اسمين بالمنطوق نفس العباره ( جديد )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اليكم لغيز خفافي


اسمين بالمنطوق نفس العباره = بس المعاني مخلفه في عطاها
هذا على بنتٍ خساره خساره =هذا على بنتٍ زهاها زهاها



مع تحيات ابو ماجد

منتديات مكشات 0 خيمة الالغاز

[صقر السديرات]

صح لسانك عميدنا


هقوتي انها ياابو ماجد الجارة

الضرة اللي على ضرتها تباها
اما اللي ماهيب والله خسارة
المرة اللي تلقى بجيرته دواها[/POEM]

[هاوي عبث]

السلام عليكم ورحمة الله وبركاته

حياك الله ابو ماجد وحيا الله الكل والجميع اشتقنا لكم ولها المجلس الطيب

وصح لسانك شكل صقرنا قضا عليه

كل عام وانتم بخير تقبل الله منا ومنكم الصالح من الأعمال

حبيت اسلم بعد الغيبه وأسال عن ابو محمد فهد الهلالي

طمنونا عنه

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
الظفيرة
بمكينة السيارة
وعلى راس البنية
أو
غطا المكينة..وغطا الراس للبنت

[أبو رافع الظاعن]

صح لسانك يا زعيم


الضرة ....المرأة مع المرأة


ضرة العنز ....

[ناصر العلي]

السلام عليكم ورحمة الله وبركاته




حياك الله ابو ماجد وحيا الله الكل والجميع اشتقنا لكم ولها المجلس الطيب


وصح لسانك شكل صقرنا قضا عليه


كل عام وانتم بخير تقبل الله منا ومنكم الصالح من الأعمال


حبيت اسلم بعد الغيبه وأسال عن ابو محمد فهد الهلالي



طمنونا عنه


هلا بك يالغالي
يالله حيّة
فاقدينك
عسى الأمور تمام

[عليق بري]

صح لسانك ..

نرمع مع الرامعينا ..

(شعر) = عندما يصيب الزجاجة ..

(شعر) = جديلة البنت ..

[ال-رايق]

وعليكم السلام ورحمة الله وبركاته,,,,,,,,,,
::::::::::::::صح ثم صح لسانك:::::::::::
اذا تقول(لغيز) بنقول هاااااااالرميعه:
-----((((((((( الطوق )))))))--------

[يوسف المطرفي1]

وعليكم السلام ورحمة الله وبركاته


صح لسانك شقيقي


شراب = على قولتهم راعي شراب أعاذنا الله منه وأياكم وجميع المسلمين

شراب = وصفة طبية

[ناصر العلي]

محاولة أخرى يالغالي
ويش قولك بـ
البياض على......العين
والبياض على..... الثنية
أو
الماء.............على العين
الماء... على الريضان عقب المطر
أو
الخضار على الخبزة...معناه....عفن
والخضار على الأرض...معناه...ربيع

[الاشهب -]

ما شاء الله الشباب ما قصروا, اجابات تفتح النفس :)

[راع الحزم]

صح لسانك يالغالي
خفافي لكن ثقيل جدا
سلمت
طرى علي حرف الهاء

[ابو ماجد 2]

صحت ابدانكم جميعا
ورمعاتكم حلوه واعذروني بعدم الرد الآن لغاية ماارجع لعميدنا واتأكد من معلومه بنيت عليها اللغز

[ابو ماجد 2]

الاخوة الافاضل
كنت اعتقد ان الكلمتين متشابهات بالمنطوق مختلفات بالكتابه
وبما ان الاختلاف غير مؤكد فأليكم بيت يحدد مااريده بالضبط



اسمين بالمنطوق نفس العباره = بس المعاني مخلفه في عطاها
هذا على بنتٍ خساره خساره =هذا على بنتٍ زهاها زهاها
و ليابغيت اعطيك للحل شاره=ثلاثة احرف لانقاط معاها

[عليق بري]

يمتكن :

مهر : مهر العروس

مهر : صغير الفرس

[ال-رايق]

معذور اذا تقول لي حجت صايد ابا العوايد
ترى لي فترة اوزن في الناظور
---------الطيب---------
حرمة الطيب فيها خسارة
و
حرمة ريح الطيب يزهاها -------تو انتبهت لحكاية النقاط-------------
وش رايك الله يوفقك

[ابو ماجد 2]

يمتكن :

مهر : مهر العروس

مهر : صغير الفرس

هلا بك يالغالي
مهر بالفعل ثلاث حروف وبدون نقط
ولكن المهر جميل ومهر الحرمه جميل
وما اقصده بالفعل يزهى ببنت ويعيب بنت اخرى
انتظر القادم

[ابو ماجد 2]

معذور اذا تقول لي حجت صايد ابا العوايد
ترى لي فترة اوزن في الناظور
---------الطيب---------
حرمة الطيب فيها خسارة
و
حرمة ريح الطيب يزهاها -------تو انتبهت لحكاية النقاط-------------
وش رايك الله يوفقك

الطيب وانت من اهل الطيب
اضفت بيت ليحدد مااريده
ثلاث حروف مافيهن نقط

[عليق بري]

محاولة خاطفة :

هرم : موروث (مصر) السياحي ..

هرم : الكبر في السن وهو يعيب المرأة ..

[ناصر العلي]

سلمت يالغالي
مايصير
حور

[راعي العجراء]

صح السانك يابو ماجد
ماتكون دره
تحيتي

[عاشق النسناس]

صح لسانك
ماهو
ملح

[ابو ماجد 2]

محاولة خاطفة :



هرم : موروث (مصر) السياحي ..


هرم : الكبر في السن وهو يعيب المرأة ..



رمعتك حلوه يالغالي
واللغز يظهر يرد عليه اكثر من حل
ولا املك الا قول صح لسانك
واللغز بالحقيقه وضعته على حلا
الحلا بمعنى الجمال
والحلا الصدأ اللي يحل بالحديد واذا ماحل بالسياره اصبح خسارة عليها
وكنت اعتقد ان اللفظين متفقان بالنطق مختلفين بالكتابه

[ابو ماجد 2]

سلمت يالغالي

مايصير

حور


هلا بك يادكتور
والحل عند عليق بري

[ابو ماجد 2]

صح السانك يابو ماجد

ماتكون دره

تحيتي


هلا بمطول الغيبات
صح بدنك يالغالي
والحل عند عليق بري

[ابو ماجد 2]

صح لسانك
ماهو
ملح

هلا بك يالغالي
والحل عند عليق بري