مؤشر الزيت مره على الصفر ومره للاخير

[ابو وافي 2008]

ارجوا الفائده من له الخبره سياره يوكن موديل 2008 مؤشر الزيت الي في الطبلون يلعب مره علي الصفر ومره علي الاخير

[خآإلد]

من ساعه الزين قيمتها ب 130 ريال

او طرمبه الزيت شيك عليها

[aakolife]

المشكلة من حساس الزيت أنا معي يوكن 2005 ونفس المشكلة وغيرت الحساس والحمد لله زانت

[خذ وهات]

عزيزي المشكله هاذي يمكن تسبب لك خراب بالمكينه معناته إن ضغط الزيت في المكينة ضعيف وهذا عيب مصنعي بالجمس من موديل 2000 وطالع لازم يفك صدر المكينة لوجود مشكله من الشوائب ولكن هناك ورشه إسمها ورشة الرسلاني بصناعية الامير فواز بالرياض النسيم (ورشة الرسلاني) المهندس قصي

[dohem]

السلام عليكم
اخوي انا عندي تاهو 2005 وصارت لي المشكله
الحل(ربله طرمبة الزيت تحصلها عن باالبيد في الرياض الربلة ممكن 40 ريال بس التركيب يمكن 400 ريال) لانه يجب فك كرتير الزيت وتركيبها . موقعها صعب بس ترا مهم انك تغيرها لا تخبط عليك الماكينه على شي ما يستاهل, بس تأكد من الحساس .

[FORD1969]

وش نوع الزيت ايضا مهم كانك تستخدم نوعيه ثقيله وتضرب المكينه مو الطرمبه بس ولا ينصح بها الوكاله مثل 20 على 50 هذا سبب خلل الطرمبه ولا ينصح به للموديلات الجديده من 2000 وفوق والأفضل 10 على 30 سوبر جي تي او كاسترول

المناسب لك 10 على 30

[ك و ح]

اذا تسمع طقطقه في المكينه واذا دعست على الدعسه يختفي فانه من الطرمبه وملحقاتها موليه عندك وسببها ثقل الزيت والسيفونات التجاريه فهو الزيت اللي يستخدم له المفروض 5 -30

[ابو وافي 2008]

اذا تسمع طقطقه في المكينه واذا دعست على الدعسه يختفي فانه من الطرمبه وملحقاتها موليه عندك وسببها ثقل الزيت والسيفونات التجاريه فهو الزيت اللي يستخدم له المفروض 5 -30
لا ماسمع طقطقه