راعي الطير..الطير اللي لك عليه..

[hawwamT]

بسم الله واقول...تشتري طير..وتخسر عليه من حمام وتدهيل وتنقيز وتدريب..وطلعة للبر..ونظرات اعجاب منك كل يوم تزيد عن يوم..خصوصا بعد ما يتدرب ويصبح جاهز..وبعد كذا تطلع تدور الحبارى من قلب..ويروح اليوم الأول والثاني حتى تنقضي العشرة ايام كاملة ثم يراسلونك..تعال عندنا حبارى..وتجيهم متحمس..وتشوفها نظر عينك بعد دوارة عشرة ايام..وتفرع عن الطير..وهاه..يالله يبو الشباب..فيطير الأخ من يدك وينطلق..ولكن مو باتجاه الحبارى ..لا..يابطل..بالتجاه موقع على الارض..ويوقع..ويخليها..فتقول في نفسك..أكيد يبغاه طيار..فتروح تطيرها..ويزعلون الشباب اللي نادوك..ولكن ماعاد يهمك الحين اي شي..اهم شيء يطرحها ويبرد حر التعب لايام خلت من الدوارة هههههه وتطير الحبارى وخويك موقع على الأرض ولا له نظر أبد ههههههههههههههه يالله قوللي شعورك الحين؟...ههههههه ياخي ريح راسك من بدري..اذا ماجاها وهي موقعة فتأكد انها لو طارت لها جنحان مثل النسر..ماهي بسيطة ..تخلع قلب الطير..لذا أقول..من قبل تدور الحبارى وتتعب..روح اشتريله الجني ديك رومي كارثة وهده عليه عشان يستصغر الحبارى لو شافها..ماذا والا..تراه ح يوفع ويخليها..ماله نظر الأخ في المعروض ههههههههههههههههههههههههههههههه

[القصير111]

هههههههههههه

حرام عليك بغيت أذبح طيري أحس انه هو اللي مسويها

عوافي

وفالك الخرب

[قرناس شماالي]

والله يالغالي هاذي ارزاق
ان الله راد صدتها وان ماراد ماتصيدها لو برشاش
وتقبل تحياتي

[عواد الشمري2]

سلام عليك
ههههههههه الطير نصه طير ونصه دجاجه ماكل طير طير
لو انه طيري حرام مايرجع معي افك سبوقه بدال ماعطيه طلق وحط ب>يله فلفل وقول روح القلب داعي لك خخخخخخ

[صقار 502]

بضربه هو وياها باقوى ضغط فشق

[(هزاع)]

درب وليدك دربه والنار من مقباسها
الخطا خطاك (ليه)
نوعية الطير وماكره لاتقولي تفريخ كلها صفر
حر اصيل قرناس هوا وحش ودهله على يدك عرض16 ونص ون زاد افضل بياخذ معك من عشر ايام الى خمست عشر يوم وهده وشف هو بيوقع يناضرك ولا ينصرم عليها وعلمني
والله يعلمني رجل ثقه يقول
الان يجي من دول الروس وباكستان طيور يقولون اصايل وهن تفريخ
ويعرضونهن لاشعه كهربائيه وليزر وتشميس وبلاوي
وتتعب يالصقار بتدهيل ودعو وجرد وشقا ويوم يحل الوعد وتجي الحباري يفشلك ويوقع بجنبها يحتريك تصيدها له وتنتفها وتقوله سم

[بركات ت ت]

ههههههههههههههههههههه

صدقت يا هزاع الوحش مافيه كلام وترا الصقار له دور في هدة الطير اول مره وتعليم الطير
وكذلك الي حواليك او معك اذا كان وحش وعندك ناس كثير
الوحش اذا هد اول مره يبي له سياسة

اما صيدها او ما تصيدها هذي ارزاق وحظوظ

[mmal]

درب وليدك دربه والنار من مقباسها
الخطا خطاك (ليه)
نوعية الطير وماكره لاتقولي تفريخ كلها صفر
حر اصيل قرناس هوا وحش ودهله على يدك عرض16 ونص ون زاد افضل بياخذ معك من عشر ايام الى خمست عشر يوم وهده وشف هو بيوقع يناضرك ولا ينصرم عليها وعلمني
والله يعلمني رجل ثقه يقول
الان يجي من دول الروس وباكستان طيور يقولون اصايل وهن تفريخ
ويعرضونهن لاشعه كهربائيه وليزر وتشميس وبلاوي
وتتعب يالصقار بتدهيل ودعو وجرد وشقا ويوم يحل الوعد وتجي الحباري يفشلك ويوقع بجنبها يحتريك تصيدها له وتنتفها وتقوله سم


:good2::good2::good2::good2::good2:

[مخاوي دابذريع]

ويطير الأخ من يدك وينطلق ,, حلوه ( الأخ ) الله يعوظك ......