راعي العجراء ومقناص الارنب والسلقه

[راعي العجراء]

السلام عليكم ورحمة الله وبركاته
اليكم هذه السالفه القديمه عام 1397 هــ تقريبا
في مقناص الارانب بالسلقه
وهذه السالفه ادري انها سويليفه وماكل بيضا شحمه
بس الجود من الماجود ماودنا نقطع عنكم
تحملونا
في يوم من الايام طلعنا نقنص ارنب في الليل و سلاحنا شوزن ام خمس من نوع سلقه
عزكم الله يعني مايحتاج لها فشق وكان علينا برد ركبنا بالددتسن وقمنا نعس الشغايا
لعل تنفج قدامنا ارنب نهد علاها الشوزن السلقه
انا كنت راكب بالصندوق ومعي السلقه واثنين من اخوياي واحد يسوق واحد راكب على الباب
والصندوق فيه عفش جوالين ماء وبانزين واغراض الرحله ومسوي مكان زين بالصندوق
يشيلني انا والسلقه
ولكن الجو بارد وعلي فروه ومتلطم بشماغ ماتشوف الا عيوني السلقه حست بالرد
دورت لها مكان زين وربضت وحطت راسه حدر بطنه ونومه (شخري) وخذ من الحلوم والهواجيس الظاهر فتحت له مشاريع وقفلت مشاريع حست بالدفى
اشوي يوم نفجت الارنب قدامنا وانا اشيل السلقه وهي على نومتها وعلى سفطة رجليها وايديها وراسها اللي تحت بطنها وانا من العجله قبل ماتزبن الارنب الضلع وانا احلت السلقه من الصندوق وهي على نومتها مايمديها تفتح تتوسى للطيحه الا الارض اقرب وهي تطيح على قعوه يعني على العصعص والارض وعر وهي تصاوي متدري ويش اللي جاه عقب الدفى كسر عصعص وهي تخالفنا ناكسه وحنا خلف الارنب يح مايح ولاماعندنا احد راحت تركض من الوجع على غير يمه وعلى غير فكر والظاهر انا الى الحين وهي تركض
وتزبن الارنب الضلع ونرجع ندور على سلقتنا ولا نلقاه وخذ من هالدوران والتصويت
وما عندنا احد يمكن تكون تحت قشعه ولاشفتنا استدارت عنا ماعاد تبينا واحس انها تقول وحلالاه يالفكس والا ابو فاس تبي تتدهن محل الطيحه
وحنا ندور ندور عليها نغني ونقول
طيري غدا والسلوقي تعور
انتهت السالفه والله يحفظ الجميع
وقبل الختام
سبحانك اللهم وبحمدك لااله الاانت استغفرك واتوب اليك
تحيات
اخيكم راعي العجراء
منتدى مكشات

[ابوسعودد]

مبدع كعادتك طال عمرك وكل عام وانت بخير

[ناصر العلي]

وعليكم السلام ورحمة الله وبركاته
سلط الله على بليسك على هالسالفة
ياأخي حرام عليك ويش سويت بهالبهيمة
حشا رمي شبك صيد:D
السيارة وهي سيارة يخلونة تحتمي شوي عند التشغيل
فكس وإلا أبوفاس هاه
والله لو تلهم خيشة رشاد وحلبة مافاده
برد...وطيحة على قاع...وسيارة تمشي...ونايمة
العصعص جاوب
مشكور يالغالي على هالسالفة الممتعة

[الحر503]

مبدع دائما بسواليفك,,,, بس تستاهولن ماجاكم هههه

[سليمان الربيعان]

ههههههه انتبه لا تدري عنك حقوق الحيوان ويجون يحاكمونك
والدنيا دروس ومواعظ والسلقة وش صار علية
الله يرحم الحال ... نتظر جديدك من السواليف الرائعة
تقبل تحياتي....

[سراي اليل]

ههههههههههههههههههههههه ياحول ياسلقه رحمته المشكله نيمه

[راعي العجراء]

مبدع كعادتك طال عمرك وكل عام وانت بخير



هلا وغلا يابو سعود د
وانت بخير وصحه وسلامه وشلون شيبانك عساهم بخير
بارك الله فيك

[أَبوابراهيم]

هههههههههههههههههه

اسعدكم ربي .. بس وراك شفرت الباقي ماقلتلنا وش سولك اخوياك بعد سواتك :D

[راعي العجراء]

وعليكم السلام ورحمة الله وبركاته



سلط الله على بليسك على هالسالفة
السيارة وهي سيارة يخلونة تحتمي شوي عند التشغيل
فكس وإلا أبوفاس هاه
والله لو تلهم خيشة رشاد وحلبة مافاده
برد...وطيحة على قاع...وسيارة تمشي...ونايمة
العصعص جاوب


مشكور يالغالي على هالسالفة الممتعة


هلابك يابوعلي والله يمسيك بالخير
اشكرك على مداخلتك
ياأخي حرام عليك ويش سويت بهالبهيمة
حشا رمي شبك صيد:D
يااخي وهي ماتدري وشهوله شايلينه يوم تنام
محبة فيها والاغلا
ماشلناها الا لوقت حاجتها
نبيها للارنب واخر شي تدبخه نومه يااخي ماصارت سلقة صيد
صارت سلقة نوم لو اشوفه ومعها قارورة فكس اخذته منها وكبيته
تقبل تحياتي

[راعي العجراء]

مبدع دائما بسواليفك,,,, بس تستاهولن ماجاكم هههه

هلا بك يالحر
الابداع انتم اهله
والحمد لله حنا ماجانا شي بس هي كانها عايشه الى الحين
فهي تمشي مثل سرطان البحر على جنب منكسر به مسمار السنتر
تحياتي

[راعي العجراء]

ههههههه انتبه لا تدري عنك حقوق الحيوان ويجون يحاكمونك

الله يرحم الحال ... نتظر جديدك من السواليف الرائعة

تقبل تحياتي....


هلابك يابور بيعان والله يمسيك بالخير
هين ماتهم حقوق الحيوان
الله سبحانه وتعالى يدري عنا
اسأله تعالى ان يتجاوز عنا ويغفر لنا
والدنيا دروس ومواعظ والسلقة وش صار علية
السلقه الى الحين وهي تركض

[راعي العجراء]

ههههههههههههههههههههههه ياحول ياسلقه رحمته المشكله نيمه

يحول ياحنا اللي طول الليل وحنا ندورها

[راعي العجراء]

هههههههههههههههههه

اسعدكم ربي .. بس وراك شفرت الباقي ماقلتلنا وش سولك اخوياك بعد سواتك :D

وانت اسعد واسعد
ربعي الى الحين مايدرون عني طول الوقت ماعلمتهم بطريقة تنزيل السلقه
اخاف يهاوشني راعيها ذيك الليله
الا حنا اللي فشلناه
طول الوقت وهو يمدح به
السلقه والسلقه وقلنا له ماعندك سالفه لانت ولاسلقك

[المخبر]

ههههههههههههههههههههههه

راعي العجراء

الله يسعدك بالدنيا والاخره

مستحيل تروح علي قصه من قصصك الجميله

سلمت الايادي يالذيب

[راعي العجراء]

ههههههههههههههههههههههه

راعي العجراء

الله يسعدك بالدنيا والاخره

مستحيل تروح علي قصه من قصصك الجميله

سلمت الايادي يالذيب

هلا والف من غلا يالمخبر
بس تكفى لاتخبر راعي السلقه بطريقه تنزيلها مع مخرج الطواري
والحمدلله ان سواليفي تعجبك هذا مايسرني
والمعذره على القصور

[محمد الظاهري]

الله عليك يا راعي العجرا
دائماً مبدع وقصصك جميله
وكل يوم تتحفنا في جديدك في حياتك الجميله
اهنيك من كل قلبي
تحياتي وودي
اخوك

[ناصر القريني]

مشكووووور والله يعينكم

[النبهاني]

وعليكم السلام ورحمة الله وبركاته
راعي العجراء يا هلا ويا مرحبا
يا اخي كل ما أشوف هالتاريخ أعيش حياة ثانيه
هذا العقد من التاريخ فيه أشياء وأشيا خاصة آخره والذي يليه
يعرفها كل من مر على هذا العقد
بعدين وش حظ هالسلقه الأقشر اللي جابك معه بالحوض وخلاك تبزخ به وهي تشخر
مسكينه قبل ما تواسى الا الأرض أقرب
حسبي الله على أبليسك
مشكور ولا تكفي هالكلمه لك

[خوي مخباته]

هلا وسهـــلا اخونـــا " راعي العجـــــراء "
والله ماهي عوايد الســـــــلق بالعـــــــــــاده الى انا خــــــــابـره ان الســـــــــلق ترفع ايــدينهــا على حـــافت الحوض وراســــــه فوق التــــنـــــدة وتشوف اذانهـــــــا تومي مع صفق الهـــواء تقل تفافيخ منســــمه مابهـــــــا
هــووووووواء لكن ســــــلقتكـــم فيــــها بـــــــلاء يمكـــــــن تكــــوون وجعـــانــــــــــه !!!!!! والا
مجهــديــــــــنه قـــبل .....{ اوووولاء }
مشكوووووووووووووووووووووووووو على الســـــــــــالفـــه واخذنــــامعهـــــا سجـــــــات وذكـــرتنــــا ايام
القنص والطـــــــــردي .
............................. تحيــــــــــــــــــاتـــــــــــــــــــي ............................ لك

[رعد الدلم]

ارحب ارحب ارحب ارحب تراحيب المطر ياراعي العجراء

هلا ومرحبا مليون بالغالي راعي العجراء

كما عهدناك قصة اجمل واروع وتشويق اكثر ومع المبدع

راعي العجراء تسلم والله على هذي السواليف ويالله تراني انتظر جديدك

[بندر الشريف]

هههههههه
والله ياللي حصلك حصلي منذو زمن بعيد ياراعي العجراء
أنت شلت السلقة ورميتها وطاحت على حصى
لكن سلقتنا يوم شلتها ورميتها طاحت في شجرة سمرة
وعودنا عليها نطلع منها الشوك وتعرف شوك السمرة قاسي ويابس والأرنب زبنت والعوض على الله
الله يعطيك العافية دائما أستمتع بسواليفك الرائعة بارك الله فيك

أخوك / بندر الشريف

[راعي العجراء]

الله عليك يا راعي العجرا

دائماً مبدع وقصصك جميله
وكل يوم تتحفنا في جديدك في حياتك الجميله
اهنيك من كل قلبي
تحياتي وودي

اخوك


هلابك يامشرفنا الغالي
اسعد الله اوقاتك بالمسرات
نحن نمشي على اثرك في الابداع
دائم نستمتع بسواليفك والمنتقاه من الموروث الشعبي
اشكرك على حضورك
وتقبل تحياتي

[راعي العجراء]

مشكووووور والله يعينكم

ياهلابك يااخي الغالي شرفت وونست
الله يعطيك العافيه

[راعي العجراء]

وعليكم السلام ورحمة الله وبركاته

راعي العجراء يا هلا ويا مرحبا
يا اخي كل ما أشوف هالتاريخ أعيش حياة ثانيه
هذا العقد من التاريخ فيه أشياء وأشيا خاصة آخره والذي يليه
يعرفها كل من مر على هذا العقد
بعدين وش حظ هالسلقه الأقشر اللي جابك معه بالحوض وخلاك تبزخ به وهي تشخر
مسكينه قبل ما تواسى الا الأرض أقرب
حسبي الله على أبليسك
مشكور ولا تكفي هالكلمه لك



هلابك يالنبهاني
والله يمسيك ويصبحك بالخير
هذا التاريخ فيه عنفوان الشباب والمغامرات الشبابيه
بس قلي وش عنفون الشباب تراي كتبته وانا ماعرف معناه
اسمع الناس يقولونه ولا ادري وش المقصود (بس جازتلي وكتبته )
الا انا المقيريد اللي راكب بالصندوق في البرد وراعيها متكي على الباب ومقفل القزاز
بس عنك والله ماخذ منا الا الفشيله بالطنازه
اشكرك على حضورك يالنبهاني

[ولد روووق]

ههههههههههههههههههههههه مشكور

[تلميذ]

اهلا ياراعي العجراء
دوما تصعب عليك الاموروهي سهله
وساسميك رجل اللحظات الصعبه والمحرجه
حقيقه اشعر ان الكتابه لديك كا الهوا الذي تستنشقه
فاستمر وانفض لنا بما في جعبتك ودعنا ننشاركك بعض من الهوا النقي بنقاء نفسك
اشعر بالاسئ انه ليس هناك تصوير فيديو في ذلك الوقت
لانك لو صورت كل مغامراتك ووضعتها في اليوتوب لاكتسحت الموقع
ولكنت انت الاول بلا منازع فمغامرتك عجيبه وفريده من نوعها


http://www.alsakher.com/vb2/images/smilies/sudilol.gif

[راعي العجراء]

هلا وسهـــلا اخونـــا " راعي العجـــــراء "

والله ماهي عوايد الســـــــلق بالعـــــــــــاده الى انا خــــــــابـره ان الســـــــــلق ترفع ايــدينهــا على حـــافت الحوض وراســــــه فوق التــــنـــــدة وتشوف اذانهـــــــا تومي مع صفق الهـــواء تقل تفافيخ منســــمه مابهـــــــا
هــووووووواء لكن ســــــلقتكـــم فيــــها بـــــــلاء يمكـــــــن تكــــوون وجعـــانــــــــــه !!!!!! والا
مجهــديــــــــنه قـــبل .....{ اوووولاء }
مشكوووووووووووووووووووووووووو على الســـــــــــالفـــه واخذنــــامعهـــــا سجـــــــات وذكـــرتنــــا ايام
القنص والطـــــــــردي .

............................. تحيــــــــــــــــــاتـــــــــــــــــــي ............................ لك


هلابك يااخي الغالي خوي مخباته
اشكرك على دخولك الطيب ياطيب
وعوايدك الطيب ياراعي الطيب
والسلق ماهي مثل بعض اللي تاقف على حافة الصندوق واللي يدينها على الغماره
والبعض منهن تجلس على الكبوت وتمسك بالانتل حتى تشوف الارنب قبل السواق من حرصه
بس هذه السلقه الظاهر فيها مرض النيوكسل اللي يصيب الدجاج
كمخة قاضيه والله ماتدري وش السنع بس حقه وماجه
اشكرك يااخي الغالي
وتقبل تحياتي

[راعي العجراء]

ارحب ارحب ارحب ارحب تراحيب المطر ياراعي العجراء

هلا ومرحبا مليون بالغالي راعي العجراء

كما عهدناك قصة اجمل واروع وتشويق اكثر ومع المبدع

راعي العجراء تسلم والله على هذي السواليف ويالله تراني انتظر جديدك



هلا ثم هلا من الصمان للدهناء
ومرحبا الفــــــــــــــــــــــ1000ــــــــــــــــــــ
ومن قال سالم وغانم واعجابك محل تقديري
وابتسامتك عنوان مواضيعي كلها
الله يستر عليك يارعد الدلم
وياهلا وغلا

[هاوي عبث]

هلا والله وغلا بالنسيب اخبارك واخبار منيفه
عسى مابهذلتكم عقب فرقاي بشرها تراي
تحسنت وطبت والحمد لله ورجعت لكم سالم غانم
اها للحين لها نظر ولا هونت مالها في العليل
وتسلم على ها القصة الطيبه مبدع ياخوي ومافيك حيله

[alrsash911]

وانا اشيل السلقه وهي على نومتها وعلى سفطة رجليها وايديها وراسها اللي تحت بطنها وانا من العجله قبل ماتزبن الارنب الضلع وانا احلت السلقه من الصندوق

ههههههههههه ياشيخ حرمت الصيد

الله يسعدك

[راعي العجراء]

هههههههه

والله ياللي حصلك حصلي منذو زمن بعيد ياراعي العجراء
أنت شلت السلقة ورميتها وطاحت على حصى
لكن سلقتنا يوم شلتها ورميتها طاحت في شجرة سمرة
وعودنا عليها نطلع منها الشوك وتعرف شوك السمرة قاسي ويابس والأرنب زبنت والعوض على الله
الله يعطيك العافية دائما أستمتع بسواليفك الرائعة بارك الله فيك


أخوك / بندر الشريف



هلابك يابندر الشريف
اشكرك على مداخلتك بمثل هذه السالفه
والسلق واجد والفعل يختلف
وياليتي جادعها بوسط سدره اللي هذا فعوله
اجل تنام وحنا في مقناص
تقبل تحياتي

[مكشاتي بقيق]

بارك الله فيك

[راعي العجراء]

بارك الله فيك


اشكرك على حضورك بارك الله فيك
تحيتي

[راعي العجراء]

ههههههههههههههههههههههه مشكور

هلا وغلا يا ولد روق تشرفت في حضورك
تحيتي لك

[راعي العجراء]

اهلا ياراعي العجراء

دوما تصعب عليك الاموروهي سهله
وساسميك رجل اللحظات الصعبه والمحرجه
حقيقه اشعر ان الكتابه لديك كا الهوا الذي تستنشقه
فاستمر وانفض لنا بما في جعبتك ودعنا ننشاركك بعض من الهوا النقي بنقاء نفسك
اشعر بالاسئ انه ليس هناك تصوير فيديو في ذلك الوقت
لانك لو صورت كل مغامراتك ووضعتها في اليوتوب لاكتسحت الموقع
ولكنت انت الاول بلا منازع فمغامرتك عجيبه وفريده من نوعها



http://www.alsakher.com/vb2/images/smilies/sudilol.gif


هلابك يااخي الغالي تلميذ
حضورك دائم مميز بجمال ردك
اقف حائرا بماذا ارد عليك
ولكن اقول
جزاك الله خير ياتلميذ فهي تغني عن كل الردود
دمت بخير وعافيه يالغالي

[راعي العجراء]

هلا والله وغلا بالنسيب اخبارك واخبار منيفه

عسى مابهذلتكم عقب فرقاي بشرها تراي
تحسنت وطبت والحمد لله ورجعت لكم سالم غانم
اها للحين لها نظر ولا هونت مالها في العليل

وتسلم على ها القصة الطيبه مبدع ياخوي ومافيك حيله


هلا وغلا ومليون غلا و مليار هلا وسهلا في الغالي هاوي عبث
والحمد لله على السلامه
وينك يارجل عسى ماخلاف اشتقنالك يالغلا
هلا بخطيب عمتي منيفه ياهي عمتي تبكي عليك عقب ماانقطعت عنها
ماهنا رجم مارقت له ماغير تصيح ليل ونهار
الهال تركها والنبهاني قال ابا اشوفها يوم شافها هج حتى عن الديره
واليوم الا مل بالله ثم بك لاتكسر خاطرها وخاطر عوالها السبعه اليتمان خذ الاجر فيهم
تفكى ياهاوي عبث الله لايحرمك الاجر
فكني منها وريح راسي من الصياح

[ذئب الدهناء]

سالفه ممتازه ...........شكرا اخي راعي العجراء

[الدافور 1430]

مبدع دائما بسواليفك

يعطيك الف عافية

[النجم السراي]

ههههههه ماشاء الله يازين سواليفك

[محمد الدوسري ٢٠٥]

مبدع كعادتك

[رعد الدلم]

هلا ثم هلا من الصمان للدهناء

ومرحبا الفــــــــــــــــــــــ1000ــــــــــــــــــــ
ومن قال سالم وغانم واعجابك محل تقديري
وابتسامتك عنوان مواضيعي كلها
الله يستر عليك يارعد الدلم

وياهلا وغلا



وياك يالغالي والى الامام يامبدع :good2::good2::good2::good2:

[Al3rands]

ياحووول تصدق رحمت هالسلقه

[قوافي ( أم نهار )]

حياك الله اخوي
ضاعت السلقه والارانب ليله منحوسه
كني سمعت ان فيه سلقه ضايعه غيرت جنسيتها من سلقة صيد لكلب رعي لاتصير سلقتكم..
حفظك الله اخي الكريم دون مبالغه اجد فيما تسطر لنا من ذكرياتك الجميله ما يمتع ويسر.دمت بحفظ الله
تحياتي.اختك
..قوافي..

[راعي العجراء]

السلام عليكم ورحمة الله وبركاته
اشكركم على ردودكم الطيبه لهذه السالفه
واسف على هذا الرد الجماعي
فالردود كثيره والكنابه بطيئه وانتم خير من يقدر ذلك
فالشيبان مافيهم حيله ولاحتى بالكوي في سسته دينا
تحياتي للجميع

[حربي2000]

ههههههههههههههههههههههههههههههه
عجزت عن شكرك استاذي القدير
راعي العجراء لكن لا اقول الا
اسكنك الله فسيح جناته
تحياتي...

[قتال الجنوب]

ههههههههههه