اللي له خبرة في المزارع يدخل يرحم لي والدينة

[ولد روووق]

سلبام وعليكم ابقرالكم المعروض:Dانا فرضا راتبي اربع الاف وعلى البند وناوي اشتري حلال ثم تراجعت ثم جتني فكرة سو مزرعة واحذف الحلال فيها اكلها وشربها مضمون باذن الله
يوم سعرت المزارع اللي على مليون حتى مليون متجيبها
وقريت ان فيه بنك او صندق ماتني متاكد للزراعة يساعدك وش يساعدني فيه وكم قرضة وكم بيعطيني وانا رغبتي فالمزرعة لان غذا الحلال من اكل وشرب مضمونها ولاتفكر في زيادة سعر الشعير ولانقصانة والحلال مربع بصيفة وشتاة انا توي شباب لحمي توة طري:Dابالي مزرعة ومحتاس امري وكم عامبل وكم راتبهم وكم عدد الحلال اللي لازم اشتريةوهل اقدر اشتري العلف والشعير نابت جاهز ونقلة الى المزرعة ولازم ازرعة اول شي ثم اجيب الحلال ابرمجها كلن يفيدني بكل شي افيدوني لاني ابا الحلال وابا احطة في مزرعة وعندي اسئلة معرفت اضبطها اجيببوا بكل شي وشكرا

[ولد روووق]

يرياجيل بختصار ارخص واسهل طريقة شراء المزرعة او ان اسويها انا
كم عامل للمزرعة
كم كلفة العمال رواتبهم
البنك وش يعطيني من معدات واشياء اخرى
كم قسط البنك الشهري
هل ازرع الشعير والعلف ولايجيني جاهز بس اصب علاه الماء

[ولد روووق]

كم راس من الحلال اشتري ولا يجيب الي البنك

[ولد روووق]

راتبي اربع الاف هل يكفي

[ولد روووق]

الارض اشتريها ولاايشتري ها البنك

[ولد روووق]

اللي عندة افادة يفيدني بكل مايعرف لايقول ماهيب نافعتة

[AZOZ9091]

الله يرزقك من واسع فضله

[ولد روووق]

الله يرزقك من واسع فضله
يرحم لي والدينك هذا اللي اباه

[حمادالرشيدي]

لا والله خل المزارع لأهلها وترك عنك عوار الراس راتبك خله لك لا تطيح بأقساط والله ماتخلص وياحلو راتبك لما ينزل كامل أخر الشهر وشفلك شي أبرك من المزارع حاول تشتري حلال وتبيع فيه وتشتري أحلا من المزارع وبلشتها

[عناز الحره]

لا والله خل المزارع لأهلها وترك عنك عوار الراس راتبك خله لك لا تطيح بأقساط والله ماتخلص وياحلو راتبك لما ينزل كامل أخر الشهر وشفلك شي أبرك من المزارع حاول تشتري حلال وتبيع فيه وتشتري أحلا من المزارع وبلشتها

عطاااك العلم حماد:good2:

[ولد روووق]

يمين يسار ياولد انا احب البل واعشقها وديبها من يومي ورع

[ولد روووق]

لا والله خل المزارع لأهلها وترك عنك عوار الراس راتبك خله لك لا تطيح بأقساط والله ماتخلص وياحلو راتبك لما ينزل كامل أخر الشهر وشفلك شي أبرك من المزارع حاول تشتري حلال وتبيع فيه وتشتري أحلا من المزارع وبلشتها
الا فكر فيها الشعير والعلف نصه للحلال ونص ابيعة

[«نجم الخير»]

فيه مزارع صبره وبالاصح رشاشات صبره للبرسيم اذ تبي للحلال
والبرسيم هاليومين صاير نفط :D

[ولد روووق]

فيه مزارع صبره وبالاصح رشاشات صبره للبرسيم اذ تبي للحلال
والبرسيم هاليومين صاير نفط :D
مافهمت علاك ياللحية الغانمة

[أَبوابراهيم]

بسم الله الرحمن الرحيم

والله يعين عليك
ياخي اول شيء نسق موضوعك وخله باللغة العربية الفصحى علشان نفهمك :D

اولن انت خطط وسجل بورقه عندك علشان ماتنسى ابد ولا تصير امورك محتاسه مثل موضوعك المحتاس .. حاس الله وغربل عدوك

المزرعه يبيله طولة بال ورواقه لاخر درجه ويا كم شخص اعرفه اخذله مزرعة وطف فيها وتركها مع انه كان متحمس للموضوع حيل

اوانا انصحك تشوفلك احد من الزملاء او الاقارب وتاخذ الوضع كامل منه ولا ينفع انك تسوي مزرعه وانت ماجربت او شفت بعينك بشكل مكثف

انا مانيب خبير ولاعندي مزرعه لكن بقولك الي اعرف ولعله يفيدك بشيء
واحتياجاتك هي

1-مساحة تزرع فيها

2-"عمال" وعددهم بالبدايه عامل واحد اذا انت ماخذ ارض وتبي تزرع عليها ومع الوقت تزود على حسب الاحتياج
واذا المزرعه ماخذها من شخص قبل زارع فيها اسئل راعيها كم تحتاج من عامل واهو اعرف من الجميع

3-"راتب العمال" يبتدي من 700 الى 1200 وانا انصحك تجيب على كفالتك لانه دايم يكون اقل راتب اول مايجي

4-"العلف او البرسيم"اذا انت بتزرعه فيبيلك محوري الي يسقي العلف ولا في شيء اسمه علف جاهز العلف بذور وتزرعها بالارض وكل ماطلعت تقصها وتخلي اساسها ويبيلك في هذي تجيب مزارع يشوفلك نوعية الارض والسماد والبذور والدواء وغيرها ويفيدك اكثر لانه اعرف

5-حصاده الي تحصد البرسيم وقيمته ما اعرفه لكن يفيدونك اهل الخبره ومافي شيء اسمه ابرمج البهايم البهايم تحجزه بمكان وتحط العلف عنده بعد ماتحصده وهن ياكلن ..

اتمنى اني فهمتك وافدتك وانك تفهمني ..

في امان الله وتوفيقه

[ولد روووق]

عطاااك العلم حماد:good2:

ونعم والله فيك وفي حماد مار البل حبها في دمي وماودي الزق خشمي عند الرياجيل مهب قايلهع شي بس الغناة واجب

[ولد روووق]

بسم الله الرحمن الرحيم

والله يعين عليك
ياخي اول شيء نسق موضوعك وخله باللغة العربية الفصحى علشان نفهمك :D

اولن انت خطط وسجل بورقه عندك علشان ماتنسى ابد ولا تصير امورك محتاسه مثل موضوعك المحتاس .. حاس الله وغربل عدوك

المزرعه يبيله طولة بال ورواقه لاخر درجه ويا كم شخص اعرفه اخذله مزرعة وطف فيها وتركها مع انه كان متحمس للموضوع حيل

اوانا انصحك تشوفلك احد من الزملاء او الاقارب وتاخذ الوضع كامل منه ولا ينفع انك تسوي مزرعه وانت ماجربت او شفت بعينك بشكل مكثف

انا مانيب خبير ولاعندي مزرعه لكن بقولك الي اعرف ولعله يفيدك بشيء
واحتياجاتك هي

1-مساحة تزرع فيها

2-"عمال" وعددهم بالبدايه عامل واحد اذا انت ماخذ ارض وتبي تزرع عليها ومع الوقت تزود على حسب الاحتياج
واذا المزرعه ماخذها من شخص قبل زارع فيها اسئل راعيها كم تحتاج من عامل واهو اعرف من الجميع

3-"راتب العمال" يبتدي من 700 الى 1200 وانا انصحك تجيب على كفالتك لانه دايم يكون اقل راتب اول مايجي

4-"العلف او البرسيم"اذا انت بتزرعه فيبيلك محوري الي يسقي العلف ولا في شيء اسمه علف جاهز العلف بذور وتزرعها بالارض وكل ماطلعت تقصها وتخلي اساسها ويبيلك في هذي تجيب مزارع يشوفلك نوعية الارض والسماد والبذور والدواء وغيرها ويفيدك اكثر لانه اعرف

5-حصاده الي تحصد البرسيم وقيمته ما اعرفه لكن يفيدونك اهل الخبره ومافي شيء اسمه ابرمج البهايم البهايم تحجزه بمكان وتحط العلف عنده بعد ماتحصده وهن ياكلن ..

اتمنى اني فهمتك وافدتك وانك تفهمني ..

في امان الله وتوفيقه
بيض الله وجهك ورحم الله والداك والله انك افدتني بيض الله وجهك







الله انه يدخل في قلبك السرور والفرح كما افرحتني واضحكتني بقولك حاس الله وغربل عدوك

[راعية حشمه]

المزارع تكلفه وعمال وخساير
والراتب المذكور ما يساعد

[«نجم الخير»]

مافهمت علاك ياللحية الغانمة


فيه مزارع تخذها مثل الصبره اجار متاخر اهم شي تحييها ( تزرعها )يصير فيها رشاشات ( محوري ) تزرعها برسيم بطاطس بطيخ :D اللي تبي
وانت استاجر لك محوري 6 ابراج وافلاح ( ازرع ) الدنيا تجارب يمكن بكرا يرزقك الله وتبدا تدينا :)

[ولد روووق]

مشكورين ياللي افادوني اقول ماعندي الا حاجتين يااني ارعي حلالي عند رجال يرعاها بهكالقيمة ولااني اسوي مزرعة مدري عنكم اللي عندة اجابات لاسئلتي السابقة يفيد وماهو قصور باللي جاوبوا

[ولد روووق]

رفععععععععععععععععع

[برق الجهمه]

لا والله لاتفكر في المزرعه وانت ماعندك سيوله .. والاقساط انحش عنها
انا نصيحتي لك اذا كان عندك مردود مالي من خمسين وحولها وتبى لك مشروع حط لك مغسله مايجي لك سنتين الى عندك اللي تقدر تشريبه اباعر ولا غنم .. وفي النهايه البركه من عند الله .. والله يبارك لك ويغنيك ..

[ولد روووق]

لا والله لاتفكر في المزرعه وانت ماعندك سيوله .. والاقساط انحش عنها


انا نصيحتي لك اذا كان عندك مردود مالي من خمسين وحولها وتبى لك مشروع حط لك مغسله مايجي لك سنتين الى عندك اللي تقدر تشريبه اباعر ولا غنم .. وفي النهايه البركه من عند الله .. والله يبارك لك ويغنيك ..

هلابولد العم وتسيف حالك عساك طيب ياخوك اغسل ثياب العرب :Dوشكلي مالي الاكذا:(

[ولد روووق]

الموضوع موضوعكم نتمنى الافاىدة ولاهو قصور فاللي جاوبوا

[برق الجهمه]

هلابولد العم وتسيف حالك عساك طيب ياخوك اغسل ثياب العرب :Dوشكلي مالي الاكذا:(

هلا والله فيك والحال زين الحمدلله
ههههههه العرب جب لهم سحلتن كبيره يغسلون ثيابهم فيها :D

مغسلة سيارات او ملابس ترى ماهي شانه وترد ثمنها بالراحه

[رامي ع الموت]

انسى شي اسمه مزرعة وخلك على المرج الاخضر اضمن بكثير

بالتوفيق

[ولد روووق]

استاذن للنوم بكرة ان قمت القاكم حالين الواجب:D استاذن

[رامي ع الموت]

فيديو للجهاز (شبيه المرج الاخضر)

يوجد موسيقى (اكتم الصوت من فضلك)

http://www.youtube.com/watch?v=JlFaWZRmJS4&feature=related

[ذيب واردات]

تبي النصيحة يالعتيبي

انحش عن المزااارع يبيلها راس مال قوي

دورلك شويهات نعيم رغث على قد دراهمك وكان ما عندك وايت حط لك مطاره

والبعارين ما فيها خيييييييييييييييييير

[رشيد22]

على قولة عناز الحره اعطاك العلم حماد المزارع ماوراها غير الخساير انت فاكر انثر الحب وعطه ماء لا يبي لك اسمده ومبيدات حشريه كم كيس السماد الله يهديك اترك عنك الافكار ولاتاكل لا سمك ولابيض علشان ماعاد تحلم تصير تاجر

[عبدالاله 123]

انت في منطقة اول شي
بعدين النياق ماترد عليها ولاترد عليك فابد بالغنم كان لك فيها هواية

[ولد روووق]

يارياجيل انا دهخل مزاجي ومادخل مزاجي المرج الاخضر

[ولد روووق]

انا هاوي للبل وودي ابها

[مسفر الاكلبي]

اربعه الاف يالله تمشي حالك

وما حولك لا مزرعه ولا بعارين والله يرزقك من فضله

[ولد روووق]

الله يعين رفع كود احد عندة افادة ومشكورين ياللي شاركوا واجابوا

[سعدون البشري]

ابعد وانا اخوك عن وجع الراس والديون اللي مالها نهايه اذا رغبتك فالبل فسولك جمعيه مع زملاك في العمل واشترلك خلفه فالبدايه وحطها جنب واحد عنده حلال يقوم عليها واحسب له مبلغ شهري بسيط والشهر الثاني خذ واحدة ثانيه وهكذا حتى تستغني عن حاجة الناس والله ييسر لنا ولك وشكرا

[ولد روووق]

مشكورياسعدون اودي اني احط خلفة عند رجال بس الناس لاشعورين وبدون قصد يتاذون ويتضايقون الشهر هذا بيسكت الشهر الثاني بيلمح
ولافيه ناس قلوبها طيبة معي بشوف عنهم

[راعية السمان]

الله يرزقك يارب اما الشعير تشري اكياس وتجيب حراثة ويزرعونة والبرسيم مثلة تجيب بذارة وتزرعة واذ تبي تربي نياق وغنم ضروري تسوي رشاش هذا وسم البرسيم تقريبا

[ولد روووق]

مشكور اخت ياراعية السمان مع اني اتحفظ على مشاركة بنات حواء في منتديات الرجال

[برق الجهمه]

مشكورياسعدون اودي اني احط خلفة عند رجال بس الناس لاشعورين وبدون قصد يتاذون ويتضايقون الشهر هذا بيسكت الشهر الثاني بيلمح
ولافيه ناس قلوبها طيبة معي بشوف عنهم

لا مهوب متضايق ..
حط لك شبك قريب من حلاله وحط فيه خلفتين ولا ثلاث .. وقل للعامل يلاحظ علاها وانت عاد تجيها كل يوم .. والبل يتصاعبون سرقها الحراميه :D



مشكور اخت ياراعية السمان مع اني اتحفظ على مشاركة بنات حواء في منتديات الرجال


والله يابعضهن كفو وبنات رجال ويتشرف المنتدى بمشاركاتهن ..
اما صاحبات الهاي واي ما اقول الى الله يستر علاهن

[ولد روووق]

راعية السمان اعذريني وسامحيني ماقلت هالكلام الا غيرة عليك

[الجامح الطامح]

يابن الحلال وشلك وعوار الراس أحسن شيء تبدأ بالانتهاء به الاخرون ذورلك مزرع اهلها يبون بس احد يحيها ويقوم عليها وترهم كثير شيبانهم ماتو وعيالهم صغار ولا واحد من اخوانهم أو خواتهم شافعة عند الشيخ ما تبي تبيع على العموم أنت استاجرها بمبلغ معقول وحط حلالك فيها وجب عامل أو عاملاين من أي جنسية باكستان مصري بنقالي وأجرها عليهم كذا انت ريحة بالك وعشية حلالك بس لا تخلي الدرعي ترعي يعني العمال ترى بتصبح ولا أنت لا قي حلالك قد باعوه وشردو .

[ولد روووق]

الجامح الطامح مشكور ووين القى اللي يعطيني مزرعتة

[zooom55]

مشاالله عليك يالعتيبي معاشك 4000 وتبي مزرعه وذود اجل تدري انا معاشي 16000تكفا دورلي فندق وجيب لكزس

[ولد روووق]

مشاالله عليك يالعتيبي معاشك 4000 وتبي مزرعه وذود اجل تدري انا معاشي 16000تكفا دورلي فندق وجيب لكزس
ماشاء الله كان ودي انك متعلم براتبك:mad:

[ولد روووق]

رفع رفع الله قدركم

[من شمر]

الله المستعان .. نصيحه لوجه الله ابعد المزارع ومشاكلها تراك تبي تتعب نفسك على لا شي والنهايه تبي تتمنى السلامه لكن شف لك مكان واسع وحط حلال من بعارين وغنم واذا جاء الصيف اشتر برسيم ملبن كميات كبيره وكذلك عند الحصاد اشتر تبن واذا جاء الشتاء بع على كيفك صدقنى تستفيد اكثر من المزارع وربنا يوفقنا واياك ..

[عادل11]

ياولد روووووق

اولاً - الحقيقة وضعك غريب وسؤالك على غير وجهه ماذا تريد بالضبط تكتب غلط وتنتقد من يكتب غلط تكتب بلهجة بدوي وردودك غريبة الحقيقة انت غرييييب والموضوع فيه إن واخواتها معها ...

ثانياً- إن كنت فعلاً تسأل بجد فالنصيحة اترك عنك كل ها لافكار والوساوس التي هي اقرب للاحلام منها للواقع وترى كروش الهوامير ما كبرت الا منك وامثالك وراتبك كون به مستقبلك وفكر تكون لك اسرة كان المسكن متوفر وإن كنت مصر (بضم الميم ) فعليك بتوفير مبلغ معقول توفير وليس ديون يعني في حدود 20000 ريال وتوجه في فراغك لسوق الغنم بيع وشراء وليس تربية يعني اشتر وعلى طول بيع والمكسب يبارك الله فيه سنتين وحولها وممكن تحول سوق الابل وتنافس السودانية على عشقك القديم تربية الابل والابابل هادييييييييييييييي ... وفقك الله على كل حال

[ولد روووق]

ياولد روووووق

اولاً - الحقيقة وضعك غريب وسؤالك على غير وجهه ماذا تريد بالضبط تكتب غلط وتنتقد من يكتب غلط تكتب بلهجة بدوي وردودك غريبة الحقيقة انت غرييييب والموضوع فيه إن واخواتها معها ...

ثانياً- إن كنت فعلاً تسأل بجد فالنصيحة اترك عنك كل ها لافكار والوساوس التي هي اقرب للاحلام منها للواقع وترى كروش الهوامير ما كبرت الا منك وامثالك وراتبك كون به مستقبلك وفكر تكون لك اسرة كان المسكن متوفر وإن كنت مصر (بضم الميم ) فعليك بتوفير مبلغ معقول توفير وليس ديون يعني في حدود 20000 ريال وتوجه في فراغك لسوق الغنم بيع وشراء وليس تربية يعني اشتر وعلى طول بيع والمكسب يبارك الله فيه سنتين وحولها وممكن تحول سوق الابل وتنافس السودانية على عشقك القديم تربية الابل والابابل هادييييييييييييييي ... وفقك الله على كل حال
انت علامك محسس اني مسوي غلط وبعد فيها انت وامثالك فسرها الي والله بردك تسنك بتذبحني:eek:ياانك رد مثل الناس ولاترا انا غني عنك والله الموسوس انت ليش الموضوع فيه ان:eek: انصحك تروح للطبيب شعبي يتسويك:good2:

[ولد روووق]

رفعععععععععععع

[ديم الوسم]

أولا الله يرزقك وجميع مسلم
ثانيا بالنسبة للمزرعة التي يحط فيها حلال هذي يبي لها ميزانية غير ميزانية الحلال نفسه يعني سعر الارض على اسعار المعدات على رواتب العمال على صيانة المعدات وآجار المعدات الغالية مثل الحراثة والحصاده واللبانه على اسعار البذور والكيماويات هذا على افتراض ان الارض فيها بير واذا كان مافيها شف عاد الماء الحلو على عمق كم متر وكل ماصار ابعد صار الحفر اغلى من 150 الف وطالع وكل ماابعد الماء صار يستهلك ديزل أكثر للإستخراج
الخلاصة:
من الصعب على شاب مبتدئ ان يكون لدية لوحده مزرعه انتاج إبل زي فنجال الشيباني أو الفصام ماشاء الله تبارك الله لاكن الدنيا خطوات وهم طلعو السلم درجة درجة فإقتراحي عليك طلع قرض على راتبك ودبر راعي وأشتر الي تقدر علية من النعيم وبإذن الله خلال سنوات مع تيسير الله يكون عندك راس مال يسمح لك بالخطوات الي بعدها اما الابل فخلها بعد راس المال لان ماورها مربح صدقني وبالتوفيق

[ولد روووق]

بيض الله وجهك ياديم الوسم

[سلطان11]

أولا الله يرزقك وجميع مسلم
ثانيا بالنسبة للمزرعة التي يحط فيها حلال هذي يبي لها ميزانية غير ميزانية الحلال نفسه يعني سعر الارض على اسعار المعدات على رواتب العمال على صيانة المعدات وآجار المعدات الغالية مثل الحراثة والحصاده واللبانه على اسعار البذور والكيماويات هذا على افتراض ان الارض فيها بير واذا كان مافيها شف عاد الماء الحلو على عمق كم متر وكل ماصار ابعد صار الحفر اغلى من 150 الف وطالع وكل ماابعد الماء صار يستهلك ديزل أكثر للإستخراج
الخلاصة:
من الصعب على شاب مبتدئ ان يكون لدية لوحده مزرعه انتاج إبل زي فنجال الشيباني أو الفصام ماشاء الله تبارك الله لاكن الدنيا خطوات وهم طلعو السلم درجة درجة فإقتراحي عليك طلع قرض على راتبك ودبر راعي وأشتر الي تقدر علية من النعيم وبإذن الله خلال سنوات مع تيسير الله يكون عندك راس مال يسمح لك بالخطوات الي بعدها اما الابل فخلها بعد راس المال لان ماورها مربح صدقني وبالتوفيق


كلام يخش العقل
اكل ازبيب حبه حبه
دمتم بحفظ الباري

[الليث]

ياولد روق الفكرة اللي براسك بشراء وتشغيل مزرعة وحلال تبي مبلغ لايقل عن مليون ريال جاهزة في البنك
لاتعتقد الزراعة سهلة فيه بذور ومعدات وكيماويات وصيانه ومحروقات واجور عماله والزراعة تسمى مهنة المخاطرة يعني لو تخبط عليك الماكينة توضيبها لايقل عن اربعين ألف وغيرها كثير
نصيحتي لك وبناء على دخلك ابعد عنك الزراعة وابد بالغنم على الخفيف بيع وشراء على طول حتى يصير عندك راسمال بعدها وسع تجارتك والله يرزقنا واياك والقارئ من واسع فضله
تحياتي للجميع

[ولد روووق]

مشكورين على الافادة ياسلطان والليث

[سيف21]

الاخ الى تدور على الرزق السلام عليكم وبعد نصيحة اقدمها لوجة اللة تعالى ( دور على الرزق الا فى المزارع فهى تحولك الى فقير مهموم مديون لاتهنى بعيش ولا تنتبة لنفسك وصحتك واولادك ودينك وتصبح كانك مهبول تعيش بالامل فقط والفقر قدامك ( المصالح صفر) خوذو النصيحة من مجرب 25 سنة لو تركض الليل والنهار ماتحصل شى وعلى فكرة انا عملت بالزراعة وانا راتبى كثير والاكان ماصبرت كل هالمدة مارايك باحد جيرانى عندة بيوت محمية وغنم و2000 نخلة ويقول ماعندى الا الدجة والهم والغم سقت هذة التجربة حتى تبعدوا عن المرارع ولا تعرض نفسك للجلطة او السكتة القلبية وجميع اهل المزارع يشهدون والسلام دمتم فى خير وغناة عن المزارع ==============

[سيف21]

لا الة الالة

[وادي ملل]

اول شئ والله مدري وش اقولك لاكن انت ممن يريدون لكن لا يعملون شوف موضوعك له كم ونت لسع لم تقرر صح لا خاب من استشار لاكن انت لم تبحث عن الرض او او او

لكن شوف يقلون الماء حياة الروح صح وزراعه لازم ماء طبعاً ماء يشتغل 24 ساعه القطاس بوصه 3 نقول اقل شئ ترى فيه مزارع فيها بكل زويه بئر وبنصف بئر يعني الماء هو مشكلة الزراعه

طبعا لك منطقه زراعه معينه

شوف ابي اعطيك كم نقطه وهي اهم شئ

اول شئ الارض وكمية المياه الجوفيه بها
ثاني شئ راس المال الي تبي تسوي فيه هلمشروع
ثالث شئ بعد انشاء المشروع تقدر تصرف عليه كم سنه لان مراح يكون فيه عائد لنقول العائد صفر حتي يتم تاسيسه مراح يكون فيه مردود
رابع شئ اعلم ان الارزاق مقسمه وربما لا يكتب لك رزق فستخر قبل كل شئ
خامس شئ لا تضع نفسك في دئره وسيعة النطاق بديون لان على اسمها دايره الخروج منها صعب ودخول سهل

سادس شئ الله يوفقك دنيا واخره
ولو تقدر تحدد راس المال الي عندك مع مساحة الارض ربما تجد نبذه مختصره عن المشروع لاكن 4 الاف ونا اخوك لو ضربت الحمي البنوك مراح تعطيك اكثر من 100 الف وعلي حسب عمرك بعد يعني كل مكبرت بيقل وفي القطاع الخاص يختلف ولعسكري يختلف ولمدني يختلف
وبتوفيق لك

[مخيل السحابة]

مشكورين وانا ابمسك فلوسي بلا هم ولاهم يحزنون

[for_ever]

المثل يقول مد رجولك على قد لحافك
وبعد يقولون لا تحط بيضك في سله وحده علشان لا طاحت ما يتكسر البيض كله
شف لك شي راس ماله صغير وعسى الله يبارك لك فيه

ونصيحتي لا تبدي تجاره بدين لانك راح تتعب

[الشيخ900]

اخي شف لك ارض يم دياركم واحفر لك فيها بير وازرعها من برسيم ودخن وعند حصاد الدخن تبيع حبه والعلف حطه لحلالك وان شاء الله كم سنه بعد عمر مديد ان شاء الله بيصير عندك حلال ومزرعه وخير واشتر لك بل وعلى ماقالو اخواننا اكل العنب حبه حبه

[ولد مرقوص]

لا اترك المزارع ما فيها خير تعب وشقا وخساير

[نوفارا]

شوري عليك تشتري لك سيكل اقساط من لك هندي راعي محل سياكل حسب راتبك وتاخذه وتاجره علا عيال الحاره الدوره بخمسه لاخر الشارع ويرجع وتركبله ذرايات ددسن علشان تغريهم وتسدد اقساط السيكل من الاجار وامورك تمام كلها خمسمية سنه وتجيب حق المزرعه والحلال والزرع
طموحك اكبر من قدراتك الله يفتح لك ابواب رزقة من اوسعها ويعطيك علا قد نيتك

[محمدالزبيدي]

المزرعة ممكن تكون في حدود ثلاثين الف متر أو خمسين الف متر ومياه عذبة إلى صالحة لشرب الحلال وزراعة العلف كالذرة والبرسيم والدخن والسقيا تكون غمر أو تنقيط للذرة أو الدخن هنا تكون مجدية للغنم وليس للبل ولا تتكلف إلا الشعير
الاخوان ذهبت ردودهم إلى المشاريع الزراعية الكبيرة وهذا لا طاقة للكثير به وهو مخسر في بلد مثل السعودية تعتمد على الاستيراد من الخارج للخضار والفواكه أذكر في عهد الملك خالد رحمه الله تعالى رحمة واسعة كانت المزارع تدر على مالكيها ذهب والمزارعين كانوا
يرون الموظف غلبان كان صندوق الطماطم يباع بثلاثين ريال (الهوري ثلاثة كيلو تقريبا ) كثير ما يعرفه وكان في عهده الريال بريالين هالوقت والبطيخ تباح الحبة من مية إلى مئة وخمسين والوانيت من 2500 إلى 3500 ريال هذه المرحلة أنا عايشتها مهو يقولون أنا شاهد عليها
المزرعة بمثل هالمواصفات إن شاء الله تستفيد منها وحاول تشتغل فيها بنفسك في وقت فراغك فهي ممتعة

[البناوي 12]

ماخاب من استشار يفيدونك الإخوان وبالتوفيق

[راكان745]

سﻻم عليكم

بخصوص زراعة اﻻعﻻف .

1. تحتاج الى ارض زراعيه .تربتها طين
2. تحتاج إلى ماء كثير جدا
3. تحتاج الى معداتاقل سعر لها 180000 ريال
4.عامل يعرف الشغل عدل
5. بذور الزرع ﻻنتاج اعﻻف مكلفه جدا وعلى سبيل المثال كيس البرسيم 25 كيلو سعره مابين 500ريال الى 1200 ريال
6. تسميد الزرع شهريا ومبلغ وقدره اكثر من 3000ريال
7.حصادة اعﻻف اقل سعر 2000 ريال
8.لبانة اعﻻف اللبنه الواحده 1.5 ريال
9.تعبئة ديزل عايدي 4300 ريال
10.تغير زيوت مكينه 1000ريال
11.تحتاج الى حراثه
12.راتب عامل واكله اقل حاجه 2000ريال
13.اعطال روتينية تتراوح مابين 1000 ريال الى 15000 ريال
14.تصريف اﻻنتاج صعبه
15.تحتاج الى مستودع
16.في فصل الشتاء يضعف اﻻنتاج ويقل ويتاثر باﻻمطار في حالة الحصاد لمدة 3 شهور والله أعلم



الزراعه مشروع خساره مليون بالميه وفيها نصب كثير من العماله واستغﻻل الحاجه لهم

نصيحه من تجربه صعبه ..ابتعد بقدر المستطاع عن الزراعه

وشكرا

[العابر سبيل2]

يابن روووووق مسيت بالخير مثل ما قال لك أخونا الزبيدي اغلب ردود الزملاء عليك ذهبوا الي المشاريع الكبيرة اسمع كلام الزبيدي وانا أؤيد كلامه 100في المئة من واقع تجربه

[- البدر -]

أبوك ياولد
الرجال ماعد له طاري
وين راح

[راعي الجيوب 1]

يا ولد رووووق
شق الثوب اكبر من رقعته
مدام الراتب 4000 آلاف ما يكفي لا لمزرعه ولا للحلال
اطلب ربك ان الله يفتح لك أبواب رزقه وتحقق حلمك
تحياتي

[قنا النفود]

اصبر على راتبك واصبر