الشيهانه ماتعلف ووزنها بنقصان

[أنا داري]

السلام عليكم ورحمة الله وبركاته

الموضوع: شيهانه جبليه ماخذها قريب وعديتها نازله وقمت اضحيها واعشيها سمانه اوقات نص واوقات سمانه كامله وفحصت الطير فحص المرش وانتم بكرامه في العياده ويقولي مافيها شي بس يبالها رفع عديه
وعقب يومين الا الطيره ماتعلف الا قليل ووزنها ينقص ومن تحط يدك عليها بتطيح ماتتحمل مثل الريشه والمرش ماهو طبيعي به كثافه زايد وانتم بكرامه لدرجة انه مايروح بعيد يلصق بريش الي تحت الذنيبا افيدوني ياربع وش ذي الصلطه؟!
جزاكم الله خير

[(هزاع)]

رح لاقرب مركز تحليل وقلهم هل بالامكان تحليل مرش الطير وشف اذا بحللوله هم اوكد من ذا المراكز الفاشله

[ربع خالي]

وعليك السلام ورحمة الله وبركاته

اخوي انا داري : طيرك فيه إقلاع ويجب معالجته بسرعه والا الله يعوض عليك .

[أنا داري]

رح لاقرب مركز تحليل وقلهم هل بالامكان تحليل مرش الطير وشف اذا بحللوله هم اوكد من ذا المراكز الفاشله

هلا اخوي هزاع شكراً على الرد
قصدك اروح لاي مركز تحليل يعني مش شرط يكون لعلاج الطيور؟!
شكراً

[أنا داري]

وعليك السلام ورحمة الله وبركاته

اخوي انا داري : طيرك فيه إقلاع ويجب معالجته بسرعه والا الله يعوض عليك .

مرحبا ربع خالي
اذا امكن تخبرني وش علاج القلاع ابي وصفه طبيه ولا شعبيه تساعدني لاهنت ونستفيد ويستفيدون الاخوان
شكراً

[الصقار الجديد]

ياخوي طيرك فيه قلاع والقلاع قوي اذا ماعلاجته

ماقد الا اقول= لاالله الا الله ونا اليه راجعون

الله يعوضك اخير منه

[أنا داري]

ياخوي طيرك فيه قلاع والقلاع قوي اذا ماعلاجته

ماقد الا اقول= لاالله الا الله ونا اليه راجعون

الله يعوضك اخير منه

لا اله الا الله
بس ياخوان عطوني وش علاجه
حسستني انه الطير مات الله يهداك

[ربع خالي]

رح للصيدليه البشريه وخذ عنده علاج اسمه افلاجين ، يجيك في علبه
وخذلك موس حلاقه واقطع الحبه لأربع قطع متساويه .
وإعطه ربع حبه قبل العلف بساعه وتقدر تضعها في قطعة لحم صغيره ويأكلها الطير ، ولمكن بما ان طيرك فيه قلاع حاد ، فيمكن ماياكلها ولهذا امسك الطير وعطهياها مثل ماتعطيه الشناذره .
هذا علاجي لطيوري في مايخص التهاب الفرسه .
ولكن ان كان حولك مشفى للطيور . خل علاجي ورح للمشفى .
تحياتي

[مخاوي النادر]

السلام عليكم

ماقصر مشرفنا الغالي ربع خالي الله يجزاه خير

والله يشفي طير

[أنا داري]

رح للصيدليه البشريه وخذ عنده علاج اسمه افلاجين ، يجيك في علبه
وخذلك موس حلاقه واقطع الحبه لأربع قطع متساويه .
وإعطه ربع حبه قبل العلف بساعه وتقدر تضعها في قطعة لحم صغيره ويأكلها الطير ، ولمكن بما ان طيرك فيه قلاع حاد ، فيمكن ماياكلها ولهذا امسك الطير وعطهياها مثل ماتعطيه الشناذره .
هذا علاجي لطيوري في مايخص التهاب الفرسه .
ولكن ان كان حولك مشفى للطيور . خل علاجي ورح للمشفى .
تحياتي

شكرا يامشرفنا ماقصرت وجزاك الله خير
وللعلم انا وديته لمستشفى الطيور وفحصه قالي مافيه شي
شكلهم متخصصين حق لقطاو الله المستعان
شكراً

[أنا داري]

العوض على الله توه جاني اتصال ويقولولي طيرك مات الله يعوضنا واياكم بشي الطيب والله يبعد عن طيوركم الشر
وانا رايح للصيدليه ماخذ على كلامك ياربع خالي الله المستعان
لا والعيادات تقول طيرك سليم ميه الميه مابهم امان الله يبعدنا عنهم وعن طرواهم

[الـسـاطـع]

لاحول ولاقوة الا بالله
الله يعوضك خير منه

[ربع خالي]

عسى الله يعوضك باللي أبرك منه ، وياخوي ماعليك من كلام الدكتور إن كانه يقول الطير مافيه شي ، وانت يالصقار منكر على طيرك الخلل ، اترك الدكتور هذا وشفلك دكتور غيره. ، وانكان لايوجد غيره ، فإخوانك في المنتدى فيهم من اللي احسن من الدكتور بالف مره .
والله ياهي غبنه ، الطير ذابحه التهاب الفرسه والدكتور يقول مافيه شي ؟؟؟؟؟؟؟
ولو انك استشرت اخوانك الصقاقير ! ان كان عطوك العله وعلاجها ، ولكن ماعن المكتوب هروب .
قدر الله وما شاء فعل .

[القصير111]

لاحول ولا قوة إلا بالله

الله يعوضك بخير منه

[أنا داري]

عسى الله يعوضك باللي أبرك منه ، وياخوي ماعليك من كلام الدكتور إن كانه يقول الطير مافيه شي ، وانت يالصقار منكر على طيرك الخلل ، اترك الدكتور هذا وشفلك دكتور غيره. ، وانكان لايوجد غيره ، فإخوانك في المنتدى فيهم من اللي احسن من الدكتور بالف مره .
والله ياهي غبنه ، الطير ذابحه التهاب الفرسه والدكتور يقول مافيه شي ؟؟؟؟؟؟؟
ولو انك استشرت اخوانك الصقاقير ! ان كان عطوك العله وعلاجها ، ولكن ماعن المكتوب هروب .
قدر الله وما شاء فعل .

والله وانا اخوك يوم اني فحصت الطير عنهم الطير بخير وانا اشوفه مابه عله وعلى كلامهم توكلت
وهذا الكلام قبل يومين وامس باليل اشوف الطير مغمض عين وفاتح عين جبت عشاه ما علف منه وشفت الاعراض الي ذكرتها فوق واليوم روح الطير
يعني بس يومين من بعد الفحص كان المفروض يبين فالفحص بس غشمان ولا والصقاقير تمدح بذي العياده
بس ونعم فيكم يا اهل مكشات ماعليكم زود والله

[مرهف]

لاحول ولا قوة إلا بالله

الله يعوضك بخير منه

[أبو فااارس]

...الله يعوضك اخير واطيب منها....
انا ماشفت موضوعكـ والا كان رديت عليك بدري بالنسبه للقلاع واضح ريحته تبين وخصوصأأ إذا القلاع حاد ومااعتقد ان اللي بشيهانتكـ قلاع الله واعلم ان بها ديدان مصران مع التهاب فالرئه ::: طير ولد عمي صابه نفس اللي صاب شيهانتكـ بسبب وزن الطير كان زايد وحاول ينزله وقصر عليه فوق اللزوم لين طاح الطير ووزن له العلف واعطاه العلاج بانتظام وفكه الله :::::::::::::::::::::::::::::::::::::::::::::::::: :::::::::

[أنا داري]

...الله يعوضك اخير واطيب منها....
انا ماشفت موضوعكـ والا كان رديت عليك بدري بالنسبه للقلاع واضح ريحته تبين وخصوصأأ إذا القلاع حاد ومااعتقد ان اللي بشيهانتكـ قلاع الله واعلم ان بها ديدان مصران مع التهاب فالرئه ::: طير ولد عمي صابه نفس اللي صاب شيهانتكـ بسبب وزن الطير كان زايد وحاول ينزله وقصر عليه فوق اللزوم لين طاح الطير ووزن له العلف واعطاه العلاج بانتظام وفكه الله :::::::::::::::::::::::::::::::::::::::::::::::::: :::::::::

ماتقصر يابوفارس جزاك الله خير
وفيكم لبركه وفي جميع اهل السعوديه
شكراً

[الصقار الجديد]

افادوك الاخوان