طير مريض للبيع

[الشاهين888]

السلام عليكم ورحمه الله وبركاته
طير حر وافي ذابح حباري ثنتين وصايدكراوين عشره طياره ع كلام راعيه سبوق وطير شاريه من احد اعضاء موقع مكشات الي هو اسمه رداد . شرته منه اليوم ب15000الف ريال وطير انا فكيته اليوم وشف طياره وبصراحه يربع طياره صفر ولحين انا رجال بياع ولله يعينا ع الخساره سومو يربع وهذا رقم جوالي بعد اذن المراقبين 0541188478×

[سفير المجمعه]

اخوي ياليت تقول لنا الطير وش فيه هل الطير مريض ولا طياره فيه شي
الله يعوض عليك ويرزقك بالي اطيب منه

[عبدالرحمن بن ذياب]

صور للطير الله لا يهينك

[لازام]

الله يرزق على نيتك ي آخوي ويعوض عليك

[na-q8]

الله يعوض عليك
يارجال الخساره بالعمر والحلال فادي راعي

[alwssam6]

الله يرزقك من واسع فضله

[(هزاع)]

الطير مريض مرض ولا علك وماجازلك ووكلمة مريض مجازن

[البرنس الليبي]

انت شاري الطير بـ15000 وحنا مانبي نبخس طيرك ..لكن ترى فيه امراض لها علاج وانا اخوك وفيه امراض تذبح الطير ..اذا الطير مشكلته ردي في جناحه فـ يمكن فيه عله لها علاج وإذا الطير فيه على سبيل المثال النهته أو النهيته فـ الله يعوض عليك ويرزقك .

ياليتك توضح يالشاهين الله يوفقك مع وضع صوره للطير

[الشاهين888]

مشكور يربع وجزاكم الله خير ابشركم بعت الطير بخمس الاف ريال

[التميمي 2009]

الله يبارك للبايع والشاري

[قرناس شماالي]

يالغالي افحص الطير وعالجه وان شاءالله مرضه بصيط