دفايه للخيمه

[ابوسلطان90]

السلام عليكم
في العام الماضي اشتريت دفايه بالقاز للخيمه من الرياض وماشاء الله جوده عاليه وحبيت افيد الشباب بهالمعلومه للي يبي هالنوع من التدفئه
ليس لدي صوره لها ولكن اخذت صوره من النت لها على هذا الرابط
http://www.amazon.com/Portable-Radiant-Kerosene-Heater-CTN110/dp/B004KS9HCA/ref=sr_1_3?ie=UTF8&qid=1321094779&sr=8-3
مشابهه لها بشكل كبير
وسلامتكم

[ابوطيف2]

مشكور يالغالي

[fshgah]

بيض الله وجهك وطول الله عمرك على عمل صالح مشاء الله

[ابوحفصه]

بكم شريتها

http://ecx.images-amazon.com/images/I/41Lf0OZk6RL._SL500_AA300_.jpg

[KMUU]

تعمل بالقاز

[اصيل نجد]

اخاف ياخوي تكتم تعرف تستهلك الاكسجين كله

[عاشق السيل]

تسلم يالذيب على هالمعلومة والفائدة ....

[ابوسلطان90]

السلام عليكم
اشتريتها ب 200 ريال من الديره جودتها عاليه ماشاء الله
تعبيها فل تعطيك 15 ساعه تقريبا
على العموم رقم الوكيل 014111406

[أحمد محمد1429]

لاتستعمل في الأماكن المغلقه ويجب تهوية المكان قبل النوم

[ابو سيـف]

اهلين اخي الكريم
بخصوص دفايات القاز جميله
ولها جلسه خاصه وممتعه
ولكن لا انصح بوضعها بمكان مغلق مثل ، المجلس أو غرف النوم
انا امتلك نوعين منها وهذا ضروري لشدت البرد لدينا ولكن يتم وضعها
بصالة المنزل أو بالمشب ودائماً لابد ان يحرص على التشييك على الفتيله
لتفادي ظهور رائحه الدخان
تقبل مودتي

[ناقوس الخطر]

مظبوطة ماعليها كلام

[ولد وايل]

هل هي بفلتر ام لااااااااااااااااااااااااااااا

[تناهيت]

دفاية القاز ما انصح بها عن تجربه
1- ريحة القاز يكتم وما تصلح في الخيمة ابد لأنها تسحب اكسجين وتسبب الربو على المدى البعيد (حقيقة علمية)
2-يبيلها تنظيف وصيانه .
3-فتيلها يتآكل بسرعه .
4- ندرة وجود القاز في بعض المناطق .
5-خطورتها في حال طاحت او اختل توازنها لأن الفتيل مايطفى الا بالنفخ .




الأفضل على الأطلاق دفاية الغــــــــــــــــــــــــاز :


http://www.mekshat.com/pix/upload02/images89/mk23101_3.jpg

1- لاتحتاج صيانه ابدا ابدا .
2-تشغلها على جميع انواع الدبات من 1 رطل الى 25.
3- نتائج تدفئتها عاليه جدا ولا تقارن بالقـــــــــاز .
4- تقدر تطبخ عليها شي خفيف أو تحمي شاهيك عليها بدون ما يطعم في .
5- فيه روس صغيره تركب على الدبه مباشرة مثل الشربوش عندي وحده للكشتات رائعه جدا (صورتها في الاسفل )
6- عندنا وحده يابانيه لها اكثر من 20 سنه وكأنها جديده ولله الحمد.
7- الآمان فيها أكثر من القاز فيها زر تأمين اسفل اذا طاحت او اختل توازنها تفصل .


هذا راس الدفايه ونوعه سوري واستخدمه خاصه اول ما نصحى الصبح قبل شبت النار خاصة ان كان الجو ماطر ؟؟



http://i247.photobucket.com/albums/gg130/dehraan/others/daffaiah/3.jpg
وهذي هي دفاية على الدافور تركب بدل الرأس



http://i247.photobucket.com/albums/gg130/dehraan/others/daffaiah/4.jpg
صناعتها سورية , وسعرها من 100 إلى 150 ريال حسب علمي وشريتها من الزلفي من محل المكشات هناك



http://i247.photobucket.com/albums/gg130/dehraan/others/daffaiah/5.jpg
هذا شكلها بعد ما ركبناها على الدبة



http://i247.photobucket.com/albums/gg130/dehraan/others/daffaiah/6.jpg
توكلنا على الله وشبيناها



http://i247.photobucket.com/albums/gg130/dehraan/others/daffaiah/7.jpg
دفاية رقم واحد ولا عليها كلام



http://i247.photobucket.com/albums/gg130/dehraan/others/daffaiah/8.jpg
لا وبعد نقدر نطبخ عليها ( شاهي , قهوة , أي شي )


http://i247.photobucket.com/albums/gg130/dehraan/others/daffaiah/9.jpg
هذي الشعلة بعد ما زعرنا عليها شي لا يوصف ( تراي شايل المامة اللي فيها وإلا هي تجي فيها مامه ضيقة لغرض الإقتصاد في الغاز )



عيوبها / تبي لها بعض التعديلات أول ما تجي حيث إني إستخدمت كم وحده ولقيت فيها تهريب غاز من تحت ويبي لها وجيه وتيب سنّة وربط من جديد
وأهم شي المامة لا تشيلونها مثلي إذا كنتم تبونها دفاية بس
لكن تبونها دفاية وطبخ شيلوا المامة والله يعينكم على كثر تعبية الدبة

من موضوع احمد الشبعان



تحياتي

[تناهيت]

هذه المشاركة على الرابط

http://www.mekshat.com/vb/showthread.php?t=120992




انحش عن دفاية القاز ، بالشمال ماسنخدم غيرها من اول والحين قلعناها كلها وجبنا زيت وكهرب
بس وشو عقبه ، عقب ماكلنا صار بنا ربو الله يعافي الجميع .
وسبق انقلبت من احد الصغار والكاز حار مشت فيه النار كنه بنزين وبغى البيت كله يشب لكن الله ستر.

[تناهيت]

مشاركه مميزه من كبيرنا ابو عبدالله بخصوص دفاية الغاز



هل تقصد هذا النوع

http://www.mekshat.com/pix/upload03/images141/mk40450_img_0569%20[800x600].jpg

فان كان نعم ، فتجده عند محلات لوزام الدفايات بالنسبة لدينا في الرياض موجود عند المحلات المقابلة لسوق الزل كم محل بتلقى اشكال وأنواع

وفيه الاصلي والتجاري

لاحظ كيف شكله على قز العنكبوت

http://www.mekshat.com/pix/upload03/images141/mk40450_img_0101%20[800x600].jpg


http://www.mekshat.com/pix/upload03/images141/mk40450_img_0102%20[800x600].jpg

http://www.mekshat.com/pix/upload03/images141/mk40450_img_0103%20[800x600].jpg



http://www.rofof.com/img4/11kuesa13.jpg

[abu-turki2009]

جزاك الله خير أخوي ابو سلطان
تناهيت وفيت وكفيت

[ahmed8883]

يعطيك العافية

[ابوسلطان90]

السلام عليكم اخوي تناهيت
كلامك سليم ولكن اعتقد انها انواع والي شريتها انا جدا ممتازه ولكن هي تجربه حبيت اشارك الشباب فيها.

[mfmf]

الي تركب على الدافور افضل