المساعد الشخصي الرقمي

مشاهدة النسخة كاملة : ماهو افضل قرف ؟


كبير النواخذه
19/02/2006, 02:08 PM
ماهو افضل نوع من القروف ؟
والقرف كما تعلمون جميعا هو جسم الطراد ..يعني الطراد نفسه(اشرح بالتفصيل لان المسميات ربما تختلف من مكان لاخر)
اتمنى اعرف كل واحد من الاخوان ايش ايفضل ..اي نوع من القروف؟؟

وليش؟؟

ارائكم وتجاربكم يانواخذه ؟؟
كبير النواخذه
19/02/2006, 02:11 PM
انا شخصيا جربت رافكو 17 قدم ...جيد بس فيه روغه
يعني وانت مسرع ..احيانا ما يثبت على مساره بشكل جيد..الاخ ايسوي الكوبرى!!
جربت النورس 24 قدم جيد وثابت..ما شاء الله
انتوا وش جربتوا وش شفتوا
بو راشـد
20/02/2006, 12:24 AM
السلام عليكم ورحمة الله وبركاته
صدقت والله ياكبير النواخذه النورس حق الهاوي ولافيه عليه أنه 3 من ربعي عندهم النورس ثنين منهم 27 واحد 24 . أما أنا عندي الضاعن 24 وتقريبا نفس الشي.
بن عيدان
10/03/2006, 11:53 PM
نعم شكرا ياكبير النواخذة على الاستفسار اما بالنسبة لي فانا اقول ان النورس 24 قدم افضل شي بعد لو ايكون عليه مكينه 115 مو 99 احسن واحسن بس لازم ايكون فيه نوخذة دريول مضبوط مب واحد يدعم الفشوت


ونشكر لكم استفساراتكم/بن عيدان(الزلمه)
علي يحيي
11/03/2006, 12:11 AM
الصراحه الصناعه الكويتيه هذه الايام للقوارب غير مضبوطه
لكن حاب اسمع رايكم عن القوارب اللى اسمع عنها مثل البراكودا والنورس والختال والمزروعى والضاعن الصراحه حاب اسمع رايكم عن هذه القوارب اللى اسمع عن بعضها بالكويت وللعلم انا ابحث عن قارب مستعمل حجمه كحد اقصى 23 ويكون عليه مكينتين 85 وشكرا لكم جزيلا
بوفايز
13/03/2006, 08:00 AM
السلام عليكم انا جربت صناعة الدوسري بالسعودية حلو وعريض وما يتأثر بالموج بس عيبه انه ثقيييييييل اوقات الموج المكاين تطلع روحها هو مشابه للروضان من ناحية المواصفات والتصميم
علي يحيي
13/03/2006, 03:57 PM
الصراحه حاليا افضل القوارب اللى موجوده بالخليج القوارب الاماراتيه
كل القطع والخامات اصليه يا اخوى