ساعدوني يانااس

[مؤيد صديق]

بسم الله الرحمن الرحيم
السلام عليكم و رحمة الله و بركاته




أبغا مساعدتكم يا صيادين
سار لي 3 أيام ورا بعض أ روح البحر
من 7:30 لــ 1:30
و أحاول أصيد بس مني قادر
أنا في جدة
الطعم كان حبار
و القصبة أشتريتها بــ 70 ريال
أما المكنة بــ 210 ريال
و الخيط مقاس 70
بلييييييييييييييييز ساعدوني

و أنا ما سجلت عندكم غير لأنو في ناس محترفين و محترمين

[الموج العالي]

خذ معاك كيس طحين وقبل ما تصيد في المنطقة الي انت فيها نثر طحين بشكل متقطع ومن ثم خذ لك علبة تونا خرقها وارمها في البحر قدامك ونثر طحين مره ثانية وبعدين ابدا الصيد
وبعدين الخيط خله 50 بدال 70 وين قاعدين 70 بتصيد قرش

تحياتي لك،،،

[مؤيد صديق]

أنشاء الله أجرب يوم الخميس
و يارب يطلع معاية شي


طيب و إيش الطعم إلي تنصحني بي ؟؟؟؟؟

[otaudi]

الله يوفقك ياخي .. بس سؤال

انت تصيد فين ؟؟
القصبة حقك كم متر؟؟
مكينتك ايش هي ؟؟

[كابتن غواص]

إن شاء الله يرزقك الصيد الطيب و يعوضك عن الأيام الثلاثة

بصيد يسرك ويطيب خاطرك يا رب

لك تحياتي


أخوك أبو يحيى

[مؤيد صديق]

القصبة
livefish
2402 specail
الطول 165

و المكنة
mitchell
blue 7000
أتمنا إنو المعلومات كافية

[otaudi]

واضح انو القصبة قصيرة على صيد الشاطئ .. يعني تحتاج قصبة من 4 متر وانت طالع ..
المكينة اذا ميتشل اصلي تمام .. بس اعتقد انها كوري او صيني .. وما فيه مشكلة .. ان شاء الله تؤدي الغرض

اهم شيء انت فين تصيد ..

يعني اذا في الحمراء .. شيء واذا على الكسارة شيء ثاني ..

عموما انا انصحك تبدأ في مكان حوالينك صيادين .. ولا تستحي .. اسأله عن طريقة ا لصيد .. وحيعلمك ..

كلنا كنا صفر على الشمال .. انا فاكر انو اول ماصدت السيجان .. وأمسكه عادي من زعانفه ... والله لا يوريك ايش الألم والوجع اللي من السيجان .. والمجرب يعرف ..
لكن سألنا وتعلمنا ..

اعتقد انو خيط 50 كفاية اذا كان صيدك مو على الكسارة .. وحيخليك ترمي ابعد ...

الطعم عندك السلماني ، الحبار الأبيض ، الباغة .. الدود الأبيض ....يعني فيه مجال تشكل ..

موفق لكل خير

[مؤيد صديق]

المكان إلي جربت في الصيد قريب من البنقلة
عند فندق الكورنيش بلازا

[accentkool]

حاول تنوع بالطعوم والاماااكن والله يرزقك ان شاء الله

[مؤيد صديق]

إنشاء الله كل طلعة أحط طعم غير
ولا تنسوني من دعائكم

[زاحف بحر]

اتمنى لك التوفيق في الايام الجااية ..

[eo202]

ذلك رزق من الله عز وجل يعطى من يشاء ويمنع عمن يشاء

اذكر الله واستغفره

لاحظ ماتخطىء فيه وحاول اصلاحه ورافق احد الاشخاص التى لديهم خبره بصيد الاسماك

وتعلم منه فلم يكن احد منا بعالم فى بدايات صيدنا ولكن تعلمنا وصبرنا واخذنا عن من لديهم الخبره

وايام كثيرة عدنا الى بيوتنا بدون شىء وايام اخرى لا نستطيع ان تحمل مارزقنا الله به

غير الاماكن وادعو الله وانتظر رزقك

[BLA6K]

أخوي الخيط مقاسه كبير ، واكثر الأسماك وخاصة أسماك الشاطىء أو الكورنيش يوم تشوف الخيط ماتاكل الطعم
والأفضل تشوف لك خيط 30 أو 35 بس يكون أصلي مثل بيج جيم

[الصياد 7000C]

حبيبي مادام مشتري ماشاء الله مكينه ب210 كان كملت فضلك واشتريت قصبه بايلوت ولا دايوا ب 150 ..
والشاطيء مايصلح 165 سنتي الا لو تبغا سيجان .. وفي حال تبغى سيجان لازم تغير المكينه لمقاس اصغر..


ثانيا كم مقاس الشوكه حق الصناره مادام شاطيء لازم تكون من 11 لين 15 للحجم المقبول .. اما لو عميق وكساره استخدم من 10 ل 6 ..


ثالثا حبيبي جمب البنقله قوارب الصيادين فوق ال 3000 قارب اتخيل الزيوت والديزل اللي يفرغوه هناك بالله تخيل في سمك حيقعدلك هناك!!

وفوقها المينا هناك .. وحرس الحددود يعني ماعندك امل..


تبغى تصيد روح الحمراء القديمه اللي قدام مستشفى المتحدون فيه قروم وشعوم احجام راهيه..
وسيجان ياكثره وكبره..

وعندك الكورنيش بس خدلك عوامه لانه تصخير بس فيه هوامير وشريفي والكلام الطيب ..

وبعدين حاول يكون لون خيطك زي لون المحيط زي مثال الحمراء مويتها مطحلبه اخضر يعني .. ف تاخد خيط لونه اخضر..

وكمان ياحبيبي 70 داه حق المجارير ..انا مره اتهورت وبعتها واخدت خيط 60 ويادوب مشي معايا ..يبغالك انتا بخيط من 50 ل60 كحد اقصى لكن يكون مضغوووووووووووووط مثل ما قالو الاخوان نوعيه بيغ قيم...""BIG GAME"" ,وفالك الخير الوفير ...



نجي للطعوم حبيبي لمن تحط الطعم حطه على مقاس الصناره يعني مو تجيب صناره صغيره وتحط طعم كبيييير قلك تمويه ولا العكس طعم صغير على صناره كبيره ..


انا اقولك القمبري الفرش اللي من البنقله يجيبلك كل اللي نفسك فيه .. واللي يقولك يطيح ووو كلو كلام شمنقاحبش ..
ركب القمبري صح وما يطير ..
الحبار اعترف بقوته في عدم الافلات بس من ناحيه الصيد اقولك من دحين ضعيف جدا...


والسلام عليكم ورحمة الله وبركاته ..
كان معاك المرشد الصيادي :الصياد7000C وتقبل مروري ياتحفتنا ..خخخخ

[مؤيد صديق]

طيب إيش رأيك يوم الخميس في الصباح نطلع سوا

مستشفى الأطباء المتحدون هي الي عند شركة الكهرباء المبنا القزاز الأزرق
لو هو صح نروح هناك

[الصياد 7000C]

هههههههههاي حبيبي حظك نور وحلو انا يوم الخميس الصباح رايح هناك مع صاحبي اصيد سيجان ..

[الصياد 7000C]

انا عندي قروب لصيادي جده بالفيس .. لوتحب ارسلي رابط صفحتك هناك وانا اضيفك..

[الصياد 7000C]

شوف انا حروح هناك اصيد كدا ...

http://www.youtube.com/watch?v=Z-V9c1r-G0g

[وليد الغربة]

بالتوفيق ان شاء الله

والشباب لن يقصروا معك

اخوك وليد الغربة

[مؤيد صديق]

هههههههههاي حبيبي حظك نور وحلو انا يوم الخميس الصباح رايح هناك مع صاحبي اصيد سيجان ..


راح أرسلك معلوماتي عالخاص

[مؤيد صديق]

أقول ما أقدر أرسلع عالخاص
عشان كدة هادا إيميلي
mo@y.ad
أكتبو زي ماهو

[الصياد 7000C]

حبيبي مو راضي معايا خد اميلي انتا BADR_M_I@hotmail.com

[مؤيد صديق]

أرسلتلك إضافة

[الصياد 7000C]

قبلتك في قائمتى

[راعي منيفه]

احسن طعم الربيان

[الصياد 7000C]

قلتلو ياخي ماهو مصدق

[ابو ماريا]

طيب ممكن سؤال ما طلع معاك و لا هذه
http://t1.gstatic.com/images?q=tbn:ANd9GcSGTWefv2Kg_LT6jZcsdk2JzCquvkWev-mxjcbJVF6cLl8zSiOQ

[الصياد 7000C]

ابو ماريا الاخ مسوي مصيبه مشتري قصبه صب ومكينه عرض وخيط 70 ويصيد بحبار ..

[الصياد 7000C]

بس ان شاء الله راح اقابله وازبط الامور معاه

[الشاص وووووبس]

المكان إلي جربت في الصيد قريب من البنقلة
عند فندق الكورنيش بلازا

مشكووووووووووووووووووووووووووووووووووووووووووووووو ووور

[ابو ماريا]

بس ان شاء الله راح اقابله وازبط الامور معاه


حبيبي الصياد لازم اول شي تسويلو تحديد مستوى يعني
زي ما شفت اول سؤال عن ابو نقطه اذا عرفها يبدا اولى ابتدائي
اذا ما عرفها يبغاله شغل وتاسيس من جديد
ع العموم اي خدمه اذا اتخرج من عندك انا حاضر
هههههههههههه

[الصياد 7000C]

ونشوف اخرتها خخخخخخخابشرك الرجال مشتري مكينة عرض وقصبه مترين وماصاد شي ابد .. بعلمه حتى حروف كلمة صيد صادون ياؤن دالون..

[مؤيد صديق]

أنا لسة ما أعرف شي دوبي خرجت من البيضة :D:D:D:D
عشان كدة سجلت عندكم و أبغا أتعلم

[ابو ماريا]

أنا لسة ما أعرف شي دوبي خرجت من البيضة :D:D:D:D
عشان كدة سجلت عندكم و أبغا أتعلم


حبيبي لا تزعل مزوح تراني ما اعرف شي بس حبيت أمزح معاك
و
ان شاء الله تصيد و تضلع قرش وخمس هللات
ههههههههههه
موفق يا عسل