المساعد الشخصي الرقمي

مشاهدة النسخة كاملة : شارك هنا:أفضل إضائة بأقل إستهلاك وتكاليف لبطارية السيارة


م.حميميق
17/02/2006, 09:42 PM
السلام عليكم ورحمة الله وبركاته
وحيا الله الكشاته كلهم :)
إخواني هذا الموضوع أكتبه وأطلب فيه راي كل كشات فيكم
القضية بكل بساطة : كل ربيع نطلع مجموعة قرابة 10 اشخاص ونخيم .. ونستأجر ماطور للإضائة 5 لمنبات صفر تقريبا
المهم ، إن الماطور في كل سنة يخرب من أول ليلة .. وإن كانه سنع من ثاني ليلة .. وشف يالله من يوديه الرياض:(
كلمت بعض الشباب في المشكلة وقالو وشلك وللماطور ليه ما تستخدم بطارية السيارة !!
بيني وبينكم السالفة جازت لي .. بس الواحد يخاف بعد تفضا عليه البطارية ويقعد بها في هالبران :confused:
فيا أخوان من خلال تجاربكم ودي كل واحد يكتب نصيحة فيها أفضل طريقة لإضائة خيمة ممممم لو قلنا 5*8 مدة 6 ساعات بدون ما تتضرر البطارية حقت السيارة .. والله يوفقكم لكل خير
في انتظار مشاركاتكم
بو راشد
19/02/2006, 01:35 AM
الاخ م حميميق بعد التحيه
يوجد لدا ساسكو بطاريه شحن لونها صفرا ومخارج 12 فولت عدد 2 كذالك منفاخ هواء مع محول من 12فولت 120 فولت تشحن في البيت او من السياره كذالك كشاف اصفر على قاعده قابل للتطويل بلمبه فلورسنت 12فولت وتتراوح قيمة الجميع 400ريال وقداستعملته اكثر من ثمان ساعات متواصله ولم احتاج لبطارية السياره.
ارجو لك التوفيق
تحياتي
بوراشد
النجم الهاوي
19/02/2006, 02:09 PM
السلام عليكم ورحمة الله وبركاته


وش تبي في الماطور ووجع الراس

اول شئ وش سيارتك اذا جيب وله مكان فاضي تركب بطاريه اضافيه هذي ممتاز

انا عندي جيب جي اكس ار ومركب بطاريه اضافيه وشاريه محول كهرباء شاريه من محل الرمايه بالتخصصي
ب 190 ريال وشاري سلك كهرباء طوله حوالي 7 امتار ومركب لمبات فيه البيض هذيك اذا عرفت شكلها

وماد السلك من البطاريه للخيمه او الجلسه اللي بجلس فيها لو اقعد يوم كامل ماهمتني البطاريه لانها ماتسحب من البطاريه الاساسيه حقت السياره

حتى المحول تقدر تستخدم منه شحن الجوال او اي شئ تبيه واترك عنك الماطور

نسيت اقووولك ترااااااااااااااني في مزاين ام ارقيبه هالسنه مشغل خمس لمبااااات وبالراحه

وهذي صوره نفس اللي عندي

http://www.mekshat.com/pix/upload/images14/mk14499_jadeed3.jpg


توجد عن محلات الرحلات والسنيدي
النجم الهاوي
19/02/2006, 02:29 PM
اعتقد الصوره ماطلعت
هذه الصوره

http://www.mekshat.com/pix/upload/images14/mk14499_jadeed3.jpg
البيـرق
19/02/2006, 06:47 PM
شفت الجهاز الي في الصورة
تراه ممتاز ومجرب بس مهب من السنيدي
خذ من البطحاء بالرياض اصلي قعد معي5سنين وماشاء الله عليه ممتاز
wannan
20/02/2006, 04:12 PM
مشكورين على المعلومات
إلياس المطلق
19/11/2007, 08:02 AM
رائــــــع ,,,
wewe150
21/11/2007, 12:05 PM
مثل ما قالو الاخوان بطاريه أضافية ومحول من12فولت الى 120فولت (يكون أحسن لو تثبته داخل الموتر) تصير كنك في بيتكم خخخخ
مداوي
21/11/2007, 12:26 PM
السلام عليكم ورحمة الله
اخي الكريم : حميميق أولا /عسى الا يكون لك من اسمك نصيب ;)
ثانيا/ تذكرت الثمامه قبل عشرين سنه يوم قلت ماطور :D
ثالثا / مر محل سوافي بالصناعيه وخله يركب لك بطاريه احتياط ولمبات بالكبوت والشنطه وماطور اسود صغير داخل السياره وتصير عقبه ملك البر

:good: