سؤال عن دلة رسلان ؟؟

[Farqd]

السلام عليكم ورحمة الله ..

دخلت مستودع في مزرعة الوالد .. ومع التقليب والبحث

وجدت دلة قديمة عليها من الأسفل ختم رسلان وضمان 25 سنة ومصنوعة في باكستان

وعليها ختم رسلان آخر على جنبها

طبعا لونها بادي يروح

طبعا قلت للوالد راح أسأل الشباب عنها وأجيب لك خبر

س: هل فيه أحد يشتريها ،، وكم تسوى ؟
س: لو ما بغينا نبيع ،، وين أحصل أحد يربها لنا في الرياض ؟


ما نستغني عن فزعتك يا غالينا ( عبدالرحمن305 )


وشكرا للجميع×

[Red falcon]

حياك الله
هذه الدلة تقليد باكستاني على دلة رسلان
لازالت موجودة بالاسواق والبقالات والمحطات
سعرها 25 ريال

[جمس z71]

وعليكم السلام ورحمة الله وبركاته
حياك الله يالغالي
والله ماعندي علم عن سعرها
لكن المحل اللي يرب الدلال فيه واحد قدام سوق المعقلية حق العطورات والاقمشة ....
ويفيدونك الشباب اكثر ان شاء الله ..

[عفشك مكمل]

نصيحة على الطاير وهي وجهة نظر خاصة

شي لابوك وجدك لاتبيعه لو يسوى مليون الا ان حدك الفقر

[عبدالرحمن305]

ياهلا وغلا بالعزيز فرقد
طال عمرك جميع دلال رسلان الاصليه
صناعه في سوريه فقط
لايوجد عليها ختم بالاسفل
وانما الختم على الجوانب فقط
طبعا القديم منها غالي غالي الثمن
والحديثه منها لايرتقي الى القديم
من حيث الجوده والصناعه
وتقدر تصفح بالنت وفيه
معلومات كافيه عن دلال رسلان
لكم اجمل التحايا واعطرها

[Farqd]

الله يبيض وجيهكم
ويشكر لكم
Colman
جمس z71
عفشك مكمل
عبدالرحمن ٣٠٥

هل نقول ان خلاصة الموضوع .. أنها ما تسوى وتقليد وأرجعها للمستودع
:)

[Red falcon]

نعم
أذهب لاي محطو وستجد مثلها
نحاس رقيق وليس ذات خامة جيده
تصلح للعرض فقط