اليوم لقيت صقر شكله جميل

[xابوماجدx]

السلام عليكم ورحمة الله وبركاته


اليوم الاثنين الموافق 17 \12 شفت صقر داخل شبك الحرس الوطني بالشعيبه

كنا في مهمه انا ومجموعة عسكر نزل علينا من السماء طير صدره ابيض وجنحانه رمادية كافخ له صيده ومنزلها من فوق لم اتمكن من معرفتها ولكن الصيده طائر كبير الحجم وجنحانه سود

ارتفع قبل وصوله للارض مسافة 4 امتار وطار مسافة 500 متر لحق به الصقر ونزله على الارض بكل سهوله

وذهبت لمكانهم على رجولي ولم اجد الصيده انما شاهدة الصقر يطير من بعيد طيرانه منخفض وكانه يحمل صيدته ولم اتمكن من اللحاق به

هل الصقر يبقى مكانه لعدة ايام

او يغادر موقعه
لانني افكر اجيب حمامه وشبك وصيده

[المعرقب]

هلا خوي على وصفك الي شفته شيهانه قرناسه
صحيح طير معروف يرجع المحل صيده
وبتلقاااها والله يرزقك

[THE SNIPER H]

علي وصفك شاهين جرناص حاول تشبكه بحمامه والله يرزقك

[رامى السيد]

بالتوفيق الله يرزقك من فضله

[قرناس شماالي]

يالغالي وصفك يقول قرناسه ويقول مسح الريضان
لاكن رح للمكان ودربل وان شاءالله تكون شيهانه ومن نصيبك

[عواد الشمري2]

على وصفك انه اامسح الريضان جنحانه شهب وبطنه ابيض هدااا والله اعلم مهو طير حر

[xابوماجدx]

الله يعطيكم العافيه جميعآ وبكره باذن الله بشوف هل هو في موقعه او غادر المنطقه

لان المنطقه خطيره وكلها قذائف ولا نقدر نطرد الصقر بالسياره لازم على الارجل

[العاتق]

ونا خوك على رجلك ما ينفع الطير بيعطيك ظهره ويطير ولكن ابعطيك طريقه سهله بس مجهده لطالما ما تقدر تستخدم السياره والدعوه كلها على رجلك خذلك حول اربع او خمس حمام مشبوكات واحذف كل حمامه مشبوكه في جهه خلي مابين كل حمامه واختها مسافة 200 متر او اكثر احذفهم الفجر بدري قبل طلوع الفجر وابعد عن المنطقه نهائيا وبعد الشروق شيك عليهم من بعيد بالدربيل اذا ما عاينتها غيب عنها حول ساعه وارجع دربل على الحمام خلك على هذا الحال لين الساعه 10 او 11 الصبح بعد كذا المساء من الساعه 3 حتى وقت الغروب وان شاء الله يجعلها من نصيبك وتجيها مشبوكه من اول ساعه يارب ياكريم... الطير اعتقد انه قرناس يمكن يكون حر او شيهانه بحريه والله اعلم

[xابوماجدx]

ونا خوك على رجلك ما ينفع الطير بيعطيك ظهره ويطير ولكن ابعطيك طريقه سهله بس مجهده لطالما ما تقدر تستخدم السياره والدعوه كلها على رجلك خذلك حول اربع او خمس حمام مشبوكات واحذف كل حمامه مشبوكه في جهه خلي مابين كل حمامه واختها مسافة 200 متر او اكثر احذفهم الفجر بدري قبل طلوع الفجر وابعد عن المنطقه نهائيا وبعد الشروق شيك عليهم من بعيد بالدربيل اذا ما عاينتها غيب عنها حول ساعه وارجع دربل على الحمام خلك على هذا الحال لين الساعه 10 او 11 الصبح بعد كذا المساء من الساعه 3 حتى وقت الغروب وان شاء الله يجعلها من نصيبك وتجيها مشبوكه من اول ساعه يارب ياكريم... الطير اعتقد انه قرناس يمكن يكون حر او شيهانه بحريه والله اعلم


بيض الله وجهك يالامير

[xابوماجدx]

ياخوان جزاكم الله خير

هل الصقر يصيد البومه

الي امس شفته صيدته بومه

وخوياي الي راكبين في الغماره وشافوه زين يقولون الي يطردها بومه


انا والله استغرب ماعمري سمعت ان الصقر يصيد البومه

اتمنى القى جواب عند الصقاره

[حمود الصعيبي]

الصقريصيد البومه لكن انت قريب الرياض بنبان وضواحيها

[xابوماجدx]

الصقريصيد البومه لكن انت قريب الرياض بنبان وضواحيها

لاوالله يالغالي
انا في جدة