المساعد الشخصي الرقمي

مشاهدة النسخة كاملة : استفسار عن الثريا


أبو يوسف
19/02/2006, 08:56 PM
بسم الله

السلام عليكم ورحمة الله

احترت وين أحط الموضع بخيمة الاجهزة اللا سلكية
أو انظمة الملاحة

المهم الرجاء من المشرف وضع الموضوع في مكانه الصحيح


أعود للموضوع


اخوكم موصى يسأل عن الثريا

بكم الرقم
والجهاز
وسعر الدقيقة

ووين احصل الرقم فيه
وهل هو مجدي في جميع الصحاري ؟؟؟ أم أن له نطاقا معينا ؟؟

ومالي بعد الله الا قروم مكشات

تكفون ابي اجابة وافية

وكل الشكر مقدما

تحيتي
Rakeb Shabah
19/02/2006, 10:50 PM
وعليكم السلام ورحمة الله وبركاته اخوي أبو يوسف.

بالنسبة لاستفسارك عن جهاز الثريا:

1. مزود الخدمة في السعودية على هذا الرابط :

http://www.thuraya.com/arabic/partners/suadi_arabia/index.html

وهم راح يعلمونك بالاسعار في المملكة الشقيقة.

وتبي راي أخوك، أنصك تشتري من مزود خدمة الثريا الافتراضى Thuraya Virtual Service Provider، وهم منتشرين في عدة أماكن. موجودين في مطار دبي، وفي عدة أماكن في مدينة دبي. بس ما أعرف عن اللي برع الامارات. ميزتهم ان مكالماتهم ارخص، يعني 50 سنت للدقيقة. مزودين الخدمات اللي في الدول تراهم طماعين ويبالغون في الاسعار.

تفاصيل عن الثريا على هذا الرابط:

http://www.thuraya.com/arabic/index.htm

واذا قررت تشتري من الامارات، ارجو اذا حبيت انك تبلغني علشان اجتهد لك في الموضوع. سعر الجهاز عندنا في حدود 1300 درهم (تقريباً نفس سعر الريال)، وهذا يشمل التيلفون والبطاقة مع رصيد (ما اتذكر كم). وعندهم النوعين، البطاقة العادية، وبطاقة الدفع المقدم.

2. تغطية الثريا:

http://www.mekshat.com/pix/upload/images14/mk23729_coverage_2005s.jpg

تغطي الثريا 99 دولة، ودول الخليج كلها مغطاه تغطية شاملة. حتى لو رحت صحراء كالاهاري في أفريقيا أو باكستان، التغطية مضمونة.

ومن اهم مميزات هاتف الثريا انك ممكن تشبكه مع الحاسب المحمول ويعطيك خط سيرك (مثل اجهزة الملاحة). وممكن بعد انك تحدد احداثياتك من الهاتف وتبعثه مسج على اي جوال.

وبعد ممكن تحط فيه شريحة جوالك وتستخدمه حاله حال اي جوال عادي.

والله اخوي ابو يوسف المميزات كثيرة، وبتلاقيها على موقعهم الرئيسي:

www.thuraya.com.

أتمنى بأن يكون ردي افادك ولو بالقليل.

السلام عليكم، والله يوفقك.
الظلماوي
19/02/2006, 10:50 PM
الوكيل فى السعوديه الفرحان وتلقاه فى مجمع الاتصالات سعره 2700ريال تقريبن بظمان 1900بدون ضمان والرقم يجى معه وتقدر تستخدم شريحت جوالك العادى اذا عممتها واظفت الصفر الدولى وسعر الدقيقه 365هللهارسال 180 هلله استقبال بشريحة الاتصالات ويعمل فى اى مكان مكشوف هذا الى عندى والله يوفق
Rakeb Shabah
20/02/2006, 12:32 PM
اعتذر اخوي ابو يوسف عن الخطأ، السعر في الامارات هو بحدود 2500 درهم.