الطير فيه قمل

[عاشق الوكري]

السلام عليكم ورحمه الله وبركاته


كيف الحاله يالربع عساكم بخير

ان شاء الله بالف صحه وسلامه


الموضوع واضح من عنوانه يالربع وعندي كم سوال


وش علاجه القمل

وهل القمل اللي بالطير معدي للانسان

لاني سالت اكثر من بيطري وقال لا بس ابي اتاكد

لاني بصراحه كرهت الطير من القمل اللي فيه

وانا لاحظت ان قمل الطيور انواع في كبير وفيه صغير

ويعطيك الف عافيه

وللعلم اللي بطيري صغير القمل
:(

[قرناس شماالي]

وعليكم وسلام ورحمة الله وبركاتة
يالغالي القمل عادي مايضر
لاكن اعلاجه حط الطير بشمس وهو يرميه
وينضف ريشه وخله لمدت اسبوع او اكثر يتعرض اشعة الشمس
ولاكن لاتبرقع الطير علشان يقدر ينضف جسمه
وفيه بودره لاكن ماحد مدحها تضر الطير يوم ينضف ريشه ويتسمم ويموت
وطريق سهله بس عرضه لشعت الشمس خله ساعه اوساعتين
لين تشوف الطير نضف من القمل
وتقبل تحياتي

[وكري نجد]

اية معدي للانسان وترا لازم تعالج الطير بسرعه ولا بيدمرون ريشة ويمصون دمه
والعلاج بسيط
رح لم الصيدلية الببشرية وقله بخاخ قمل وحط الطير مثلا في السطح يكون ضل ورش الطير بس انتبه لا يجي عيون الطير شي ولا يستنشقه وخله بعدها مفرع 10 دقايق على شان ينضف نفسة ومن بكرا سو نفس امس على شان تتاكد ان البيض حق القمل مات

وللمعلومية مجربة انا بنفسي على شيهانه جبلية طرح ايران و3 شبابيط والحمد لله وادعلي ان الله يعقل شيهانتي

واسف على الاطاله وان شاء الله يفيدونك الاخوان

[وكري نجد]

قرناس شماالي لو قعد الطير مدة اسبوع انتقل القمل لكل الي قريب من الطير ولو استخدم البخاخ افضله 2 يوم ويضمن نضافة الطير

[قرناس شماالي]

قرناس شماالي لو قعد الطير مدة اسبوع انتقل القمل لكل الي قريب من الطير ولو استخدم البخاخ افضله 2 يوم ويضمن نضافة الطير

يالغالي البخاخ ماتضمن الطير
لازم تقعد عنده لان الطير يوم ينضف ريشه
يتطعم البخاخ ويتسمم ويموت
انا ابي الرجال يضمن طيره بشمس ابرك من البخاخ
وهذي طريقه مجربه والبخاخ لازم تكون تتابعه انه مايتطعمه
وهذا شئ راجع لراعيه بخاخ او يعرض الطير لشمس
(وكل الطرق تادي لروماا)

[العاتق]

جرب هالطريقه وان شاء الله تفيدك... رش طيرك مويه بالمرش وبلل ريشه وحطه في الشمس الطير بعدها بينفض ريشه نفض وبعد ما يجف بنص ساعه ارجع ورش ريشه بالمويه كررها كذا مره في اليوم وانقل طيرك من مكانه اذا جيت ترشه بعد كل مره وشوف طيرك بعد يومين كيف ان شاء الله يسلم من القمل طريقه سليمه وسريعه ومضمونه بإذن الله ( لا تبرقع طيرك بعد رشه بالمويه ولا تحطه على وكر زرع )

[عواد الشمري2]

وعليكم وسلام ورحمة الله وبركاتة

يالغالي القمل عادي مايضر
لاكن اعلاجه حط الطير بشمس وهو يرميه
وينضف ريشه وخله لمدت اسبوع او اكثر يتعرض اشعة الشمس
ولاكن لاتبرقع الطير علشان يقدر ينضف جسمه
وفيه بودره لاكن ماحد مدحها تضر الطير يوم ينضف ريشه ويتسمم ويموت
وطريق سهله بس عرضه لشعت الشمس خله ساعه اوساعتين
لين تشوف الطير نضف من القمل

وتقبل تحياتي




سلام عليكم .... قرناس الشمال اشهد انك صقاار ولا ازيك على كلامك الا بقول الله يعطيك العافيه ..
ولا يوهنون بقيت الخوووان :good2:

[قرناس شماالي]

سلام عليكم .... قرناس الشمال اشهد انك صقاار ولا ازيك على كلامك الا بقول الله يعطيك العافيه ..
ولا يوهنون بقيت الخوووان :good2:

ماتقصر يالغالي وهذا من طيب اصلك يالغالي
وماسويت الى الواجب ومايقصرون الاخوان بردود الطيبه

[اقدم صقار]

السلام عليكم
طريقة الشمس سليمه ومجربه
فيه طريقه اخرى بس لا تفرع الطير لمده ساعه
فليت ريد
حط الطير على يدك وهو مبرقع وكفخ الطير ورش دواغره ونحره وضهره ولا يجي لراس الطير وحط الطير في الشمس لمدة ساعه ولا تفرع منه واذا شفته يبي يتفلا امنعه وبيتنفض كم مره وبتشوف القمل يطيح مثل الحصى وبعد ساعه اغسل الطير بالمرش بماء داافي وحطه في الشمس وفرعه وخله يتنسل ووحده بوحده
اسف على الاطاله

[اقدم صقار]

اخوي الرش يكون بسيط يعني لا تغرق الطير بالفليت
يعني رش معقول ما يكون كثير

[صقار مبتدئ]

السلام عليكم
.خير الكلام ما قل ودل
انا راش وكريتي قبل امس ....عند البيطري بودره رش القمل للحمام و لا منها ضرر حطها و خله يتفلا و الا في الشمس و على راحتك
ساعه بالكثير القمل تحت الطير
و اذا ودك بالطب الشعبي مويه وملح اغسل بها الطير و فرعه في الشمس

[..بقايا انسان]

اخير منها ركعتين بالاسحار ** لا طاب نوم اللي حياته خسارة


اشكرك على بيت الجميييييييل

[عاشق الوكري]

يعطيكم العافيه يا اخوان وماقصرتوا وانا اقولكم وش سويت اليوم

رشيت الطير بالفليت وخليته بالشمس 10 دقايق وبعدها رشيت ع الطير ماء وخليته بالشمس تقريبا ساعه واكثر

[اقدم صقار]

اخير منها ركعتين بالاسحار ** لا طاب نوم اللي حياته خسارة





اشكرك على بيت الجميييييييل




يسلم راسك يا الغالي وعسى الله يرحم راعي ذا البيت واموت المسلمين الشيخ تركي بن حميد شيخ شمل قبائل عتيبه

[اقدم صقار]

يعطيكم العافيه يا اخوان وماقصرتوا وانا اقولكم وش سويت اليوم

رشيت الطير بالفليت وخليته بالشمس 10 دقايق وبعدها رشيت ع الطير ماء وخليته بالشمس تقريبا ساعه واكثر


بشر يا عاشق الوكري وش صاار لطيرك

[عاشق الوكري]

والله الحمدلله ماشفت شيء للحين

لان بالعاده لاركزت بريش الطير اشوفه من كثرهم هههههههههههههه


ولكن الحمدلله للحين ماشفت شيء

واقول يعطيكم الف عافيه مرهثانيه لكل اللي شاركوا بالموضوع وماقصرتوا وبيض الله وجيهكم

[رامى السيد]

والله ماقصر الاخوان وزى ماقالو هذا القمل يضر الطير بشكل كبير يؤثر على ريش الطير وصحته وقد يتسبب فى ضعف عام للطير لان القمل يتغذى على الدم ويتسبب فى وجود بكتريا ملوثه للدم لا ينتهى اثرها بموت القمل ولكن تعالج بمضاد للسموم مع الفيتامينات وبالنسبه لعلاج القمل او رشه لابد واؤكد على ضرور اتباع طريقه الشمس حتى مع استخدام الرش حتى يظهر القمل ويكون اكثر عرضه للرش وتتسبب الشمس فى تطهير جسم الطير من اثار الرش ولابد فى حاله الرش ان يكون الطير مبرقع وبقدر استطاعتك ابتعد عن البودرة لان اثارها تبقى ,وقد تسببت فى موت طير لى والله اما بلغت واسف على الاطاله

[عاشق الوكري]

بس اظن غلط اخوي لارشيت الطير وخليته بالشمس مبرقع لان القمل لاحظت انه لاتعرض الطير للشمس يتجمعون داخل البرقع وانت جربها يا اخوي رامي

وانت لاحظ لاحطيت الطير بالشمس وشلون القمل يطلع منه

[رامى السيد]

بالنسبه لفرار القمل الى البرقع فهو للابتعاد عن مكان الرش فقط وحلها ان ترش راس الطير بالكامل مع الجسم وهذا شئ ضررة اكثر من نفعه لكن بوضع البرقع فانت تجعل منطقه العين والمنخر بعيدة عن رذاذ المبيد وبذلك انت تبعد خطر اكيد على الطير كما ان الطير يكون مقيد بعض الشئ فى تنظيف ريشه بمنسرة وهذا الهدف الاهم وبالنسبه لرش الطير ووضعه فى الشمس عندما يبل ريش الطير بتلك المادة (سبراى)تجد الطير هدل جناحه فى الشمس وينفخ ريشه ليجف فى نفس الوقت الذى يحاول فيه القمل الفرار من المبيد فيموت ومع كل رجفه يقوم بها الطير تجد القمل يتساقط ذلك الى اهميه الشمس فى تطهير جسم الطير ومع تكرار العمليه تصل الى نتائج افضل ويجب ان تلاحظ ان القمل لم ينتهى بنسبه 100% لانها جزء من الطبيعه الانسان نفسه تعيش على جسمه عوالم اخرى من الحشرات والبكتريا التى لا يراها جرب هذا واعطينا علومك وانشاء الله خير ونحن نكمل بعض ونتعلم من بعض وااسف للاطاله

[ســـبــار ربــعـــه]

يوجد بودره اسمها نيقا فون وهي غير مضره بتاتا تشبه بف باف تقدر تفلي ريش الطير وتذرها داخله او تحطها في ماء وتغطس الطير فيها وزود على هذا ترشها في ارضية المربط والوكر.