الحره وماادراك مالحره

[عقيل2009]

السلام عليكم ورحمه الله وبركااته

ياالربع انا عندي مشكله فيه صوت (حره)

بالسياره بعد سرعه 140

علماً بان السياره vxr 2001

تماتيك

وياليت احد يذكر لنا مركز متخصص بالكلام ذا بالرياض

لاعدمناكم

[يالبى الهلا]

تاكد من الصليبات شحمها لانه يوجد اثنين ومن بعد ه عمود الدفرنس لايكون ترصيص طايح امحصل ضريه

[sgl2002]

تاكد لايكون تماتيك المروحه معلق وما يفصل

[ساري 111]

شيك على كراسي المكينة والقير والبدي وكراسي الدوده

شيك على العمدان والصلبان

شيك على الأذرعه اللي ماسكه الدفرنس الخلفي ثنين صغار فوق وثنين طوال تحت

تاكد من رمان الهوبات الاماميه

ورمان العكوس الخلفية

[عقيل2009]

بيض الله وجيهكم

ماقصرتوا

[جي اكس ار2000]

والله من الحرات ولكن دام تمشي مشها

الله يجعل الامر سهل

[zulfi]

الحره ما تجي إلا من عامود الدبل وهي الارجح.. لان عمود الدبل ضعيف لذلك به طريقه سهله ولا تخسرك خذ عامود الدبل من أحد اخوياك و جربه على موترك

[S3llo]

هل الموتر عليه فرارات ان كان ما عليه فالمحتمل انه عمود الدبل

[عقيل2009]

طابت اوقاتكم

السياره بدون فرارات

لنفرض انوه عمود الدبل ماهو الاجراء الصحيح معه

هل استبدله بجديد او بالامكان اصلاحه

اذا كان اصلاحه مجدي ولا يعود لنفس المشكله

هل يوجد مراكز متخصصه بالكلام ذا

في الرياض


والف شكر لكم

[torrjom]

طابت اوقاتكم

السياره بدون فرارات

لنفرض انوه عمود الدبل ماهو الاجراء الصحيح معه

هل استبدله بجديد او بالامكان اصلاحه

اذا كان اصلاحه مجدي ولا يعود لنفس المشكله

هل يوجد مراكز متخصصه بالكلام ذا

في الرياض


والف شكر لكم



هلابك اخوي عقيل


اول اجراء فك عامود الدبل


وجرب السياره


اذ راحت الحره


ركب فرارات وريح راسك


كل الووووووووووووووود

[هويدي]

كان الله بعونك ويسر امورك

من رأيي تسوي مثل ما قالوا الاخوان فك عامود الدبل وجرب اذا راحت ركب فرارات

[ابوراكان تبوك]

نفس مشكلتك في gxr2002 ماتطلع الا اذا الفرار مشبوك على 4في 4
لكن اذا فصلت الدبل من الفرار كأنه كابرس على الخط ولا فيه لا حنه ولا ونه والصرفيه على كيفك
مع العلم اني مركب فرار واحد يسار
المهم بعد ماجربت السيارة بالفرارات انصح وبشده بتركيبها حتى ولو انها بألف ريال يريح السيارة ويحافظ على العكوس

[أبو سليمان888]

اخوي اذا هو مرفوع من الخلف تاكد من العمود الي يوصل بين العمود و الكارونه
اذا هو عدال ولا لا
يعني اذا العمود بمستوى القير و الكارونه

اهم شي ما يكون فيه نزول قوي و واضح

اذا الفرق واضح عندك احد امرين
الاول تنزل القير شوي عشان يكون العمود مستوي مع الكارونه
الثاني تنزل الجيب من الخلف

هذا سبب انا واجهته و حله جدا بسيط وما يكلفك كثير


تقبل مروري