رأيكم في الباترول بخاخ ولا كبليتر ؟

[Saudi ARB]

سلام عليكم
موضوعي عن الباترول الكبليتر
ممشاه ولا بريال الصراحه تحس إنه ثقيل مره
ابسأل عن البخاخ الباترول من 94 الى 97 .. كيف ممشاه
يفرق عن الكبليتر بواجد ولا لا ؟ خرابات واجد ولا لا ؟
تنصحوني اركب مكينة بخاخ عليه ولا مايستاهل العنى ماتفرق ؟
ارجو الافاده يا إخوان

[عبرود الودي]

انا معي بخاخ واخوي كلبليتر .. كلهن سوا ..

الفرق البخاخ يشتغل بسرعه.. وعيبه حساسات وغثا واسعارها نار

[sgl2002]

والله انا عندي كلبريتر ٩٨

ممشا يتعدى ١٨٠ بكثير
خفه بشكل خيالي، بنزين على الخط التانكي٥٥٠ يمشي


ليش؟؟

تماتيك مروحة جديد
فرارات
كفرات مقاس الوكالة
بواجي جديدة
وزن ديلكو صح
فلتر هوا وبنزين
اسلاك بواجي
طرمبة بنزين وكالة

والموتر الحين ماشاء الله طيارة

[sgl2002]

اخوي اذا بترخي جيبك شوي
ركب مكينة لكزس
يمدحونها الشباب انها ماتخرب وقوة عزم وصرف قليل

وماتكلف ٧٠٠٠ باالكثير

[Saudi ARB]

جزاكم الله خير ..
بس أخوي مكينة اللكزس ينخاف منه .. تعرف الترهيم والحوسه تعور الراس
وبالنسسبة للتكلفة سألت عنها وسعرت تقريبا 12 ألف كلها مع القطع وشغل اليد
طيب لو بركب فيه أحد مختص بـ الترهيم مكينة اللكزس وشغله مضبوط ومعقول ؟

[sgl2002]

اسال العضو كنق التعديل بيفيدك كثير

[أصيل حجآ زي]

يــأخوي :
زي ما قآل لك الأخ الكريم / سعيد
sgl


المـُشكلة عندك بالأسآس هي في نظآم الأشعآل .
غير بوآجي أصلية وأوزن خلوصها صح 100% .
أفحص أسلاك البوآجي
تأكد ما تكن خربآنة أو تهرّب ماس { كهرب } .


والأهم وزن موزع الشرآرة { الديلكو }
وزن صح بالتقديم { أدفآنس Advance } .
بعضهــُم عليمي ولا يعرف يوزن صح يوزن
بالتأخير { رتآرد Retard } وهو مـُدمر للمـُحرّك :
تـعـلـم كـيـف تـوزن توقيت الشرآرة بمُحركك (وزن موزع الأشـعـل/الديلكو) Adjust Ignition (http://www.mekshat.com/vb/showthread.php?t=225333) http://www.the-transmission-center.com/look.gif (http://www.transmissioncenter.net/highperflist.htm)


نـظـآ م الأشـتـعـآ ل لـمُحركآت الأشتعآ ل ا لدآخليIngnition System (http://www.mekshat.com/vb/showthread.php?t=216629)


ســُرعـة ا لـخـمـول ا لـعـآ لـيـة و ا لـو آ طية (حـقـآئق مُهمة) Fast & Low Idle Speed (http://www.mekshat.com/vb/showthread.php?t=225235)


كـيـف نــُعـدل ســُـرعة الخمول في مـحـركآت البخآخـآتInjector Idle Adjustment ؟؟؟؟؟؟؟ (http://www.mekshat.com/vb/showthread.php?t=388275)


كيف تصيد الخلل وكيف تصون وكيف توزن نظآم الأشعآل ؟؟؟ بالصور وأهم شيء الأشرطة للجميع . (http://www.mekshat.com/vb/showthread.php?t=405266)


كــيــف تـغـيـر صـفـآيـة {أسكرين Screen} الـوقود الدآخلـيـة دآخل خـزآن الوقود ؟؟؟ (http://www.mekshat.com/vb/showthread.php?t=292312)


ا لرطوبة و تــفــتـفـــة مــُـحـركــك / بــعــض حـلـول ا لـتـفــتـفـ (http://www.mekshat.com/vb/showthread.php?t=232191)ة



كــيـف تـغـيـر الــبـوآجـي وكـيـف تـقـراء مـؤ أشــرآتـهـا { دلالات} الخرآب من لونه (http://www.mekshat.com/vb/showthread.php?t=254734)



بـعـض حـلـول تـفــتـفــة مـُحـرك سـيـآ رتك / فحص الشآحن وتغيير البوآجي بأصلي. !!! (http://www.mekshat.com/vb/showthread.php?t=227152)


كيف توزن / تعدل / تصلح / توضب / تصون مـُغدي الوقود { الكربريتر carburetor } ؟؟؟؟؟؟؟ (http://www.mekshat.com/vb/showthread.php?t=433423)


كيف تفحص ضغط الوقود لسيآرتك لتتخلص من التفتفة خآصة بالسُرعآت العآلية 77 كلم +؟؟؟؟؟؟؟ (http://www.mekshat.com/vb/showthread.php?t=436855)

[Saudi ARB]

عافاكم الله يـ إخوان المشكله مو بـ الخرابات ياناس
المشكلة ان المكينة نفسسها رديئه في الممشى ماتقارن في التايوتا
وكذا واحد اعرفه معه كبليتر باترول ماتقدر تقارنه بـ التويوتا نفس موديله ممشاه أحسن التويوتا
عيب الباترول القديم مكينته لو هي قويه شوي كان مافيه أحسن منه

[بدوي جنوبي]

والله مكينة الباترول قويه جداااا ولا يستهان فيها
لكن عندك مشكله في نظام الاشعال لازم تسويه
بعدين الموديل هذا هو مصنوع كذا يكون محركه ودبلات قويه
وليس تسارع عند الانطلاق ،،
شوف السيارات اللى فيها تسارع عجيب صدقنى تخذل صاحبها عند
البحث عن القوة .

[Saudi ARB]

صح كلامك أخوي ادري بـ البر والمطاليع والغراز حلو وتقريبا نفس المقارنه بينه وبين التايوتا في القوه
بس المشكله في الطريق مايقارن بـ التايوتا
لكن تحس ان اللاند كروزر فيه انسيابيه يعني متعادل ممشاه حلوو وبالقوه بعد يطربك ..
اما الباترول صراحه يحيرك ..

[مخطور]

السلام عليكم ورحمة الله وبركاته ،،،،،،
اذا كنت تعاني من مشكلتك كلبريتر تبع النيسان هناك طريقة اخرى ترهم كلبريتر لاند كروزر
اقوى شوي بالعزم واقل صرفية بنزين واقل تكلفه بالسعر من كلبريتر النيسان

وتقبل تحياتي ،،،