هل من الممكن المساعده في الوصول الى الحماطيات [الأرشيف]

مشاهدة النسخة كاملة : هل من الممكن المساعده في الوصول الى الحماطيات

ابوجوري

18/02/2006, 03:18 PM

السلام عليكم

اريد احداثيات الحماطيات لوسمحتو وماهو افضل طريق للوصول اليها من طريق الجبيل

وشكرا لكم

aaalaqel

18/02/2006, 10:35 PM

انا اوصف لك من مدينة حفر الباطن

تمشى على بركة اللـه من الجبيل نحو حفر الباطن وتتجه من حفر الباطن الى طريق الكويت او اسئل اي احد ويدلك على طريق الكويت وتمشى الين توصى لوحه قبل منفذ الرقعي بحوالي 10 - 20 كيلومتر وتجيك لوحه مكتوب الحماطيات طبعاً الطريق مزفلت

تحياتي

ابـوريـان

19/02/2006, 12:45 AM

تطلع عن طريق الخفجي لين توصل الجمارك السعودية ثم تطلع بر جهة الغرب بمحاذات الحدود 80 كيلوا تجيك الحماطيات اذا ما أنت مستعجل الاربعاء القادم انا رايح والسبت اجيب احداثياتها ... بالتوفيق

الطارق2

19/02/2006, 09:53 AM

سهيل واحد

19/02/2006, 12:19 PM

عليكم السلام .....

الأخ ................ ابوجوري

وكلام الشباب على متمة ..
تطلع من الجبيل على طريق الشمال كانك رايح لحفر الباطن .. طبعاً لازم تمر السعـــيرة ...
أول ما تعدى آخر محطة على يمناك بالسعيرة أفرق يمين قص (زاوية قائمة) يصير اتجاهك شمال شمال شرق (يعني اتجاهك يم الشمال اكثر من الشرق) .. الطريق صحراوي بس زين .. بعد حوالي 25-30 كم يعترضك خط مسفلت (السفانية - القاعدة) وبالامارية حولك محطة بانزين عنده شجر كينة (المحطة على يمين الخط للي رايح للسفانية) .. نكمل .. اقطع الخط المسفلت و خلك على يمتك (ممشاك شمال شمال شرق) أمش لين تجيك الحمطيات وهي على العقم اللي بين السعودية و الكويت

ملاحظة أولى:

اذا قطعت خط السفانية - القاعدة .. الخطوط اللي يودنك للحمطيات مثل المسفلت يعني تمشي 100 كم بالساعة ما عندك مشكله .. يسمونهن الرياضيات
(أنت الآن في قلب الدبدبة)..
واثناء مشيك تبي تمر او تصير حول هجرة أسمه "أبرق الكبريت" فيها محطة بنزين و بقالة ..
وودي أطلب منك خدمة .. اذا ممشاك بالنهار و معك GPS ومريت بطريقك للحمطيات على جيب قديم جداً و مصدي .. إذا ما عليك كلافة انك تاقف عند الجيب و تخزن موقعة بالجهاز (يبعد تقريباً 35 الى 40 كم عن المسفلت) و متى ما رجعت للنت ترسل لي أحداثية الجيب على الخاص.

ملاحظة ثانية:

و فوق هالتوصيف ابشر بسعدك و بالأحداثية .. اللي ما تخر رمل .. أنا الآن بالعمل لكن اول ما ارجع للبيت باسطرلك الأحداثية ببريدك الخاص ..

و ما أقول ..الا الله يطوي سفركم و ينقل خطركم جميعاً.

أخـوك

سهـيـل واحــد

عروان

19/02/2006, 01:26 PM

الحماطيات<O:p</O:p
<O:p</O:p

N 28.53.272

E 047.31.241

<O:p</O:p

تمسك طريق الرياضيات من خلف قرية السعيرة و أنت على طريق الحفر.<O:p></O:p>

النجم الهاوي

19/02/2006, 01:35 PM

الاخ السائل السلام عليكم
خذ الوصف يالغالي
تخرج من الجبيل الى السعيره من السعيره تتجه الى القيصومه حتى ياتيك تقاطع السفانيه القاعد يبعد حوالى 80 كيلو عن السعيره اذهب بتجاه السفانيه حتى تقطع 40 كيلوا تفريبا انزل يمين مع الخطوط المتجهه الى الحد بتجاه الشمال الشرقي تجد العقم المسافه تقريبا 40 كيلوا والربيع جيد والفقع الي وجدناه هوبر ومتوسط وبالتوفيق

اخوي الطارق 2

اعتقد اذا جاء المحطه يلف يسار مهوب ييمين

والا انا غلطاااان

وترى هالوصف هذا هو اللي دائم نطلع معه

وبالتوفيق اخوي السائل

ولاتنسانا من الصوووووور والاخبااااااار

بتال

19/02/2006, 01:36 PM

الطريق طال عمرك من الجبيل من دون قصور في كلام أخواني ,,,,,,,,,

تتجه للنعيرية ومن النعيريه للسعيرة مع طريق حفر الباطن إذا جيت السعيرة تتدخل داخل السعيرة وفية طريق مسفلت جديد يطلع من السعيرة جهة الشمال وما تشوف الطريق هذا إذا كنت مع السريع يعني لازم تتدخل السعيرة وتتجه للشمال , من السعيرة 30كم مع هذا الطريق تجيك محطة خباري وضحى ويجيك طريق السفانيه قاعدة الملك خالد متجه للغرب قدامك , تقطع طريق القاعدة بشكل صليب تجاه الشمال مع خطوط رمليه كثيرة ومتوازيه متجه للشمال أسمها الرياضيات تمشي مع الخطوط هذي مسافة من 75كم إلى 80كم من محطة الخباري وتشوف العقم حق الحدود وبوابة الحماطيات اللي توقف فيها خطوط الرياضيات أمامك والله يستر عليك الإحداثيات ماهي عندي بس بالوصف .

ونريد منك صور الربيع اللي في هذه المنطقة .

ابوجوري

20/02/2006, 11:19 AM

شكرا للجميع على الوصف والله يجزاكم خير ودمتم سالمين

سيف السيف1

20/02/2006, 07:16 PM

الحماطيات أصبحت مركز حدودي بعد المفرق تأتيك بوابة مركز الحدود.. ممنوع الدخول:no2: تاريخ لزيارة 8/1/1427هـ هذا للفائدة