يالربع افيدوني عن طيري الجير

[ابوعزيز2007]

السلام عليكم ورحمة الله وبركاته
انا يا جماعة عندي طيري جير حر 17ونص *18 وماسك وزنته ماادري وش علته 1102بعد المقيض وكل يوم ازنده حمامه لي يمكن اكثر من عشرين يوم ولاتتغير الوزنه يعني زاد شيء بسيط 1140مع اني يوم الطلعه من المقيض كشفت عليه بعيادة عنيزة تحليل مرش اعزكم الله وقالو مافيه شيء وش رايكم يالربع مع انه يعني ياخذ كفايته من العشا وما قصرت عليه :(:(:(

[الجراح11]

سؤالك غي واضح ؟؟
اذا كنت ودك ترفع صنعت الطير ( يمكن الطير مغلق ) يعني هذا حده بالصنعه
واذا ودك تنزل صنعة الطير اقصر عليه و شنذره

[ربع خالي]

وعليك السلام ورحمة الله وبركاته

اخوي ابو عزيز : ان كان طير صاحي ومافي شر ان شاءالله ! يمكن علفه مايكفيه ، وترا بعض الطيور ماهي سوا فيه منها اللي صح اي انه اقل شي يستعد عليه ، وبعض الطيور تاخذ فتره الين يزيد وزنها مع زيادة العلف ايظا .
انت قيس على العرب في منهم من يأكل عن عشرة رجال ولايزيد وزنه الا قليل ، ومنهم من يرخي لقمته تلقاه انتفخ ههههههههه .
عموما وزن الطير في المقيض كم ياصل ؟ وهل هذا الوزن الطير طلق او ربط ؟
تقبل مروري

[قرناس شماالي]

ماقصر ابويوسف
وعطاك العلم
وتقبل تحياتي

[عبادي ابو قبو]

ياخوي هذا جير حمامه ماتسوي معاه شوي ...
الله يوفقنا وياك

[(هزاع)]

الطير وناخوك مثل الرجال الطيب اذا نفسيته شينه من الاسر ماهو مستفيد من الطعام والطير ايظن
انت دعيت الطير ام لا ونا اعتقد لادعيته بزين حاله ونفسيته بتنفتح للطعام وبيستفيد ون الطير مادعي ادعه وعلفته على الدس وحاول قبل كذا نقله وتفريعه على يدك النفسيه مطلوبه وضمن الموضوع الغذائي الله يوفقك