طرمبة تاهو 99 وش الحل

[الفحل]

السلام عليكم ورحمة الله وبركاته


اخواني الكرام بارك فيكم ولكم ودي وتقديري


لدي تاهو 99 امريكي فيه مشكلة في الطرمبة مرة تشتغل ومرة ماتشتغل وهل هي بداية عطلها

ومن قد جرب الترهيم وين افضل مكان في الرياض او القصيم او سدير

والله يحفظكم

[بدوي جنوبي]

لا ترهم ولا شيئ أبحث عن طرمبة من نوع دلفي
http://www.aljazeera.net/mritems/images/2009/10/7/1_944070_1_34.jpg
ركبتها على يوكن 99 وكان سعرها اعتقد 260
ركبتها في صناعية الطائف جلست تقريبا 3 سنوات


تدري ان شركة دلفي من اشهر الشركات في امريكا
http://blog.mlive.com/tricities/2007/12/large_Delphi%20interior%203.jpg
وهي تصنّع قطع غيار للآف السيارات من بنزين وديزل وقطع غيار سيارات ثقيله
وغير ها الكثير الكثير ،،، وهي متخصصه في صناعة القطع مثل الالكترونيه والكهربائيه
وانظمة الاتصال وغيرها

http://www.bmotorsports.com/shop/product_thumb.php?img=images/CONN-100156.jpg&w=300&h=259&wx=300&hx=300
http://img2.tradeget.com/dieselpartsworld%5CMPNKY0391cam_disk_delphi_zexel_ bosch_cummins_pump_volvo_carcam_disk_plunger_drive _shaft_element_test_bench.jpg
تكون جودة صناعتها افضل من مصانع السيارات نفسها

فهل ستحافظ علي سمعتها كشركة كبيرة ؟

تحياتي

http://www.mekshat.com/vb/showthread.php?t=168489






DELPHI FUEL PUMP 98 99 CHEVY Tahoe GMC

[السنع كله]

كان عندي وغيرتها مليون مرة ورهمتها vxrتويوتا ثلاث مرات ومع كل الخساير والاعطال بهذله والنهاية بعته بقيمة كلب سرق اهله مع ان المكينة قوية والقير قوي والبدي ممتاز وقوي وصداماته فولاذية لكن اعطال طرنبة البنزين اذية بعته قبل سنتين بعشرين الف ولو قال الف قلت نصيبك

[YUKON_GMC]

اعطال الطرمبه لها مسبب رئيسي - ليست المشكله من الطرمبه نفسها ولكن

1 - احتراق فيش الطرمبه الواصل للتانكي احد الاسباب البعض يركب طرمبه جديد والفيش العلوي من الداخل محترق وصاير اسود ولايوصل كهرباء مضبوط

2 - الكربون وعدم صفاوة المكينه مسبب رئيسي لعطل الطرمبه - حيث ان الكمبيوتر يعطي كهرباء زائده للطرمبه لتعويض النقص في العزم ممايسبب احتراق الطرمبه او احد افياشها ..

يعني لو كان الموتر معك ماهو صافي او فيه ريحة كربون قويه تعوض خير في الطرمبه

نسبة تعطل الطرمبه في السيارات المستورده من امركا اكبر بكثير من السيارات الخليجيه او السعوديه - السبب حساسات الكربون في المستورد ودبات التلوث

كان معي يوكن 99 استخدام امريكي قمة النظامه بدي ومحركات وشاريه ب 47 ألف وبعد تركيب اربع طرمبات بنزين بعدته حراج تحت المكرفون ب 25 ألف من القهر

والآن معي سعودي والحمد لله له ثلاث سنوات معي ماقد غيرت له طرمبه

[محنك]

السلام عليكم ... اخوي مركب على جمس كان معه نفس موديل موترك .. طرنبة كراسيدا اسمها دنسو .. وكالة اصلية ب 200 + شخال ... وماشية معه 5 سنوات ماتعطلت ابد .وركبها بالرياض ورشة سوريين بالسويدي احاول اسأله وارد لك عن موقع الورشة .

[برالأمان]

اخوي انا ركبت طرمبه GXR ب 350 ريال دنسو لا تاخذ تويوتا خذ دنسو يقول لك تجاري قل طيب مايخالف هاتها تراها نفس تويوتا بس الكرتون انت تبي القطعة وليس الكرتون ولابد تغير الفيش هذا الترهيم فقط في الفيش

الحمد لله ارتتحت كثير موفق خير

[المنصف5]

الحل ياطويل العمر والبقاء والسامعين ......انك تشتري طرمبه VXR ثمانية سلندر أصلية أو دنزو من نفس قطع غيار تويوتا تلقها عندهم من موديل 2000إلى 2005عندك مشكلة صغيرة هو إن الفيش حق طرمبه موترك صغيرة (ضيقة يعني ما تدخل في الفيش قريبات من بعض شوي) ...سخن سكين أو مشرط وقص فيش موترك اللي يركب في الطرمية مع الوسط نصفين حتى يركب في الطرمبة الجديدة بدون تقطيع أسلاك انتبه يعني يكون الموجب مفصول عن السالب ، وطبقها مكان القديمة وستمكث ثلاث سنوات أو 40 الف كيلو بدون مشاكل ويمكن تزيد ....وعلى فكرة لو تركب أصليه من الوكالة من هنا إلى دليم لن تتجاوز مدتها شهرين يبدو طرمبات الو؟؟؟؟؟؟؟ مضروبة مدري وش الأسباب ......خذ العلم ولا يهون الأخوان....ولحصل عندي متسع من الوقت نزلت لك الموضوع بالصورة حتى يسهل على الجميع .

[Magellan]

يامال الغنيمة اطلبها من النت عن طريق موقع امازون مثل ماسويت وشحنتها بـ205 ريال عن طريق ارامكس وصلتني حتى عنواني لو بغيت يجيبونها لم حوطة سدير بأسبوع
هذي طرمبة الربع التاهو
http://www.amazon.com/gp/product/compatibility-chart/B000CGM1FY/ref=au_pf_dp_chart
وهذي طرمبة ال 4 ابواب
http://www.amazon.com/Delphi-FG0089-Electric-Fuel-Pump/dp/B000CGHZ5K/ref=au_pf_pfg_s?ie=UTF8&Model=K1500%20Suburban%7C455&n=15684181&s=automotive&Make=Chevrolet%7C47&Year=1999%7C1999&vehicleType=automotive&newCar=1&carId=002
طرمبة دلفي افضل من الصناعات الرديئة هنا واللي يجيبها الوكيل من الصين بإسم اي سي ديلكو
ولو بغيت ترى فتح فرع لدلفي بالرياض شف وانت داخل شارع الجمعية بالصناعية القديمة وجهك غرب وتوسطت الشارع تلقاه على يمينك مقابل محل باقادر لقطع الغيار ولوحته حمراء
ولازم لو غيرت الطرمبة كاملة انك تغير الفيش لأن طرمبات دلفي يجي معها الفيش...

إن بغيت تاخذ الطرمبة الكهربائية بس بدون العوامة والهيكل عندك طرمبات walbro الاسترالية ياسلام عليها ويازينها وتلقاها بموقع www.ebay.com (http://www.ebay.com)
استخدم مفتاح البحث: Tahoe 99 Walbro Fuel pump

انت بس تدلل موجود غرضك وطلبك في هالمواقع وخل اصحاب قطع الغيار عندنا يصدّون، وعندك هنا في مكشات من يدبر امورك اسمه باسم الجدعاني يطلبها لك من النت ، بس حدد مطلوبك صح وتلقى موضوعه هنا:
http://www.mekshat.com/vb/showthread.php?t=416175

بس نصيحة ترى معظم الخربات من فيش الطرمبة يصير مضروب وهو الفيش اللي جاي من الظفيرة ويشبك بالطرمبة ، شف تحت برنامج تعليمي عن مشاكل طرمبة الجمس ودقق على رقم 17 و 18 و19 ترى الشرح واضح
http://delphi.com/static/burnt/burnt%20terminal%20training-module%203/player.html?width=820&height=615
عشان كذا قلت لو تغير الفيش احسن من الروحة والجية وبعدين لو ماضبط