الفرق بين كفرات بالون (( ما كسس أو سيام تير ))

[1711]

السلام عليكم ورحمة الله وبركاته

أخواني ودي أسأل عن الفرق ما بين كفرات سيام تير 900 و بالون ماكسس 900

[مكشآتي للآخر]

افضل السيم تآير --- وانا لو ينزل من السيام تاير 17 كان اخذته وانا مغمض
إعرف لك واحد حك كليبرات موترة بس عشان يركب سيم تآير

[التعـ King ـديل]

السيام تاير اعرض من الماكسس وصناعته تايلندي كفر حلو وعملي ويعتبر الاجود والاغلا بالسوق سعره الان يترواح مابين 750 - 800 حسب المحل والعدد

الماكسس كفر اعتبره الافضل عمليا وسعره رخيص مقارنه بالكفرات الثانيه يجي صناعه فيتناميه الان يعتبر كفري المفضل سعره الان مابي 460 - 500 حسب المحل والعدد

ميزه الماكسس ان الترصيص الارضي يضبط عليه علطول انا مركب سيام تاير الان ومرصص ارضي مرتين ولحد الان ماراحت الرجه مع العلم نفس الجنوط كنت مركب عليها ماكسس

ولولا الحسوفه على قيمه السيام ولا كان بعته وطقيت جديد ماكسس ولكن بخسر فيه لذلك خله لين ينتهي واغيره ماكسس حبيب القلب

[تميم2222]

السيااام باهلزمن احسن .. بصراحه اول كانت مكسس مناسبه لكن الدفعات الاخيره منها .. دجه وتفقع على طووول هذا من واقع تجربه شخصيه مشكله السيام تضلع اول ما تمشي لكن تعد اقوى من الماكسس

[1711]

يعطيكم العافيه كل من رد على موضوعي ومشكلتي أني شريت موتر باترول 99 بخاخ عليه سيام تير 900 نظيفه بس الموتر ثقيل وكل من رحت يمه قال من الكفرات أنها ثقيله وعلى حسب كلامهم أن الكفر من سيام تير يعادل ثقل تقريبا كفرين أو 3 من الماكسس لأن موتري يالله يجيب 140-150

[mmal]

كلام سليم ميه بالميه السيام افضل من اي بالون ثاني افضل من الهيرو وافضل من الماكسس لكن فيه مشكلة الثقل واذا بغيت تحرك الموتر اول ماتمشي تضولع لك شوي لك كد ومد والله لو تشوف مضارب الحجره على جوانبه ولياصار مطراد بالحجره يمينك ويسارك بناشر وانت مرتاح مع ستر الله .
اقول كانهن انضاف اصبر عليهن وهاذي والله نصيحة اخو ولا بعنياهن كانهن جدد انا شراي
وهذا رقمي بعد اذن الاداره
0564106606

[الصحافة 15]

ما يمدحون المكسس الفتنامي الي له تجربه فعليه يعطينا خبر عنها

[ابوعبدالله 22]

الماكسس الموجود الان تايلندي وليس فيتنامي

[S U L I M A N]

بالنسبة لي
عن تجربه من عام 2003
الى الآن
الماكسس ممتاز جداً
من ناحية السعر والشكل
وقابليته للترصيص

[YUKON_GMC]

الماكسس قبل سنه وهو صناعه تايلندي البالون والعادي كان تغير فيتنامي السنه هذي يمكن

بالنسبه للثقل ماهي من الكفرات ولو جربت كفرات عاديه ستجد نفس النتيجه

المشكله من عزم الموتر نفسه

[باترولي]

السيام ثقل ثقل مو طبيعي. وثقل في الدرقسون. وغير كذا اوكي

[1711]

أشكر جميع من رد وأفادنا بيض الله وجيهكم لاكن إلى هالحين محتار أبيع السيام تير وآخذ ماكسس ولا أصبر عليهن وعلى ثقلهن

[بوعبدالعزيز84]

نصيحة خلك على السيام لين ينمسح وترا هو اطول عمر من كفرات البالون الثانيه

[خشم الحيد]

السلام عليكم انا من تاريخ 2004 وأركب ماكسس كل سنه طقمين وماشية معاي بدون مشاكل والغريبه قبل اسبوعين قبل اجازة العيد ركبت طقم 6 كفرات وقنصت عليها اربع ايام فقط وضرب علي 2 من السته و2 بناشر يعني اربع كرات راحت علما بأن تاريخ الأنتاج جديد اخر 2010 والصناعة تايلندي والكفر مركبه ب480 ريال هذي من واقع تجربه صارت لي وشكرا

[دانكن]

الماكسس من صار تايلندي وهو ماينفع بريال ..

[Saudi ARB]

أخوي كل ماصار البالون خفيف كل ماصار أحسن للسيارة .. أنا جربت ماكسس ومن أفضضل مايكون حتى وهو متسحل أسافر عليه لأن عمره ترا بـ الكثير 8 او 9 شهور على حسب إستخدامك .. وإذا تبي نصيحه نصيحه إذا أنت مو راعي طلعات للبر أسبوعيـا وتقنص وتروح عليهم وتجي لاتاخذهم ترا يعدمن المووتر من واقع تجربه .. بالتوفيق