مساعده لاتخلوني الله يرضى عليكم

[امير المشاعر]

ياجماعه فيه جيب ربع مديل 92 فيه مشاكل
منها ونه في الدفرنس عند التعشيقه الرابع والثالث مدري من القير او من الدفرنس
ولو بغيت اغيرالدفرنس كم يكلف
ورجه عند السرعه 80 مدري وش منوة ذا
وفيه الدبل فيه مشكله خربان مدري وش العله لو ابي اغيرة من التشليح كم بيكلف

[ذيب اللابه]

بالنسبة للرجة شيك على الكفرات لا تكون محبلة او يباله ترصيص
واذا تبا الاسعار انصحك انت تروح وتكاسر معهم

وما ذكرت وش وكالته

[الكلاسك]

جيب وموديل 92! ومستعمل !! وش باقي فيه من العمر !!
يبي لك تفتح ملف عند التشاليح وملف عند الورش وملف عند السطحات
الله يعينك .

[sgl2002]

الونه من الكرونة داخل الدفرنس مالها دخل بالنمرة

يعني تطلع معك حسب السرعه

وهي على شكل ونه تبدا مع سرعة ٨٠ وتزيد مع الدعس وتنقص مع التهدية وتختفي اذا فضيت الموتر

غيرها فتش على العمدان والرمانات الخلفية للدفرنس

[امير المشاعر]

بيض الله وجيهكم

[YUKON_GMC]

يالله حسن الخاتمه موتر قرمبع والدبل خربان والقير والدفرنس ..؟؟ وش بقي يمكن المكينه تنقص ..

انصحك بعه وفك عمرك

[ولد روووق]

تبا الحل رح لاكثر من ثمان ورش وان استطعت تروح لاكثر رح واسالهم واذا اتفق اكثر من ثلاث اشخاص على سبب رح صلحة وخل هرج المنتديات ولايهونون الرياجيل