تفتفة كتمة في الباترول

[هاوي فتك2004]

السلام عليكم ورحمة الله وبركاتة كيف حالكم شباب
عندي موضوع بخصوص الباترول 1996 عندي مشكلة في الموتر تفتفة وكتمة حولت اصلحها بس محد عرف علته غيرت (الديلكو -طرنبة بنزين -بواجي -اسلاك بواجي -تصفية بخاخات -صفاية بنزين -وزنت بلوف) وما ظبط وش الحل افيدوني جزاكم الله خير

[الفحل]

الله يسمح امرك

الله اعلم فيه حد حايس في ظفيرته فيه راعي ورشة في بريدة حق ترهيم يضبطه لك يعيد ظفيرته من جديد

[ذيب اللابه]

انت تعبي بنزين 91 ولا 95

ترى بنزين91 هو اللي يتفتف في السيارة

[نايف بن دليم]

اخوي شيك على فلتر الهواء - والله يسر امرك

[عاشق مطر]

حساس الهوا والله اعلم

[عبرود الودي]

شف وانا اخوك ..

اذا كان بخاخ ... شيك على الحساسات كلها ... حساس الهوا وحساس الدعسه وحساس المكينه

وحتى اذا الخراب مهو منها .. لازم تفكها وتنظفها وانتبه ترا تبي بخاخ تنظيف الكترونيات .. وصدقني حتى لو ماظبط موترك ولاراحت التفتفه بتفرقه ..

ان زان الموتر خير على خير وان مازان خير وسويت الي عليك واستفدت من تنظيف الحساسات كلها ..

الشي الثاني /
خصوصا للبخاخ .. وبحكم اني مجربه فتره طويله ... لاتعبي 91 :) ... عب 95
البخاخ خصوصا اشكال 97 وتحت كلها تبي بنزين 95 .. واستخدام 91 لها يسبب تفتفه وخراب طرمبه .

الشي الثالث :
اذا طرمبتك وكاله غيرها بطرمبة بي ام او فكسار .. وصدقني موترك بيطلع فتك

كل كلامي الي راح من تجربه وبهذله من ورشه لورشه

والله يعينك

[هاوي فتك2004]

رد على اخوي ذيب اللابة غيرت بنزين بس ماضبط

[هاوي فتك2004]

حساس الهوا والله اعلم
وش تقصد بحساس الهواء

[هاوي فتك2004]

شف وانا اخوك ..
اذا كان بخاخ ... شيك على الحساسات كلها ... حساس الهوا وحساس الدعسه وحساس المكينه

وحتى اذا الخراب مهو منها .. لازم تفكها وتنظفها وانتبه ترا تبي بخاخ تنظيف الكترونيات .. وصدقني حتى لو ماظبط موترك ولاراحت التفتفه بتفرقه ..

ان زان الموتر خير على خير وان مازان خير وسويت الي عليك واستفدت من تنظيف الحساسات كلها ..

الشي الثاني /
خصوصا للبخاخ .. وبحكم اني مجربه فتره طويله ... لاتعبي 91 :) ... عب 95
البخاخ خصوصا اشكال 97 وتحت كلها تبي بنزين 95 .. واستخدام 91 لها يسبب تفتفه وخراب طرمبه .

الشي الثالث :
اذا طرمبتك وكاله غيرها بطرمبة بي ام او فكسار .. وصدقني موترك بيطلع فتك

كل كلامي الي راح من تجربه وبهذله من ورشه لورشه

والله يعينك










بنسبة إلى الحساسات غيرتها ماضبظ والبنزين غيرتة ماضبط والطرمبة مغيرها وكالة وانا ماهمني انه يصير فتك انا مشكلتي في التفتفة

[ابو سالم3000]

هلا اخوي هاوي فتك اتصل على جوالي وراح احل لك مشكلتك بأذن الله
0502068300

[هاوي فتك2004]

للرفع للرفع

[عبرود الودي]

المعنى مايطلع فتك .. المعنى انه بيصفى ونشدني .. طرمبة السفاري البخاخ القديمه ضعيفه
للمعلوميه .. تراني غيرت طرمبة الوكاله مرتين ويتفتف الموتر .. ونصحني واحد بالفكسار وركبتها والحين ولا احسن.. وبدلتها ببي أم

[المغترب9]

اذا كان موترك يكتم عند وصول الضغط 3 ولايتعدا 160 فكان موتري كذ وبهذلني واخر شي غيرت شدادت جنزير المكينه والجنزير وبعدها ضبط

[هاوي فتك2004]

اذا كان موترك يكتم عند وصول الضغط 3 ولايتعدا 160 فكان موتري كذ وبهذلني واخر شي غيرت شدادت جنزير المكينه والجنزير وبعدها ضبط
يعطيك العافية

[هاوي فتك2004]

للرفع للرفع

[هاوي فتك2004]

للرفع للرفع

[هاوي فتك2004]

للرفع
للرفع
للرفع
للرفع
للرفع

[مخطور]

السلام عليكم ورحمة الله وبركاته


اذا كانت التفتفه مع تفقيع بالسيارة هذه كهربا - افحص الكويل اذا كان حار مره فيه مشكلة (الكويل هو الي جاي له سلك من الديلكو )

واذا كانت تفته فقط هو عندك مشكلة بالبخاخ نفسه ( يحتاج مختص بخاخات او تغيير )
اذا كانت تفته مع تقطيع عندك كهربا ومكانيكا مع بعض

اتمنى انه الافاده كافيه وتحياتي لك

[عاشق الشعبيات]

وعليكم السلام ورحمة الله وبركاته

شيك على حساس الفلتر وحساسات المكينة عموماً وإذا ما بين معك شي مالك إلا تفحص كمبيوتر بــ 100 ريال ولا تفحص السيارة بالكمبيوتر إلا والسيارة في عز تفتفتها عشان تبين على الكمبيوتر.

وإذا ما نفع معك اتوقع المشكلة عندك هي في الديلكو الإلكتروني نفسه ، والمشكلة ليست وزن بل في داخل الديلكو لأن داخل الديلكو الإلكتروني حاجه دائرية زي السيدي CD وعليها فتحات إذا حصلتها مرتخية فهي السبب فعليك تشدها وإذا منعفطه لازم تغيرها.

تفسيري هذا للخراب بناء على ما سويت لسيارتك.

والله ييسر أمرنا وأمرك،،

[هاوي فتك2004]

للرفع
للرفع

[جنرال حرب1]

شوف جرب حاجه وباذن الله تنجح

ومن باب اذا لقحت والا ماضرها القطو ابتسامه


فض تانكي البنزين وعب بريال غاز ومن ثم عب ب30 ريال بنزين عاد لون البنزين حسب كتالوج السياره


وبعدها امسك خط اقل شي 50 كيلو ولاتنزل سرعتك عن 120




للمعلوميه جربتها على الجيب بتاعي 2003 باترول ربع



والحمد لله راحت التفته وهالحين شوي واقول كامل الصفاوه لا والعزم وخر عنه


واي استفسار انا حاضر ياخوي

واللي قال هالفكره اخ نيسان

[هاوي فتك2004]

موترك بخاخ والا كلبريتر