يا اسير النور جاك العلم وافي ,,,,,,،،،،,,,, حله ( اسير النور ) ،، الحل ( نقرة حضوضا )

[جرير]

قال منه في فيافي نجد طافي= حفيت الاقدام واتعبت المطيه
كل ماقالنا خلاص اليوم كافي =زادة الهمه وبعدنا شويه
ومن الشمال جيناك لافي=الخبر مني وابي منك لديه
ياسير النورهاك االعلم وافي=بلغ الاصحاب ورد العلم ليه
ويش دارن كلها خرب وسوافي=ومن وقع في شركها ماهو هنيه
من مشى في دربها صعب النكافي=يخلف الرجال عن فزعة خويه
ان جفاها الغيث عافوها عيافي= وان سقاها الغيث ماتشبع رعيه
رددوها بالمثل واهل القوافي= ووقرنوها باسواليف الرديه
اسمها خمسة وهذا الحد كافي=ثانيه مع رابعه دايم سويه

[أبوعبدالرحمن99]

مرحبا حييت يا قرمن سنافي= بالوفا و الود موفور العطية
أنتشت بحروفه الارض الجفافي =كنها هملول من وبل بردية
صغت منضومك بجزلات القوافي=و اقتفاها الطيب و الكف النديه
وافي بطبعك و لا فيها خلافي=و الخصال الطيبة فيكم سجية
يا عسا فالك على الدايم عوافي=و يا عسا دنياك و الاخرى هنيه
لغزكم محتاج لي فيه استعافي=بعد ما شفته و قلبته شوية
ما حصل لحروف رمعته اصطفافي= ولا على فكري لها من مقدرية
افزعوا يالربع من للغز شافي= و ينكم يا أهل المراميع القوية
أما انا لو جبت رمعة قلت كافي=رمعتك هاذي قريبة من طمية !

[ناصر العلي]

سلمت يالغاليب
وصح لسانك
ومسند على غالي
ويش قولك بـ
سبخة مهلكة..بالربع الخالي
أو
سبخات يبرين

[أبوعبدالرحمن99]

صح لسانك يا جرير
إن ما صابت رمعة أبو علي
وش رايك بنقرة حضوضا ؟!

[جرير]

ياهلا بسير النور شرفت
وطلتك بالدنيا
.......................


ياهلا باللي بدرب الطيب نافي=صب قافه مثل صب الشاذليه
ذكرتني في تواصيف النصافي=والكبيسي يوم وصى في خويه
الثلاث اللي تخاوو بالحلافي =مايفرق بينهم راع السويه
دام ابو علي حضر فالخير ضافي=اخذ المقرود يقرب للمنيه
انتظر منكم خبر والجو صافي=رمعة ن حلوه ولا هي بهيه

[أبوعبدالرحمن99]

ياهلا بسير النور شرفت
وطلتك بالدنيا
.......................


ياهلا باللي بدرب الطيب نافي=صب قافه مثل صب الشاذليه
ذكرتني في تواصيف النصافي=والكبيسي يوم وصى في خويه
الثلاث اللي تخاوو بالحلافي =مايفرق بينهم راع السويه
دام ابو علي حضر فالخير ضافي=اخذ المقرود يقرب للمنيه
انتظر منكم خبر والجو صافي=رمعة ن حلوه ولا هي بهيه





ما شاء الله
إمتاع و قريحة متدفقة حاضرة
هذا مكسبي من الخيمة
‏ و إسنادك هذه القصيدة إلي هو وسام أعتز به ،
صح لسانك و ألف شكر !

[صاحب الذئب]

صح لسانك ياالغالي
جزل جزل واسناد الى اخ غالي
وعلى طريق ابو علي عسى الله يحفظه ويحفظ الجميع
نقول
سبخة الحمر
سبخات بونتين

[راعي العجراء]

صح السانك يابو احمد
لغز وافي وجزل
وصح السان اسير النور بالرد الجزل
فانتم شعار ونحن مستمتعون بابياتكم
رميعه
صكات بقعاء


البارحه يالنشمي ماشفت عرسي
اخذت بقعاء بنت غدر الزماني
قامت تصفعني بخمس وخمسي
والدم من كف اللعينه غشاني
من ضربهالي طاح نابي وضرسي
نابي الصغير وضرسي المعلكاني

[صاحب الذئب]

طيب ياالغالي

هاالرمعة خلها تفك
بيت العنكبوت
----------------
ياراعي العجراءء والله اشغلني توقيعك تركت اللغز واناظره

[أبوعبدالرحمن99]

صح لسانك ياالغالي
جزل جزل واسناد الى اخ غالي
وعلى طريق ابو علي عسى الله يحفظه ويحفظ الجميع
نقول
سبخة الحمر
سبخات بونتين





يا هلا والله ،
و من العايدين
و كل عام و أنتم بخير
سعداء بتواجدك
لا تحرمنا تواصلك

[عليق بري]

صح لسانك

نقول

جو (ساقان) جعله للسيل يا كريم ..

[جرير]

صح لسانك يا جرير

إن ما صابت رمعة أبو علي
وش رايك بنقرة حضوضا ؟!




اولا اشكرك كثيرا واعتذر للاخوان عن الفرنكه وطول الرد
تخبرون اول يوم بعد الاجازه مراسيل ومدامغ مع اللي تخبرون
وحنا يالشيبان نغرق بشبر مويه يرسلونا ثلاث مرات وكل ماجينا ناسين نص الطلبات
الله يعين
الحل عند يالطيب
حضوضا
يقول ابن عدوان
...
طير الهوى يا ستر موضى شهربي =يم الثريا والكواكب رقابي

يهوم بي يا جديع شرقن وغربي =والله علم يم الشمال انتحابي

وبادق من سلك العنكبوت انحدر بي =ليما على نقرة حضوضا رمى بي

شوك عاقول وحلفنا بدر بي =تغطلست دنياي والنور غابي..
والاخر
....
خلّيتك لـ وُضْح المعاليق مقْهور = وأوْرَدْتَها نِقْرة حَضُوضَا لِحآقه

وهي موقع مشهور قرب الحره بالشمال عنه كثير من الاساطير الغريبه ولم يكتشفه احد حتى الان يعطينا العلم الاكيد
ومما قيل معلومه من العم قو
تقول

تعتبر حضوضا ارض منبسطة مستطيلة الشكل يأتي طولها محاذيا لحرة الحرة من
جهة الجنوب بطول لا يقل عن الخمس وعشرون كيلومتر (25 كلم ) وبعرض يتراوح
بين الثمانية 8 إلى أثنى عشر كيلو (8 إلى 12 كلم) ... أرضها صبخاء شديدة الملوحة
تتكون طبقتها العلوية من قشره رقيقه تخدع الزائر قليل الخبرة عند مشاهدتها وتحت
هذه القشرة وحول طينية بعيدٌ قاعها وفي بعض الأماكن من حضوضا تستطيع التهام
الإبل لليونة أرضيتها وتتراوح تضاريسها بين الخطرة والخطرة جدًا والكثير من
المارة وقع حبال خداع أرضها المنبسطة وأصبح ضحية مغامراته ....
إما في فصل الشتاء تعتبر حضوضا في أوج خطرها لا يراهن على دخولها عاقل ..
لان جميع الأودية المجاورة تصب في حضوضا سواء أودية جنوب حضوضا أو شمال
حضوضا وبكل اختصار تستطيع أن تقول بان جميع الجهات تصب في حضوضا وتكون
بذلك شديدة الخطورة .


لك الشكر والتحيه...

[جرير]

الشكر لبقية الاخوان الذين جملوا الموضوع بمرورهم
والحل عن اسير النور

[راع الحزم]

صح لسانك ياجرير
طيب من طيب
وجودك بالخيمة كافي
وصح لسان اسير

[أبوعبدالرحمن99]

معلومات طيبة جدا ، شكرا لك مشرفنا العزيز أبو أحمد ،
و الشكر موصول لكل الاخوان

و تحية خاصة للدكتور ( أكيد أنه عرف المرماع بس خلاها لي ،بعد أن أعطاني مفتاح الحل من باب التقريب و هذا كرم أشكره عليه )

[أبوعبدالرحمن99]

صح لسانك ياجرير
طيب من طيب
وجودك بالخيمة كافي
وصح لسان اسير





صح بدنك يا راع الحزم
وافي ،
شكرا لك