أكبر شاهين فرخ رأيتها في حياتي..

[hawwamT]

من المقطع سترى كم حجم هذا الطير..في أعتقادي تتعدى ال17 وأما العرض من المؤكد 17 ونص وشوف البوز والأرض...والمصيبة الكبرى أن الأخ يشتكي وكاتب في موضوع المقطع أن هذي الشيهانة مزعجة وأزعجته في البلوكون في شقته في مدينة شيكاقو بأميركا ههههههههههه وبعد أن ترى المقطع قوللي بالله عليك وش رايك في هالشاهين النادرة فعلا..والحقيقة أختلط علي الأمر..هل يوجد فيها حجل والا لا؟؟http://youtu.be (http://youtu.be/5L68D1ba6LU)
/5L68D1ba6LU (http://youtu.be/5L68D1ba6LU)

5L68D1ba6LU

[رامى السيد]

المقطع لم يعمل معى ولكن من وصفك اعتقد انه شاهين بيلز

[الذحاح]

ماشالله بس امريكا يقطنها نوعين التندرا وتعيش في 90% من امريكا والبيلز ويعيش على شريط ساحلي ضيق في غرب الولايات المتحده لكن النوع ذا جبلي غريبه يسكن امريكا يمكن من نوع الباربري المكسيكي

[راعي الخريب]

توه حتى ريشه ماكمل
صوت على عجوزه يبي العيشه ههههههه

[هزاع01]

الطير توه تولف طيران

[سلفر نجد]

السلام عليكم ورحمة الله وبركاته ...
الشيهانه فيها حجل احمر في كراعها الايمن من عندي والايسر لها ... واسود بعد ..
تقبل مروري

[(هزاع)]

هذا منوة المتمني

[لبيه يمنادي]

السلام عليكم ورحمة الله وبركاته

اخوي هذا الطير مهجن وليس شاهين وحش والدليل علي ذالك شكل وكبر الطير وكذالك الحجل الاحمر اللي في رجل الطير .. وكذالك صياح الطير وعدم خوفه من الشخص اللي يصور المقطع ...

[قرناس شماالي]

يالغالي هذي تفريخ والدليل الحجل
وصياحها الكثيف ومستمر
وهذي من نفس الانتاج

http://www.mekshat.com/pix/upload02/images76/mk27662_gyr6.jpg

http://mhrschool.net/vb/imgcache/2076.imgcache.jpg

[Safi]

يا جماعة الحجل بالشياهين "الوحش" بأمريكا امر طبيعي، لان كل المواكر والاعشاش مراقبة، واذا فقس البيض حجلوا الفروخ وهي بالعش، ويفحصونها ويتأكدون من حمايتها من الناس، لان الشاهين نقص بالستينات هناك وكان معرض للانقراض بسبب مادة ال"دي دي تي"×السامة. وان شاء الله راح انزل فلم من اليوتيوب بهالخصوص بأقرب وقت ممكن.

[أبوفرحان]

ماشاء الله عليها

بس الصياح اللي فيها مزعج

[اقدم صقار]

السلام عليكم
طيره زينه في كبرها ولاكن جعلها ما تجي على ملكي والله لو تصيح عندي ذا الصياح ما تمسي على حضي

[رامى السيد]

يا جماعة الحجل بالشياهين "الوحش" بأمريكا امر طبيعي، لان كل المواكر والاعشاش مراقبة، واذا فقس البيض حجلوا الفروخ وهي بالعش، ويفحصونها ويتأكدون من حمايتها من الناس، لان الشاهين نقص بالستينات هناك وكان معرض للانقراض بسبب مادة ال"دي دي تي"×السامة. وان شاء الله راح انزل فلم من اليوتيوب بهالخصوص بأقرب وقت ممكن.

كلام سليم 100% وقد سبقتنى فى التعليق على هذة النقطه (الخاصه بالحجل) وننتظر الفديو