ماطور ياماطور

[بعد النقطه]

السلام عليكم

ياشباب ابي اشتري ماطور استخدامي خفيف راح يكون لطلعات فقط ما راح اسعمله في مخيم او ما شابه ذالك

طلعات الثمامه طلعات البر التخييم الخفيف يعني انوار عقود لابتوب تلفزيون شغلات زي كذا

ولقيت انواع كثيره بس الف واط على ماطور وش بتسوي لاني ابي اشبك عليه الغلايه لاكن ما فيه وقت مثلا والغلايه 2200 واط


لقيت نوع اعجبني 2500 واط ياسلام سلم اخذ راحتي فيه
وسعره 1200 ريال ياسلام سلم

بس المشكله 1- صني 2- بدون ضمان

هاذي الصور له فيه نوعين احمر واصفر كلها نفس السعر الواط

http://dc15.arabsh.com/i/03568/qbs6fktsqibv.jpg
http://dc15.arabsh.com/i/03568/2i1cbw4efndl.jpghttp://dc15.arabsh.com/i/03568/julmjm12w61n.jpghttp://dc15.arabsh.com/i/03568/dbmkqzirk4sz.jpg

[الزبيرة96]

حياك الله اخووي الغالي
الصيني مشاكله واجد وقليل اللي يصبر اذا كان ناووي ماطور لك وللزمن خذلك روبن او اي ماطور ياباني يكون فووق استخدامك للاحتياط ونصيحتي تاخذ هوندا كاتم صوت 1000 او 2000 زي الحلاوه وخفيف وحبيب
اتمنى اني افتك بالقليل واي خدمه انا حاضر
دمت بحفظ الله

[البرحه]

اذا كان استخدامك خفيف كما ذكرت

فيه نوع اذكره بس مادري موجود في السوق أو لا .. ابحث عنه في شارع الريل في الغرابي

هوندا ياباني كاتم للصوت .. والظاهر قوته 1000 وات

اما الصيني فما اعرف عنه شي .. اعرف النوعية الصغيرة اللي انتشرت ب 300 ريال جربناه ما ينفع بريال

[بعد النقطه]

هوندا لقيته 1500 ريال

1100 واط

والله الضاهر اني بشتريه

بس ودي 2500 واط بس الضاهر انحاش عنه افضل من شكله احس انه ماش

[الزبيرة96]

لاتستعجل وانا اخووك هذا شكله هندي الهونداا
برسلك رقمي على الخاص اذا عندك استفسار عندي اشوي معلومات
اتمنى لك التوفيق

[GMC79]

امس كنت بشارع السبالة ولقيت ماطور هوندا 2200 ب1950 ريال وحجمة صغبير اتوقع يناسبك

[بعد النقطه]

بالله شارع السباله هذا وينه عزجت اعرفه

[ابو هلا2222]

لاتستعجل وانا اخووك هذا شكله هندي الهونداا
برسلك رقمي على الخاص اذا عندك استفسار عندي اشوي معلومات
اتمنى لك التوفيق

للمعلومه مواطير هوندا الان كلها تجمع بالهند. وجودتها مثل اول هذا كلام الوكيل عبدالله هاشم

فيه ماطور هوندا 650 شمعه شنطه وخفيف وعملي شاريه من الوكيل 1240 ريال

وكاتم للصوت

[من حايل]

عندي روبن اصفر ياباني جديد 2400 وات ماشتغل الا ربع ساعه للتجربه فقط وانا موجود بالرياض

اذا يناسبك اعطيك رقمي

[GMC79]

بالله شارع السباله هذا وينه عزجت اعرفه

معليش اقصد شارع الريل

[الى متى؟]

سلام اخوي عندي لك نصيحه خذ ما طور روبن اصلي 2400 واط شمعه

بس روبن الاصلي

انتبه من روبن سوبارو ابو رفسه

واذا انت تدول الزين الغالي ينمار ديزل من واقع خبره على مدار السنه في البر

[بعد النقطه]

مشكورين ما قصرتو صراحه

رحت السنيدي لقيت محول كهرب كبير كبير المركا الاشوي 2000 واط

ما توقعت فيه محول يوصل الي الفين سعره 940 ريال بصوره ان شاء الله وبيجبه لكم في موضوع مستقل

[AROO]

اخوي ابعد عن الصيني ما فيه خير شرينا انا والشباب ثلاث امات 300 وكلها شهر بالكثير وتضرب
روح خذلك هوندا بكاتم اخذنها قبل 5 سنين واخر حلاة ما غير نغير زيت وبوجي
هوندا الف بكاتم صوت 1200 من جدة سوق الصواريخ
بس خذ الياباني الاصلي



لكن اخوي حذاري تغلط الغلطة اللي غلطناها انا و وزملائي

حنا كنا نشغل الماطور على لمبة وحدة ولا ثنتين اللين على ما يقولون طاح عزمة وصار ما يشغل اي لمبة
مع العلم اننا قبل ما كذا شغلنا على نفس المطور ثمان لمبات وتلفزيون وريسيفر وما قال شي
ومثل ما علمك بعد كذا ما صار يشغل اي لمبة وروحنا لمكنيكي وقالنا ان يبغاله كذا كذا وكذا وقطع شوي زيادة
وسألنا ليش قال
كل المواطير الجديدة على حامي فاذا زاد الضغط علية من باب الحماية يطفي
لكن انكم تشغلون الما طور على لمبة وحدة هذا يعدم الماطور ويقلل من نشطاه
انت شف حد الماطور لو تزود اللمبات الى حده وتجنب ان يضعف معاك
اسف ع الاطالة
دمت بود

[tabtab055]

الهوندا الياباني الافضل الى الان ..............طبعا بنزين

[ذابل الريق]

انتبه. انتبه. انتبه.
تاخذ الصيني تراه استخدام واحد خذلك روبن لك وللزمن ياباني ياباني

[web]

السلام عليكم

اخي هي توافيق من الله
انا شريت هاوندا جلس فتره وطلع البستم مع جنبه ههههه
لاتقارن بالصيني ابو ٣٠٠ لان هذا يخلط الزيت بالبنزين ومشاكله واجد
انا خذيت من ساكو نفس الاصفر المعروض
له اكثر من ثلاث سنوات شغال زي الحلاوة بس بشرط قبل تشغل تشيك على زيوته كل مره تشغله فيها لازم تشيك

[V I P]

ممكن وصف المحل الي فيه الماطور

http://dc15.arabsh.com/i/03568/dbmkqzirk4sz.jpg