صدر قرار جديد يمنع استيراد قطع غيار السيارات من الخارج ..

[دل البحار]

أصدر قرار يقضي بعدم استيراد اي قطع غيار مستعمل من خارج المملكه
وأقتصر فقط
1-على المحركات
2-الناقل الحركه الجير بوكس
3-والدفرنس فقط
على أن تكون محركات مجدده وأرفاق ما يثبت انها مجدده تبان للشاري وتكون بارزه ومصادق عليها من جهتها على الكشف عليها ونظافتها للزبون وما عدا ذلك فتم منعه نهائيا
يعني اصحاب شارع الثمانين في جده وعمالقة سوق المستعمل من الاجانب في الباي باي
لأن أسعارهم فيها سلخ على غير مله
....تحياتي للجميع

[يكفيني نظرة]

بالعكس عندنا بالرياض اشتريت نور جي اكس ار 2010 ب 700 ريال من حقين المستعمل بالصناعية القديمه اما الجديد ب 3300 ؟؟؟؟ سلامااااات فرق سعر لكن حسبنا الله ونعم الوكيل..

[ساهر]

الله يعين

كل الي يحتاج قطع غيار مستعمله من الطبقه المتوسطه والفقيره

القرار بصالح اصحاب الوكالات

والاكيد قطع الغيار بترتفع اسعارها والسيارات يرتفع اسعارها

[دل البحار]

يكفيني نظره
تاخذها من المحلات ب 700 ريال
لكن من التشليح معروف ارخص يمكن تطللع عليك ب500 ريال
انا شريت مكينة شبح من التشليح ب4800 ريال
من محلات شارع الثمانين عارضينها ب7500 ريال من غير تركيب مع الرجيع
بعدين غلب محلات قطع الغيار الجديده معروف اتبيعك الاصلي الوكاله تعطيك سلعه وتقلك أنها أصلي وهي بالاساس شركه ماهي الشركه الام
مثلاَ قطع غيار بوش بالنسبه للمرسيدس يقولون اصلي وهي ليست الاصلي فالاصلي معروف انه مرسيدس وليس شركة بوش ولكن منتج بوش لا بأس به ممتاز ويأدي الغرض ولكن يفرق عن الاصلي بكثير
والمشكله طلعت خرانه وحقت الصناعيه ممتازه ولا فيها اي عيوب
هذا قصدي

[دل البحار]

الله يعين

كل الي يحتاج قطع غيار مستعمله من الطبقه المتوسطه والفقيره

القرار بصالح اصحاب الوكالات

والاكيد قطع الغيار بترتفع اسعارها والسيارات يرتفع اسعارها




نعم نعم بترتفع اسعار قطع الغياربشكل فضيع وهو ماتوقعته الاقتصاديه والمضحك في الامرأنهم يقولون ان وزارة التجاره بدأت في الترصد لمن يقوم برفع الاسعار عن المعتاد قبل الحظر
بالرغم انه بعض المحلات سعرها يفرق عن بعض بما قيمته 100 ريال لنفس السلعه قبل القرار ،ثم ن بداء لك القرار الجديد يبين لنا التلاعب بالاسعار
وكل واحد يفتي لك من راسه حيث أن أ التقرير أوضح ان بما نسبته 98 % من تجارمحلات قطع غير سعوديين

[عبقري91]

الله يستر ----من جد مصخره -----لا وحقين التشاليح الحاير بيقعد ---يشووووف نفسه


طيب ماكداحد اشتكا ولا قدصارت مشكه ليه يحرثون عن المشاكل

[YUKON_GMC]

وليه يمنعونهم - يبون يكبرون بطن الحمراني وابوجميل ويفلسون مخبات المواطن

[saad_path]

مأقول الا ( حسبي الله ونعم الوكيل )

[حزوبر]

والله أسعار قطع الغيار تبي تحلق فووووووووووووق

[ذيب عالية نجد]

لاوالله اللي كثرت سرقات السيارات خصوصا الجديده
يعني اسرق وقصص السياره وتكون السياره أثرا بعد عين

[ناصر 1]

وين مكافحة الفساد!!!

هذا هو الفساد براسه وأذانيه

[دل البحار]

وين مكافحة الفساد!!!

هذا هو الفساد براسه وأذانيه

مكافحة الفساد ؟؟؟؟؟؟؟؟
الله يضيح عليهم كما أضاح على غيرهم وكانوا بالملائيين يلعبون بلامانات يستهزيئون
والآن في السجون يقبعون . مكانهم الطبيعي وأشكالهم
الله يمهل ولا يهمل