاح الجواد]

موضوع جميل
وبالنسبة للجلابيات اخبر واحد من الشباب جرب جلابية مغربية من المغرب جته هدية ويمدحها ويلبسها فوق الثوب
وهي وسيعة

[قناص2000]

اشتروا القماش الانجليزي افضل واحسن اقمشة شتويه على الاطلاق وغيرها مافيه:f

[سيف الظفير]

امس واحد من الربع لا بس جلابية مغربية يمدحها


يقول قممممممة الدفا

[صديق اليوم]

اشكرجميع الاخوان وافضل الاقمشة التي تزيد فيها نسبة الصوف كلما زاد زاد السعر وعندك الاصواف الانجليزية وهي المشهورة ويأتي الايطالي وحقيقة يوجد اقمشة هندية شتوية رخيصة بس مادري عن جودتها يليت احد جربها يفيدنا وشكرا

[واشنتن]

اولا انظروا لتاريخ تسجيلي وعدد مشاركاتي الصرااااحة تفشل توني انتبه لها هههههههه


انا ارى والله اعلم ان الواحد لا يشتري الاقمشة الصوفية الغالية لانها تحتاج غسيل خااااص والا راح تشمر

خلق على الاقمشة العادية وفوقها فروة او جاكيت او تحتها بجامة

[KMUU]

الصوف الانجليزي ممتاز وبعده المغربي والبطحاء اذكر افضل من المعيقلية والهندي زين بس مايدفي

[صلفان.نجد]

هيلد ,,,, امبريال,,,, كشميري,,,هذي للي يبي الدفى ولايهمه الريال!!!!!!!

[خصيم الوقت]

بصراحــــة لاتتكلف من القماش من الناحية الصوف والخامة لأننا بطبيعتنا نغير كل سنة ومستحيل تفصل ثوب صوف وتغسله عند الغسل كل يوم وقيمتة 650 ريال وفالاخير لموسم واحد .

إذاكنت من أهل الرياض فيه محلات في نهاية طريق الأمام تركي قريب من مسجد الدير بجوار المصمك في سوق يسمى سوق سويقه مقابل اسواق السليمان بالبطحاء محلات كثير ومتخصصة والاسعار جداً حلوه وخامات كثييييره طب وتخيير وبالتوفيق ..

[cruise]

ليش ثوب ب 650 ريال افصل احلا ثوب شتوي بالكويت يكلف حول 110 او اشتريه جاهز من المباركية يكلف 65 ريال تقريبا

[شوحط1]

فيه فرق بين الملون والصوف
طبعاً الملون رخيص واللي شاطر ويدور زين يلاقي خامات والوان من ابدع ما يمكن

اما بالنسبة للصوف فالأنجليزي هو الأفضل
ومن مواصفات الصوف الراقي(ربما عكس مما تتوقعون)
1- خفيف جداً .
2- ناعم الملمس والوبر أقل ما يمكن .

[الكدن1]

جربت واشتريت صوف طبعا اوربي لكن لا ادري هل هو انجليزي او اسباني او او من الصفاة بالكويت
وقد سويت عليه تجارب قبل الشراء قيل لي انها تبين الصوف الاصلي من غيره
1/ ضربته بالقلم حتى خرج من الناحية الاخرى(يعني صار فيه خرم) بعدين حركت القماش اختفى الخرم

2/ احرقت بطرف القماش حتى ظهرت رائحة الصوف
3/ لمست القماش بلساني فحسيت بحكه بلساني
القماش دافئ وكشخه ولا يكلفك 200 ريال بالكامل
وهو موجود عند محلات بن نخي وغيرهم
لكن لا تشتري من محلات الخياطين

[سيف وقلم]

فيه أقمشة رخيصة الكسوة ب25 - 30 ريال في الديرة كما أفاد الأخ خصيم الوقت وتلقاه عند بعض المساجد الي يبسطون والتفصيل ب40-50 ريال يطلعلك الثوب ب75 -80 ريال .

[صديق اليوم]

اشكراء جميع الاخوان على التفاعل الطيب الله يعطيكم العافية

[طاقة شمسية]

الخام الانقليزي طيب بس مشكلته يشمر مع الغسل العادي لازم غسيل خاص بخار

دور الخام الناعم الصوف الخفيف ونصيحه لاحد يركز على اللون الداكن لانه بالشمس يمتص الحراره جدا واذا فصلت عدة ثياب خل فقط واحد الاسود

ملبوس العوافي

[همس الغدير]

اللي اعرف وجربة القماش الكشميري

[راعي بيشة]

صوف ريموند هندي وبس

[ولد وايل 2010]

إذا انت بالرياض فيه خياط بحي الروابي بشارع الزبير بن العوام يفصل ثياب ملون وابيض صيني وكوري ب 80 ريال على قولتهم غسل ولبس