اطير يطرح اذا ارتفعت الصيده

[alyabsq8]

السلام عليكم ورحمة الله وبركاتة
يعطيك العافيه
انا عندي طير فرخ العام الحمدالله الطير طيب وطبوعه طيبه
بس الطير اذا طال الهدد او الصيده ابعدت عنه او ارتفعت ولا يرتفع معاها ولا يلحقها على طول يطرح مع ان الطير ما اشوف فيه فحت التعب او انه تعبان
وبعض المرات يصمل
وشغله ثانية
اطير كره الملواح
لاعبته مره على الملواح وانا ساحبه ضرب الطير بقوه والطير من عقبها ما يجي على الملواح
يرحم الله والديكم يا اهل الخبره لا تقصرون فينا بالمعلومات
اخوكم عبدالعزيز المطيري من الكويت

[ALAMIR]

حياك الله اخوي عبدالعزيز


أولا أفحص الطير ليكون فيه جساس او دود بمتستشفي الطيور


ثانيا شف وزن الطير واذا كان ما يصمل نزل من وزنه


ثالثا اذا ما شنذرت الطير شنذره ولكن قبل الشناذره افحص الطير وخاصه القلاع او الفطريات


وبخصوص الملواح انه ما يرغبه ابد معاه من جديد ثلاث سحبات وعطه واكرمه وزيد كل يوم بالسحب له



وهذا اللي عندي يالغاااالي


اخوك الأمير

[alyabsq8]

بيض الله وجهك يا الامير
الطير مشنذر وخالي من الامراض والحمدالله
بس كم وزن الطير طبيعي اذا طوله 16.5 والعرض كذالك؟
الحين وزنه 1000 قرام

[بوعبودالتميمي]

السلام عليكم.
اخوي عط الطير كورس الالتهاب حق الفرسه
انا صارت معي مرة الطير مايرتفع ويصف بسرعه ويوم عطيته الكورس تحسن الطير.

[صقار شياهين]

الف واجد عليه والوزن حسب مجس الطير وجبر عظمه لكن خله 900 واذا مانفع خله850 ولا تنقصه عنها

[alyabsq8]

بنزل وزنه وانشالله
وانشالله يزين حاله
بس الي خايف منه انه عيب فيه
لان الطير اذا طرح يجي يطير عند السياره او يوقع فوقها

[مغاتير]

طيرك وانا خوك اذا علي كلامك العام طيب وامافيه الا العافيه
طيرك صنيع وفسقان نزل وزنه شوي والطول والعرض ماتقدر تحدد وزن الطير
في طيور تهد علي صنعه وفي طيور ماتهد علي نفسيه الطير
اذا طيرك الحين وزنه ١٠٠٠ نزله ميه وتدريج لاتنزله بسرعا وحاول اتنزله علي دعو عشان يتليق الطير

[alyabsq8]

بيض الله وجيهكم يا الطيبين وما قصرتو
انا بنزل وزنه انشالله وواضح انه فسقان
عرضت الطير على واحد قالي شوف المدهنه
قطعت لحمه صغيره فوق الشليل قالي هاذي تأثر على ارتفاع الطير
عاد انا ما ادري شقول هل الاحمه هاذي تأثر على طيار الطير
احس ان شغله ما تدش العقل

[الحرالباكي]

لا توكل طيرك سمان تري كله دهون وعطه نص صدر حمامه
طيرك اكله واجد وسمنان (جوعه شوي)

[اقدم صقار]

السلام عليكم
وش اللحمه اللي فوق الشليل !!!
من جدك انت
تشوفه يقطع وساكت
سلمات يابو الغالي هذي والله المشااكل
يا ابن الحلال طيرك عديد
عطه شناذر مره ثاانيه وعشه على الشلوو مره مرتين ثلاث وهو قريب من وكره يعني اجذبه مثل الوحش
وبعدين ادعه دعوو وعطه الشلو من اول مره
واليوم الثاني عطه واليوم الثالث عطه الشلوو يعني لا تسحب
واليوم الرابع اسحبه مره وحده واذا راج عطه الشلوو
بس بشرط حط في الشلوو حمامه حيه واقصر على الطير لا تعشيه الا صافق واحد فقط
وانشاء الله يرجع على الملوااح اما الارتفاع يمكن من ديدان الامعاء ويمكن من ديدان رئه او من ديدان كبد او من مدهنة الطير
اسباب واجد ولاكن عطه الملواح الحين وطبعه عليه وبعدين عطه حمام
وصدقني بعض الطيور ما يرغب الحمام اذا كان عديد
اسف على الاطاله وتقبل مروري

[mmal]

ليش لا يمكن بعد من المدهنه
واذا تبي تعرفها من حاجتين
1- لون الريش فوق المدهنه مختلف شوي عن باقي الريش
2- عند بدايت الطيران تشوف الذنيبا نازله بشكل واضح وعند النزول او المراوغه تشوف مجمع ريش الشليل ملموم وهو مفترق
وبعدين طيرك يبيله تطبيع من جديد هذا طبعه مروح والظاهر راعيه الاول ليا غر الطير من صيدته كان يعلفه على الموتر لانك تقول يرجع على الموتر
على العموم وافنا بالتفصايل وانشالله نلقالك حل بأذن الله
ماتشوف شر انت وياه

[alyabsq8]

الله يعطيك العافيه
انا اشوف فوق الشليل
الريش لونه غامق شوي صوب المدهنه
قالولي وده حق رجال يبطها وما ادري شسوي فيها بس المهم قالولي يضبطها

[mmal]

صحيح اخوي المدهنه يبيلها دق
لازم في هذه الحال تدق المدهنه
وتراك تلاحظها الطير بعد مايقدر يحاور يعني يلف ورا الحمام عند الدعو بسرعه
اذن خلاص عرف السببب وبطل العجب بالتوفيق

[alyabsq8]

ما فهمت عليك
يعني ابط المدهنا بأبره
علموني شسوي فيها ؟

[mmal]

يبن الحلال لاتبطها ولا تجيها انت وده لواحدن يعرف بعلاج الطيور عندكم بس وهو يعرف

[alyabsq8]

يعطيكم العافيه يا شباب على المعلومات الطيبه
وانشالله المعلوات نفعتني ونفعت غيري
وابشركم الطير مافيه الا العافيه
الطير فسقنا و طريقت تعليفي له غلط
كل يوم اهده وكل هدد اعلفه حمامه كامله
مثال =
اهده اليوم العصر على حمامه وخليه يعلف الثناديها كلها
وبكرا العصر بعد ما يروبج ارد ادعيه مرا ثانيه
ويكون الطير شبعان ولا هو حاس بالجوع
وطير وزنه مرتفع يبيله تنزيل مثل ما قال اخونا ان المفروض وزنه من 900 الى 850 قرام

[غريم الحباري]

فيه شى ضروى تعرفه فرخ الحر اذا من البدايه عودته على شى تعود عليه وفسد الطير لكن محاوله وحده يمكن تنجح اعلف الطير فروخ حمام صبح وليل لين يزيد الطير ويصبح مقدر وخلى الطيرى يومين ول ثلاث من غير علف وهده عالصيد واذا صاد لاطمعه بلعشاء عطه نص عشاء واذا تبيه يرتفع الطير هده على نقل شبوط ولا تبع

[alyabsq8]

يمال العافيه وما قصرت على المعلومات الطيبه
ان شاء الله لقيت حل حق الطير بتعويده على الارتفاع وبأذن الله تظبط الفكر ولا هنت على المعلومات
الفكر هي=
اشتري الطياره الورقيه العاديه . وربط بطياره حمامه بخيط طويل عشان الطياره ما تروع الطير لما تكون فوقه
وحطلي شغله مثل البيم اذا تعرفونه شكله مثل المسمار .
هاذا البيم اربط فيه خيط وخليه بيدي . والبيم هاذا يكون هو الفاصل بين خيط الحمامه و الطياره من اسحبه يفلت خيط الحمامه عن الطياره . وهاذي الفكرمو من اجتهادي انا شفتها يسونها على طيارات رموت كنترول الي على بانزين
وهاذا رابط المقطع الي اقتبست منه الفكره
http://www.youtube.com/watch?v=6XWlctAnd2k

وما قصر كل من علق على الموضوع ورايتكم بيضه ولا هو غريب عليكم

[سنجااار]

الطيور ماهي سوا لكن اقصر على الطير لين تصيد نفسيته

[alyabsq8]

ما قصرت يا خوي سنجاري
الطير نزلنا وزنه الي 850
والطير ان شاء الله وضعه طيب
على الوزن هاذا بس ابي اجسره على الارتفاع و تحسن تحسن حيل الحمدالله بعد تنزيل وزنه والفضل يرجع للاخوان ما قصرو

[مخاوي الذيب 305]

شنذر الطير
وانشالله يتحسن

[alyabsq8]

يعطيك العافيه على المعلومه
مشنذرينه ما مداه الطير مشنذر في بدايت شهر 9
اخاف تذبحه الشناذره الثانيه مثلك عارف الشناذره تحدد مصير الطير اما يموت او تضبط
وبيني وبينك ما اقدر اغامر لان المده قصيره