فزعتكم يا اخوان في اختيار الكاميرا شبه احترافيه ؟؟؟؟؟

[متحدي النفود]

السلام عليكم ورحمة الله وبركاته

كيف حالكم يا اخوان ؟ ان شاء الله طيبين

أنا محتار وش اشتري كاميرا كنت ناوي على كاميرا

احترافيه بس الناس نصحتني اشتري شبه احترافي لاني

ابيها لغرض التوثيق والتصوير بالسفر وابي أفضل كاميرا

من ناحية التصوير والدقه والسرعه وعدم الاهتزاز ومدة

البطاريه والزوم

انا احترت في ثنتين الفوجي فيلم 20 والسوني بس ما

اعرف اي نوع

ابي نصيحتكم بالافضل من جميع النواحي

والله يجزاكم عني خير

أخوكم /

مـتحـدي الـنـفـود

[عطيب المضارب]

اذا كنت تقصد السوني فئة nex فهي رائعة ومواصفاتها عالية وكذلك الفوجي مميزة وخاصة بعد تكبير السنسور وزيادة البكسل
والحين انت حددت نوعين فقط وهنا راح يسهل عليك المقارنة بينهم واختيار الكاميرة اللي تعجبك لانك ماراح تحصل شخص جرب كل النوعين الا قليل فراح تحصل واحد يمدح الفوجي لانه جربها وأخر يمدح السوني لانه جربها وهنا راح تحتار اكثر فلذا انصحك بالقراءة حول الكاميرتين والمقارنة بينهم وتجربتهم بالمعرض قبل الشراء

[طير ابابيل]

nikon p500

[متحدي النفود]

الله يعطيكم العافيه

السوني اظن اسمها hx100 اشوف مواصفاتها اعلى من الفوجي فلم

في البكسل بس منيب متاكد من السنسور هل هو اعلى او لا

لكن فيها مواصفات كثيره وانا ابي من اهل الخبره الفايده

وابي اعرف الافضل بينهم في التصوير الثابت والفديو

[الطرس ممدوح]

sx30 كانون

[عطيب المضارب]

الله يعطيكم العافيه

السوني اظن اسمها hx100 اشوف مواصفاتها اعلى من الفوجي فلم

في البكسل بس منيب متاكد من السنسور هل هو اعلى او لا

لكن فيها مواصفات كثيره وانا ابي من اهل الخبره الفايده

وابي اعرف الافضل بينهم في التصوير الثابت والفديو

اذا كان تفوق السوني بالبيكسل فهذا غير مهم ومن ناحية تصوير الفيديو بامكانك التعرف على دقة تصوير الفيديو لكل كاميرا وهل هو اتش دي أو فل اتش دي

[أبو عبدالله00]

ياهلا فيك أخوي

الايام القادمة بتنزل كانون اس 40

ونزلت بالمواقع حالياً

أنا من وجهة نظري جرب كانون ماراح تندم إن شاء الله

علماً بأني من مستخدمي الموديل اللذي يسبقها اللي هو اس30

صراحة جميلة في نظري للتصوير في النهار والزوم أكثر من رائع

أنا أطرح لك شيء ليس من ضمن خياراتك كانون اس 30 وهذي انا مجربها

أو اللي نازله جديدة اس 40 أكيد انها أفضل من الموديل اللي يسبقها علماً باني لم استخدمها


آسف على الإطاله
وأرجو أن تتقبل وجهة نظري تحتي لك

[كنز المشاعر]

سوني hx1 وتوكل على الله

[mesh3l]

كانون SX30 وادعيلي

[mesh3l]

والله SX30
حلوه مرررررررره
البطاريه تقعد لك يومين
والزوم 30
و14 ميقا بكسل
والكثير...

[متحدي النفود]

الله يعطيكم العافيه يا اخوان

المشكله لو بتابع تطور الكاميرات ما شريت ولا كل ما تشتري بتكره الكاميرا اللي معك

انا ابي الافضل حاليا بعيد عن العواطف انا مالي خبره

لكن ابي الافضل من كل النواحي

انتم الحين بتخلوني احتار اكثر ههههههههههه

من ناحية بطاريه ومن ناحية تصوير صباح وليل والثبات من الاهتزاز

والسرعه في الالتقاط ووضوح الفيديو وتكون فل اتش دي وسهلة الاستخدام

والذاكره او تكون تنقل عن طريق بلوتوث او عن طريق الوايرلس


وش الافضل ؟

اتعبتكم معي يالغالين

[الرحال2222]

تبي نصيحة خذ احترافية اقل فئة مثل كانون 1100 دي تقريبا زيادة بسيطة ونتائج افضل بكثير

[وسم 33]

وعليكم السلام ورحمة الله وبركاته


آحترم آراء الاخوان لاكن آنـا رايي الـNikon COOLPIX P500 من واقع تجربه وانا ما صار لي مده شاريه وبصراحه كاميره بمعنى الكلمه وانا صورت به ومآشآء الله تصويره ممتآز جدآ
الميقا بكسل 12.1
ودقة الفديو فل HD
والزوم 36X
ومواصفات كثيره بسس انا عطيتك المهم.. وآسف على الآطاله

[لاجيب الا جيب]

nikon p500



وعليكم السلام ورحمة الله وبركاته


آحترم آراء الاخوان لاكن آنـا رايي الـNikon COOLPIX P500 من واقع تجربه وانا ما صار لي مده شاريه وبصراحه كاميره بمعنى الكلمه وانا صورت به ومآشآء الله تصويره ممتآز جدآ
الميقا بكسل 12.1
ودقة الفديو فل HD
والزوم 36X
ومواصفات كثيره بسس انا عطيتك المهم.. وآسف على الآطاله



اؤيد كلام الاخوه ..الكاميرا ممتازه وحتى الاوتو فيها ممتاز..بالتوفيق

[zaid171]

sx30 كانون

[ايقاع المطر]

sx30 كانون
خذها وبتدعيلي
زوم عالي سهلة الاستخدام ميغابكسل 14.1
تصويرها جدا ممتاز وضوح فالتصوير
باالنسبه لكميرا p500نيكون
انا جربتها لاتقارن بكام الكانون
ليس مدح في الكانون بس فيه فرق فالمواصفات وسعرها اكثر من حقها
والي يوضح اكثر شوف الفرق بين الرابطتين وشوف تصوير الكميرتين

[ارابرت]

اذا كان تركيزك على الزوم والبطاريه الفوجي 20 حلوه
تقدر تشتري بطاريه قابله للشحن وشاحنها.. وتقدر تشتريلك بطاريه ليثيوم وذا خلصت ترميها ^^

[أبووو جمانه]

أخوي الغالي

أنا واحد من الأعضاء اللي كان طلبي نفس طلبك افضل كاميره شبه إحترافيه
وزادت حيرتي بصراحه بسبب تعصب الجميع لما يملك ولا ينلامون

لكن عموما حنا العرب عاطفيين الحل ببساطه اتجهت لموقع سناب سورت وقارنت الNikon p500
بعد نصيحة الفائز بالمركز الثالث بمسابقه عالميه فاليابان وهو احد مصوري جريدة عكاظ إسمه غسان

قالي قارن بنفسك شف وش تبي وقارن ونصحني بها

المهم قارنتها بكل الكاميرات الشبه إحترافيه اللي عادة يذكرونها الأخوان هنا

وكانت الأفضل بفوارق جميله بعد لا ويجيب لك سكور"درجات" ويذكر الزين والشين مقارنه بالأخريات

من canon G12
إلى Fuji sh20 وبعد الأخيره 22
إلى sony sx30 وبعد 40
إلى كام إحترافي من نايكون أظنه d3100

وكانت الأفضل انا بكره بإذن الواحد الاحد ما ارجع من دوامي إلا معيNikon P500

الوحش الكاسر في هالفئه لحد الان والكام جديد واخذ حقه بالتجربه من الناس حول العالم له أقل من سنه

فتوكل على الله وخذه وانصحك تقنع نفسك باراء على مستوى عالمي والجميل إن هالموقع يذكر لك خصائص وهذي للي ادرى مني ومنك

ويذكر أغراض ورغبات التصوير من طبيعه لرياضه لسفر وكذا


فأعقلها وتوكل ولا أنسى الجميع من فائق شكري سواء اللي تفاعلوا بموضوعي وحتى المتعصبين :)

[مفتش]

كانون sx40 جميلة
او بانسونيك tz20

[sayang]

انا املك الفوجي hs20 و سوني hx100v كلهم ما شاء الله تمام مع العلم اني اميل للفوجي لقربها من الاحترافية في الاستخدام اذا تبي شبة احترافية صغيرة فمالك الا hx9v لا يوجد فيها منول فوكي ليس لذاك الاهمية و قارنها مع اي نوع راح تلقاها تتفوق على الباقين عن واقع بحث في النت شخصي قارنتها مع الفوجي f550 و f500 و f600 و البانوسينك tz10 و tz20 و الكانون sx210 و sx220 و sx230 و النايكون s9100 قارنها بنفسك راح تلقا الاجابة اما الحجم الكبير نصيحة مني لا تتعدى السوني و الفوجي و اذا تنتظر شوي الفوجي الجديدة x-s1 انزلت مقاطع فديو لها و لك حرية الاختيار .
بالتوفيق sayang