طلب من اهل الجبيل

[the-rock]

السلام عليكم ورحمه الله وبركاته
اخواني ابي اعرف مكان اصيد الجيد من الجبيل مع اسم المناطق واحداثياتها اذا وجدت وياليت يكون مكان يصلح للتخييم والصيد ولكم جزيل الشكر:good2:

[صياد رايق بال]

وعليكم السلام ورحمة الله وبركاته

انشاء الله يفيدونك اهل المنطقة

[ABOYSSR]

الربع ماراح يقصرون معك

[accentkool]

الفناتير وشاطي النخييييل وكورنيش طيبة

[White_Shark]

وعليكم السلام ورحمة الله وبركاته

في داخل الجبيل ما اعتقد في منطقة يسمح بها للتخييم , ولكن عندك المراكز التابعة لقيادة حرس الحدود بالجبيل وهي مناطق يسمح بها للتخييم والصيد بواسطة السنارات :

1- جزيزة ابو علي ( حالياً ممنوعة ) إلا إذا عندك واسطة تقدر تنصب خيمتك فوق خزانات ارامكو :) .وتصريحها من قيادة حرس الحدود في الميناء التجاري.

2- مركز الفريع ( على امتداد طريق الدمام الجبيل ) نهاية الطريق بتلقى بوابة الفريع .. فيها منطقتين للحداق وثنتينهم ممنوعين :) .. وباقي اراضيها ماتصلح للحداق ( غزول بس ) .. وتصريحها من نفس المركز.

3- مركز النقورية ( بعد مركز الفريع من الشمال) ويبعد عنها نصف ساعة تقريباً بالسيارة .. منطقة جميلة للتخييم وفيها صيد حلو في فصل الشتاء ..وتصريحها من نفس المركز.

4- مركز صدوي ( بعد مركز النقورية ) ويبعد عنها تقريباً ساعة بالسيارة , وهي منطقة جميلة للتخييم , وفيها سبيطي وشعوم وهوامير وقرقفان .وتصريحها من نفس المركز.. ولها طريق مختصر عبر طريق ابو حدرية .

5- مركز مرير ( بعد مركز صدوي ) ويبعد عنها تقريباً ساعة الا ربع بالسيارة , وهي منطقة جميلة للتخييم وفيها خير وأراضيها متنوعة ..وتصريحها من نفس المركز .. ولها طريق مختصر عبر طريق ابو حدرية .

طب وتخير وفالك اللي يسرك .

تقبل تحياتي .

[مكشات بحراوي]

عندك حي البحر حي العزاب فيه منطقة حلوة للصيد الكنعد وعندك كمان في البحر الي قبل الميناء الصناعي عند مخرج مياة المصانع الحارة وهذي المنطقة تنفع في هذا الوقت مع البرد لان البحر دافي
وعندك المردومة قريب من استراحات سابك ومشتقاتها
ولو اني موجود كان طلعت ان واياك لاكني نقلت الغربية