المساعد الشخصي الرقمي

مشاهدة النسخة كاملة : معانااااتي مع جمس 95


خآإلد
13/11/2011, 09:55 PM
السلام عليكم ورحمه الله وبركاته


شلونكم يالغالين ان شاء الله بخير

لاحد يبخل علينا بالردود رجاء


عندي جمس موديل 95 دبل

قبل اسبوع نزلت مشكلتي هنإ عن الدبل مايشتغل خربان ومإحد رد علي رد مقنع

قلت مالي الا اروح لرياض واشوف رحت لرياض

ولقيتهم قممممة بالنصب والاحتيال وقلت مو مسويه بتركه

رحت للعضيب وكان عندي جلد مقاص وتغيير هوبات وفحمات يوم فكها قال روس العكوس عندك رايحه

لازم نسوي لها خررط قلت سوووها المهم كلف الموتر علي بأغراضه الفين وشوي

قبل امس رحت عليه مشوار ويوم رجعت الا فيه ريحة فرامل والفحمات تدخن

ولعت لمبة abs شيكت على الزيت حق الفرامل الا مافيه شي طفيت البطاريه نص ساعه وشغلت الموتر الا ي الربع ماراحت اللمبه وريحه الفرامل لا مسكت تطلع

والمشكله اني بقررريه وماحولي ورش الا الرررياض او القصييييم الدعسه حقت الفرامل ماهي زينه متغييره تروح بالحيل ...

وفزعتكم يالربع:

اللي يعرف ورشه راعين ذمة وشغلهم زين يدلنا عليه او مرت عليه هالمشكله يقولها لنا
ماجد الشمال 1
13/11/2011, 10:29 PM
ليش دور ورشه غير الورشه الى انت صلحت عندهم
ارجع لهم وخلهم يزبطون شغلهم
انت منت دافع الفين وشويه صدقه لهم ولصناعيه
يالبى الهلا
13/11/2011, 10:39 PM
رجعه للي صلحت عنده وبتضبط امورك لو بسطحه
خآإلد
13/11/2011, 11:27 PM
اتصللللت عليهم اليوم قالو حنا مالنا علآلآقه بـ abs

حنا ركبنا فحمات وغيرنا لك هوب قلت طيب والفرامل

قال مالنا دخل فيه ولا نعرفه له !!!!!!!!
ماجد الشمال 1
13/11/2011, 11:32 PM
اتصللللت عليهم اليوم قالو حنا مالنا علآلآقه بـ abs

حنا ركبنا فحمات وغيرنا لك هوب قلت طيب والفرامل

قال مالنا دخل فيه ولا نعرفه له !!!!!!!!
وشلون مالهم علاقه ولفحمات الي ركبوها وطلعت ريحتها
وصارت تحتر من ركبها ركبت من حالها
طش السيارة عليهم وشتك عليهم
يالبى الهلا
13/11/2011, 11:37 PM
الله العلم انه من الباكم يحجر بالفرامل وتحترل اه وزنيه خاصه مسمار وزن الباكم وتكاد من الى الخارج من الباكم اللي صدر المكينه لايكون مشقوق
محرين باالخير
13/11/2011, 11:41 PM
شوف وانا خوك اتوقع ان الكليبرات عندك مجيمه مو راضيه ترجع لأنها ظاغطه علي الفحمات لين طلعت ريحه وهربت الزيت يمكن تكون مصديه السلندرات خاصة ان موترك قديم شوي ويمكن يكون امريكي او من منطقه ساحليه سابقا .
يلزمك فك الكليبرات وتنظيف السلندرات من الصدء وغيار اصلاحات وترجع زي الحلاوه خاصه لو يزبطها لك فني فاهم مو غشيم وشغلتها ماهي صعبه اي فني يصلحها مو لازم متخصص امريكي .
خآإلد
13/11/2011, 11:45 PM
وشلون مالهم علاقه ولفحمات الي ركبوها وطلعت ريحتها
وصارت تحتر من ركبها ركبت من حالها
طش السيارة عليهم وشتك عليهم


والله مانبيها شكاوي ولو بالشكاوي ماصلحت الموتر دايم ولا نزلت موضوعي ابي الخبره منكم
خآإلد
13/11/2011, 11:46 PM
الجموس مافيه بااكم ، فيها هيدروليك الجديده
خآإلد
13/11/2011, 11:47 PM
شوف وانا خوك اتوقع ان الكليبرات عندك مجيمه مو راضيه ترجع لأنها ظاغطه علي الفحمات لين طلعت ريحه وهربت الزيت يمكن تكون مصديه السلندرات خاصة ان موترك قديم شوي ويمكن يكون امريكي او من منطقه ساحليه سابقا .
يلزمك فك الكليبرات وتنظيف السلندرات من الصدء وغيار اصلاحات وترجع زي الحلاوه خاصه لو يزبطها لك فني فاهم مو غشيم وشغلتها ماهي صعبه اي فني يصلحها مو لازم متخصص امريكي .


كلامك يمكن ، صح الكليبرات يمكن فيها شي

والموتر فاكه من الوكاله بإسمي ولا هو في منطقه ساحليه ولا شي

ولو تدلنا على ورشه اختصاص فرامل بتكون مشكور
محرين باالخير
13/11/2011, 11:49 PM
ارسلي رقمك علي الخاص بدلك ورشه معاملهم باالرياض ولا ودي احط اسمهم من باب الدعايه نزعل المشرفين .
خآإلد
13/11/2011, 11:51 PM
ارسلي رقمك علي الخاص بدلك ورشه معاملهم باالرياض ولا ودي احط اسمهم من باب الدعايه نزعل المشرفين .


يعطيك العافيه ارسلي رقمك مآقدر ارسل

نأسف لا يمكنك ارسال رسائل جديدة قبل 50 مشاركة لديك الأن 11 مشاركة
الإدارة.
خآإلد
14/11/2011, 12:27 AM
اللي يعرف ورش ممتازه يدلني عليها لاهنتم
خآإلد
14/11/2011, 05:14 PM
لرفع بارك الله فيكم ،
لا احد يبخل علينا بشيء
الناس لناس والكل بالله
مافيه
14/11/2011, 06:08 PM
اخوي افضل الورش للامريكي هي البيان < متخصصه في الجموس و الفرود
من ناحية النضافه وطريقة التعامل مشابهه للوكاله الا انك تقدر تشوفهم وهم يشتغول على السياره مهوب مثل الوكاله والاسعار مقبوله نوعا ما ومايله للأرتفاع مقابل الورش العاديه لاكن هم ارحم من الوكاله بكثيييير ويدلونك على البدائل مهوب مثل الوكاله اي مشكله يغيرون القطعه بالكامل

رح لهم وان شاء الله يكون خير
YUKON_GMC
15/11/2011, 02:36 AM
طيب فيه تهريب زيت من فوق من عند العلبه او الباكم ؟؟ والا التهريب من تحت بس ..

عموماً احتمال غيرو لكم هوبات وحجمها كبير والفحمات جديده صارت ضاغطه على الكليبرات ..

يفترض تخرط الهوبات ولاتغيرهم الا ان كانو منتهين مررره

مشكلتك الان اعتقد 90% من الكليبرات مجيمه وتحتاج تنظيف مثل ماتفضل احد الزملاء وتصب زيت فرامل اصلي ابوعلبة حديد بس بالاول تجاوبني بشأن مصدر التهريب

http://t0.gstatic.com/images?q=tbn:ANd9GcQUFGDbvNUj7DZo2Yq2RA_E8kvEnDe8o egMYU6kO5TMVcIEYGHx
خآإلد
15/11/2011, 05:31 PM
هـلاابك آخوي سفااري

تم التشيك اليوم ، لسياره ،

لقيت فيه تهريب بالهيدروليك ، اللي هو الباكم ، بس بالجموس الجديده يجي هيدروليك

دورته ، ماحصلته لا بالتشاليح ولا جديد ، مافيه الا اروح لرياض ولقيت

سلك الحساس اللي عند الكليبر مقصوص والكليبرات طلعت سليمه ، وان شاء الله اغيرها

ونشوف الوضع ، وش يطلع ويعطيكم العافيه على الردود

واللي يعرف قيمه الهيدروليك ، يعطينإ خبر ولاهنتم
باترول 1987
15/11/2011, 05:47 PM
اخوي روح االعاصمه بالدخل فيه ورش خاصه بالدبل

وورش للفحمات والفرامل

وبالتوفيق...
YUKON_GMC
15/11/2011, 09:06 PM
وليش اسلاك حساسات ABS مقصوصه احتمال المشكله منها لاتستعجل بتغيير الباكم

وبالنسبه للباكم فنعم فيه باكم فرامل وليس هيدروليك وعندي 99 فيه باكم عادي زي حق الددسن اللهم بس ان فيه حساس ABS

وهذي صورته من سيارتي

http://im17.gulfup.com/2011-11-15/1321383233461.jpg
خآإلد
15/11/2011, 10:44 PM
هلابك ، اخوي سفااري

ماعندي باكم ، عندي هيدروليك الموتر دبل مو زي موترك

ولقيت فيه تهريب واحتمال يكون منه ، ويكون من سلك الحساس اول بغير سلك الحساس

ثم بعدين بشوف الهيدروليك
YUKON_GMC
15/11/2011, 11:24 PM
لازلت مصر على انه هيدروليك ... بكيفك هيدروليك هيدروليك بس لعلمك ترى سيارتي برضو دبل والجمس والسوبرمان فيه باكم اعتقد حتى موديل 2012