استفسار

[الوافي555]

مساء الخير يا أخوان
الدفرنس الي قدام للجيب حصل له طعجه بسبب حصاه وصار فيه تهريب بسيط
وبي ورشة تشتغل بالدفرنس بالقصيم .
وقال لي واحد ان فيه ورش تعدل الدفرنس
وكم سعر الدفرنس بالتشليح

[الوافي555]

المشاهدات 11 ولا واحد رد

[دحيم الفزعة]

المشاهدات 11 ولا واحد رد

هلا أخوي ليه زعلان
أنت على بالك كل المشاهدات من أعضاء ؟
اكيد بعضها من زوار ما سجلو ولا يقدرون يردون عليك
وتلقى بعض المشاهدات من أعضاء بس ما عندهم ردود مفيده لك والأخرين ماردو لأن موضوعك ناقص
وعشان تحصل ردود من الأعضاء لازم يكون موضوعك متكامل لأنك ما بينت نوع وموديل الجيب
ويستحسن تنزل صوره للدفرنس
تقبل مروري ودمت بود

[الكلاسك]

اذا كانت الطعجه في الصاجه اللي تعتبر غطاء للدفرنس اللي فيها المسامير .
طالما ان الدفرنس لا يوجد فيه صوت وسليم مجرد تهريب بسيط على قولك انا افضل انك
تفرغ الزيت القديم وتفك الصاجه وتحط قازقيت وترجع تركب الصاجه المعفوطه ولا تعدلها ولا شي ركبها مثل ماهي ورجع الزيت القديم وزوده اذا كان ناقص .
ولا انصحك تغير الدفرنس عشان طعجه فيه طالما انه سليم
هذا رأيي ولك تحياتي

[هويدي]

مؤيد لكلام اخونا الكلاسك
لان التشاليح ما تضمنهم خلك على قردك لايجيك اللي اقرد منه

[الوافي555]

مشكور اخوي دحيم الفزعه وكلاسك وهويدي ويعطيكم العافية