يالنشامى وين بلقاها ؟

[صاع ضروس]

السلام عليكم اخواني المكشاتية وكل عام وانتم بخير
من فضلكم وين احصل هالمزيونه
http://www.mekshat.com/pix/upload05/images233/mk72899_aa.jpg (http://www.mekshat.com/vb/../pix/upload05/images233/mk72899_aa.jpg)

أو على الأقل اليد حقت الحجر ( البطاريات )
http://www.mekshat.com/pix/upload05/images233/mk72899_ab.jpg (http://www.mekshat.com/vb/../pix/upload05/images233/mk72899_ab.jpg)

وجزاكم الله ألف خير

[عاشق السيل]

وعليكم السلام ورحمة الله وبركاته ،،

والله رهيبة هالشواية اللي تقلب الأسياخ ،، بنتظر معك الإجابة من الأعضاء لأني تحمست أعرف عنها كل شي !!

لكن سؤالي من عام 2008 وأنت عضو ليش هذي أول مشاركة ؟؟ <<< ملقوف هههههههه

[بليزر616]

وانا كذالك ابنتظر الاجابة

[صاع ضروس]

اخوي عاشق السيل ( عسى الله يجيب السيل ) بالنسبة للشواية تراها رهيبة جداً وكلامي هذا من واقع تجربة وكنت قد شريتها ( منذ مبطي) من محلات الأواني اللي في ( بن دايل ) بالرياض وهي تركية الصنع على حسب ظني لكن بها عيب بسيط وهي ما تصلح الا لشوي الأوصال فقط ( لحم - دجاج ) وهي لا زالت عندي بس ضاعت اليد اللي تحرك الأسياخ وبلشت بها ما حصلتها قلت مالي الا النشامى المكشاتية بيدلوني عليها إن شاء الله
أما بالنسبة اني ( قديم ) وهذي اول مشاركة بصراحة أنا أحسن واحد يتصفح المنتديات وخصوصا ( مكشات ) ولا يمر يوم تقريبا الا وأمر عليه لكن مالي في المشاركات والكتابة وذلك لانشغالي الدائم والله يحفظك وجميع المسلمين
ودمت بود

[اصيل نجد]

هلا باخوي صاع ضروس مر على العويس سوق العويس بالشمال كاني شفتها عند الاواني المنزليه طبعا كامله

[صاع ضروس]

- أخوي ( بليزر 616 ) لا هنت على المرور وعسى الله يرزقنا من يدلنا عليها

- كل الشكر لك يا سنايدي ( أصيل نجد ) بيض الله وجهك وبروح إن شاء الله نهاية الأسبوع للعويس وبإذن الله بلقاها وبعطيكم خبر شاكر لك مرورك وفزعتك وماهي غريبة على المكشاتية أعضاء هالمنتدى المبارك .
دمتم بود

[صاع ضروس]

مساكم الله بالخير
للأسف أخوي ( أصيل نجد ) ذهبت لأسواق العويس شمال الرياض وفريت كل محلات الأواني وما حصلتها ..
المهم اخواني المكشاتية اللي يعرف وين القاها يدلني عليها جزاكم الله خير ... أو اللي عنده وحده مستعملة وحالها ماشي ( بشرط إن اليد شغالة ) أنا مستعد لشرائها منه إن كان يرغب في البيع ويمكن التواصل عن طريق المنتدى ..
ودمتم بود

[وحش الولايات]

ههههههه جوووووووووعتوني زيااااااااااااده