كيف أحصل على أرض واحييها وأربي فيها الحلال ؟

[راعي النوادر]

السلام عليكم ورحمة الله وبركاته
أخواني سبق وسمعت انه من يزرع ارض ويحيها تصير ملكه
السؤال اروح اشوف أي ارض فاضيه وازرعها للحلال أربي فيها واستفيد منها في زراعتها للحلال وتصير لي
او لازم اروح الزراعه قبل
جزاكم الله خير الي عنده علم يعلمني كيف الطريقه من البداية للنهاية

[ولد روووق]

رفع مهم الموضوع بالنسبة لي

اذا كان قصدك تحط شبك شلها من راسك لاجا امير راعي الارض يشيل الشبك وماشاورك

[ولد روووق]

اما انك تحييها مدري يفيدونك الاخوة

[الهوى جنوبي]

اذا كان قصدك الاحياء للحصول على صك ملكيه فالشروط تعجيزيه لأن من شروطها ان يكون الاحياء قبل عام 1375هـ وطبعن موافقات الدوائر الحكومية ذات العلاقة . يا اخي الامر ماهو بالسهولة اللي تتوقع والا كان العرب كل شبك ارض وقال احيييتها مع العلم ان الصكوك متوقفه الآن خارج النطاق العمراني لكن دورك ارض وحط فيها حلالك بعد ما تستسمح اهل البقعه عشان لا تدخل في مشاكل معهم وانس احياء الارض الا ان تشتريها من اهلها ويشهدون لك في المحكمة انها محياه وكانت تزرع وتقلع ولا يعترضك احد من ربعهم وسلامتك

[راعي النوادر]

والله مشكله كنت متوقع مجرد اني احيي الأرض يعطوني صك ويعطوني وسام شكررر عشاني ساعتهم في زراعة المناطق الصحراوية
لو يفكرون فيها هم المستفيدين
حسبنا الله ونعم الوكيل

[volcano]

حاولت قبلك يالحبيب وقالولي الزراعة امر ملكي بتمديد عدم اعطاء الارض بسبب نقص المياه الجوفية وقلت لهم خذوا كافة الضمانات اني ما بحفر فيها بير بدبر الموية بطريقتي لكن مافي فايدة .. وقالولي انسى فيه ناس طلبوا اراضي في الصحراء 100 كم عن النطاق العمراني في حايل وتم رفض طلبهم ..ما تقدر تسوي شي غير تشريها من واحد بصك شرعي

موفق

[الافلاج الان]

ان كانك تجلس مع الحلال عايدي اما تزرعها مو من حق اراضي الناس

[wild]

أخواني سبق وسمعت انه من يزرع ارض ويحيها تصير ملكه
هذا حديث رسولنا (ص)
لاكن حنا في عام 1432
لا خلك داهية مادام أنك شمالي
تنقسم الصكوك الى قسمين
الاول صك شرعي
والثاني صك فض ملكية وهو الذي يشكل لك وضع خطوة الأول
كيف انتبة
تأخذ أرض والمهم ان لاتكون للمسلمين من قريتك
ومن ثم تقوك ببناء خيمة وتحفر بئر بداخلها وتخفيها
وتضع الشبوك حولها ثم الزراعة بالنخيل
الخطوة الثانية
بيع نصف الارض لصديق لمدة كافية
حتى تتئزم بينك وتحل في مركز الشرطة
حتى تحط نفسك غير راضي
ترفع أوراقكم الى المحكمة
وسوف يصدر صك فض ملكية
ومع مرور المدة الكافية يكون لديك دليل مباشر الى الشروع
للملكية بعيد عن مايسمى الاحياء الشرعي
نعم يقولون أنها حيلة
ولاكن الاضطرار عند الحاجة بفعل المرء الاشياء الكثيرة
أهم مافي الموضوع البعد عن أراضي المسلمين
اللهم عافنا أبوينا واخواننا من المسلمين
تحياتي لك

[فهد الزلفي]

كان زمان
الان صعبه

[مخاوي دابذريع]

الله يعين ياخوك راحت علينا مير الله يغنينا وياك وكل مسلم بححلاله عن حرامه

[مهندس مكشات]

الله يعين ويدبر الحال

[صمان1]

تبي ارض فضاء وتحييها موجودات ما بين رفحاء والعويقله اراضي زراعيه إقطاعات لأهل الشمال تشتريها منهم وتحييها وتطلع عليها صك والله الموفق

[الذحاح]

كلام فولكانو صح كان قبل سنتين يعطونك ارض من وزارة الزراعه وبشروط تجيزيه قبل سنتين الغو منح الاراضي الزراعيه للشركات والمؤسسات اما من ناحية انك تاخذ ارض وتجيب فيه حلال ماتوقع فيه منع خذ حلالاك وجيب شبوك وصنادق وحطه بااي ديرة حتى لو قبيله ثانيه بشرط بعيد عن البيوت وتستسمح من اقرب بيت يمك

[الذحاح]

أخواني سبق وسمعت انه من يزرع ارض ويحيها تصير ملكه
هذا حديث رسولنا (ص)
لاكن حنا في عام 1432
لا خلك داهية مادام أنك شمالي
تنقسم الصكوك الى قسمين
الاول صك شرعي
والثاني صك فض ملكية وهو الذي يشكل لك وضع خطوة الأول
كيف انتبة
تأخذ أرض والمهم ان لاتكون للمسلمين من قريتك
ومن ثم تقوك ببناء خيمة وتحفر بئر بداخلها وتخفيها
وتضع الشبوك حولها ثم الزراعة بالنخيل
الخطوة الثانية
بيع نصف الارض لصديق لمدة كافية
حتى تتئزم بينك وتحل في مركز الشرطة
حتى تحط نفسك غير راضي
ترفع أوراقكم الى المحكمة
وسوف يصدر صك فض ملكية
ومع مرور المدة الكافية يكون لديك دليل مباشر الى الشروع
للملكية بعيد عن مايسمى الاحياء الشرعي
نعم يقولون أنها حيلة
ولاكن الاضطرار عند الحاجة بفعل المرء الاشياء الكثيرة
أهم مافي الموضوع البعد عن أراضي المسلمين
اللهم عافنا أبوينا واخواننا من المسلمين
تحياتي لك

اخوي ممكن توضح الطريقة شوي فيه ارض ودي اخذها بس مدري وشلون