يوسف الخليفة1
11/11/2011, 09:21 PM
بسم الله الرحمن الرحيم
السلام عليكم ورحمة الله وبركاته
شف مقابيل البدر صفحة كتاب=خذ قلم فكرك قبل نوره يغيب
واكتب الذكرا وحذراك العتاب=اقدر اقراه بمدن وانت بشطيب
مير مدري عن مضامين الخطاب=لكن اللي منك ما يغشاه عيب
واستمد الحبر من طفح الرباب=والا من عد القراح المستطيب
لا تخطه من ملاميع السراب=وامزجه من صافي الحس الخصيب
يا مسافر مع سراسيح الركاب=مبعد النوهات كاشت فوق جيب
عطني اخبارك عسا فالك ثواب=لا تميح العوجا لزمها القليب
وان بغا القتات دوحس له جواب=ان نويت الشرق وهمله مغيب
سايس السرحان من فوق الهضاب=وان نزل لزه كما لز الصويب
وان عرض لك دربسي فاكثح تراب=ما يهيبك الثعل يا راس ذيب
وان بغيت الكيف يا نسل العقاب=يا حلو ضو الخلا دون الجذيب
اشعل النار بمواسيع الشعاب=واحرص انك تتقي باتلا الشعيب
واسكب من البن الاشقر كالخضاب=والقدوع السكري رطب العسيب
واغنم الدنيا قبل يوم الحساب=اللي فيه العاصي خاسر مستريب
في جهنم يمها يلقا العذاب=خاب شيطانه وهو مثله يخيب
يوسف الخليفة ( أبو عبد الله )
السلام عليكم ورحمة الله وبركاته
شف مقابيل البدر صفحة كتاب=خذ قلم فكرك قبل نوره يغيب
واكتب الذكرا وحذراك العتاب=اقدر اقراه بمدن وانت بشطيب
مير مدري عن مضامين الخطاب=لكن اللي منك ما يغشاه عيب
واستمد الحبر من طفح الرباب=والا من عد القراح المستطيب
لا تخطه من ملاميع السراب=وامزجه من صافي الحس الخصيب
يا مسافر مع سراسيح الركاب=مبعد النوهات كاشت فوق جيب
عطني اخبارك عسا فالك ثواب=لا تميح العوجا لزمها القليب
وان بغا القتات دوحس له جواب=ان نويت الشرق وهمله مغيب
سايس السرحان من فوق الهضاب=وان نزل لزه كما لز الصويب
وان عرض لك دربسي فاكثح تراب=ما يهيبك الثعل يا راس ذيب
وان بغيت الكيف يا نسل العقاب=يا حلو ضو الخلا دون الجذيب
اشعل النار بمواسيع الشعاب=واحرص انك تتقي باتلا الشعيب
واسكب من البن الاشقر كالخضاب=والقدوع السكري رطب العسيب
واغنم الدنيا قبل يوم الحساب=اللي فيه العاصي خاسر مستريب
في جهنم يمها يلقا العذاب=خاب شيطانه وهو مثله يخيب
يوسف الخليفة ( أبو عبد الله )