المساعد الشخصي الرقمي

مشاهدة النسخة كاملة : الفزعة يا خبراء البالون في البنشر..............................


(أبو سليمان)
18/02/2006, 01:56 PM
بسم الله الرحمن الرحيم




الفزعة يجماعة الخير
ركبت قبل أسبوع كفرات بالون من نوع سيام 8 غلط حجم 900 تاريخ 2005
والمشكلة طلعة للبر وبنشر واحد منهن بسبب مسمار أو سيم أو حصى المهم شق كبر راس القلم أو أصغر شوي
رحت للبنشر قالي البالون ميرقع لازم تركب لصتك ويمكن يضبط ويمكن لأ او تشتري كفر ثاني علمن لو كفر مهوب بالون كان رقعة عادي وتمشي الأمور
أنا متحسف با الكفر ألي عمره أسبوع فأ أناشد أصحاب البالون فيه حل ولى لأ
ولكم مني جزيل الشكر




أخوكم أبو سليمان
غيّام
18/02/2006, 04:59 PM
ابوسليمان كلام البنشري غير صحيح رح للقحطاني ماريتايم اللي في طريق خريص تلقى عنده اللي تبي
هويدي
19/02/2006, 07:57 AM
البنشري يبيك تدفع خمسه وعشرين او ثلاثين بدال ما ترقعه بعشره

او تشري كفر جديد من عنده

رقعه التيوبلس تنفع لكل الكفرات بس اهم شي ما تصير بجنب الكفر

وانصحك تسوي الرقعه الداخليه احسن من العاديه بس ما تلقاه الا عند البناشر الكبيره

والمفروض يابوسليمان ونت ادرا ونا اخوك الصغيرلاصارلك مثل هالموقف اوغيره تمر على كم محل

منها تعرف وش الحل السليم للمشكله والسعر المعقول ومنها بعد يمكن تطيح لك في واحدن ابن حلال

وتعامله ونت مرتاح المرات الجايه

واسمحلي على لقافتي بس انا صايرلي موقف مشابه
(أبو سليمان)
19/02/2006, 12:16 PM
غيام هويدي
ألله يرفع قدركم
بس أخوي غيام لو توصفلي محل القحطاني بضبط الله ليهينك
غيّام
19/02/2006, 01:42 PM
انت جاي من الشمال الى الجنوب يجيك مخرج 13خريص رح معه شرق يهني كنك رايح للمعارض يجيك المحل على اليسار كبير وواضح جدا قبل المعارض بواجد
ساري15
20/02/2006, 05:59 PM
السلام عليكم جميعاً

اخوي ابو سليمان ولا يهون الجميع

زي ما قالوا اخوانا ان هالبنشري ماعنده سالفه ويبي الفايده من وراك

لأن عندي كفر نفس كفرك لها الحين حوالي السنه وفيه رقعة تيوب لس من بوم ركبته الى الحين ولله الحمد ما صار له اي شي

لكن رح لاحدن يفهم او ارقعه انت اذا تعرف مايبي شي .............
عمار السفينه
03/03/2006, 07:41 AM
ماتشوف شر .. أرقعه رقعه داخليه ويضبط أن شاء الله .. وللاسف البنشريين دايم الكذاب من صفاتهم .. الله يهديهم
هاوي قصيده
06/03/2006, 12:02 PM
ما ازيد على كلام الشباب

انا كنت مركب بوالين من نوع ماكسس

رقعته ولا فيه اي مشاكل


وراعي البنشر شكله يدور القليل

رح للقحطاني ماريتايم تراه جيد وانا اتعامل بمعه بالشرقيه بشغلات الكفرات ووزن الاذرعه والترصيص مستعد احلف لك انه ازين من الوكاله

وتقبل شكري

والله يبين لك الخير
Mohammad
07/03/2006, 10:11 AM
وين للقحطاني ماريتايم تلفونه