خيمه في السطح

[amal]

مرحبا

ابغى فزعة رجال

كيف اقدر اعمل لي خيمه في السطح بدون مساعده من احد :(

محتاجه غرفه زياده وابغى اعتمد على حالي بتوفيرها

بنت السعوديه

[عاشق السيل]

مرحبا أختي أمل ،،

كيف تبين فزعة رجال وتبين خيمة بدون مساعدة أحد ؟؟؟ <<<< أمزح !!

المهم : من رايي تجيبين خيمة تركب بدون أطناب ويكون تركيبها سهل جدا ،، أهم شي تعرفين الطريقة بالضبط وبمساعدة بسيطة من الخادمة أو أحد الخوات راح تركبونها بسهولة ،، وبالتوفيق .....

[بربنجي]

اختي انا اشوف حسب حاجتك لها
اذا كانت مهمه بالسطح اشتري لي غرفة جاهزه وهم ينزلونها لك
منها تستفيدين منها في امور كثيرة مثل تكون غرفة نوم او مكتب خاص او اي شي اخر
ونفس الوقت تجي فيها الكهرباء والاسلاك والافياش وتتحمل اكثر من الخيمة والله الموفق
وجه نظر حفظك الله

[abo-khalid]

اختنا امال مما فهمت انك تبين غرفة بدون مساعدة احد وتبغين توفرين هذا فية صعوبة اسهل شي الغرف الجاهزه وهذي غاليه وافضل شئ خيمة بعمود وتشد حبالها في الجدار ولابد من مساعدة الغير .والله يوفق الجميع

[ال-رايق]

السلام عليكم,,,,,,,,,,,
الاخت الكريمة:::::::::::--
حكاية الواحد لحاله (يبطي عظم) رجال ولا حرمة , انه يسوي مثل هالاشياء.. قولي ليه؟.
------------اقول:------------------
1- الخيمة يبغالها تركيب وشد زي الناس اذا ياخذ الواحد حساب الهوا -شبة النار:f وأمور السلامة..الخ
2- ياخذ حساب المطر :rمن فوق بالعوازل المضمونة + ومن تحت برفع او عمل عوارض جانبية.
-----------------------------------------------------------------------
من رأيي وهذي نصحت فيها واحد من اخواني عمل غرفة من القرميد(السقف بعازل) وجدار او جدارين حسب الموقع بالسطح واالجدار(بلك طبعا) ارتفاعه بسيط 90سم فوق جسر مقلوب -يحفر ويشبك باصياخ الحديد-ومن فوق (((زجاج))) وخذ يا منظر خلاب خصوصا وقت المطر:lr.
----------------------------------------------------------------------
اذا الدعوى مادة او للتجربة خذي من الخيام الجاهزة حقت الكشتات:s والدريل لازم يعبر عن نفسه عشان التثبيت.. ولا تنسين مثل ما قالوا الاخوان الكهرباء
والله الموفق,,,,,,,,,,

[ال-رايق]

السلام عليكم,,,,,,,,,,,
الاخت الكريمة:::::::::::--
حكاية الواحد لحاله (يبطي عظم) رجال ولا حرمة , انه يسوي مثل هالاشياء.. قولي ليه؟.
------------اقول:------------------
1- الخيمة يبغالها تركيب وشد زي الناس اذا ياخذ الواحد حساب الهوا -شبة النار:f وأمور السلامة..الخ
2- ياخذ حساب المطر :rمن فوق بالعوازل المضمونة + ومن تحت برفع او عمل عوارض جانبية.
-----------------------------------------------------------------------
من رأيي وهذي نصحت فيها واحد من اخواني عمل غرفة من القرميد(السقف بعازل) وجدار او جدارين حسب الموقع بالسطح واالجدار ارتفاعه بسيط 90سم مع جسر مقلوب -يحفر ويشبك باصياخ الحديد-ومن فوق (((زجاج))) وخذ يا منظر خلاب خصوصا وقت المطر:lr.
----------------------------------------------------------------------
اذا الدعوى مادة او للتجربة خذي من الخيام الجاهزة حقت الكشتات:s والدريل لازم يعبر عن نفسه عشان التثبيت.
والله الموفق,,,,,,,,,,

[amal]

:(

على كذا عمري مابيكون لي غرفه :no:

محد راضي يساعدني ، لازم انا اقضي اموري لحالي وفقيره مالي دخل

حسبي الله ونعم الوكيل

رب ابني لي عندك بيتا في الجنه

[أجود التميمي]

أختي الغالية وفقنا الله وإياكم لما يحب ويرضى ويسر لنا ولكم كل عسير .. بصراحة أحسن ماقلتي (( حسبنا الله ونعم الوكيل )) و (( رب ابني لي عندك بيتاً في الجنة )) ..

[ابو عبدالله 911]

http://aboyzeed.info/wasem/images/kh.jpg



خيمة الوسام تصلح للسطح اتمناء لكي التوفيق

[نطوان1]

فعلا خيام الوسم تصلح للسطح لكن تحتاج بلك بدل الأوتاد

[سديراوي نت]

لكن خيمة الوسم سعرها مرتفع وأعتقد مايناسب الأخت

[FORD1969]

وش الهدف الأساسي من الخيمه عشان نقدر نفيدك

سكن
اضافه غرفه جلوس
جلسة شتوية..........الخ

والله يوفقكم ويعطيك على قد نيتك

[سعــود]

ماحد عرف القصد للحين ؟؟؟؟؟؟؟؟؟ هههههه

مدحدرين معها يااخوان يمكن الاخت تبي مساعده مالية من احد مجرد اعتقاد

[نجم الصداوي]

:(

على كذا عمري مابيكون لي غرفه :no:

محد راضي يساعدني ، لازم انا اقضي اموري لحالي وفقيره مالي دخل

حسبي الله ونعم الوكيل

رب ابني لي عندك بيتا في الجنه
..
.. كسرتي خاطري

هــا الحين كل الشوارب اللي ردوا عليك ولا أحد ســاعدك..!!

تششش

[max123]

..
.. كسرتي خاطري

هــا الحين كل الشوارب اللي ردوا عليك ولا أحد ســاعدك..!!

تششش

طيب انت يالشنب ساعدها كسرت خاطري بردك

[omar 3]

طيب انت يالشنب ساعدها كسرت خاطري بردك

ههههههههههههههههه. الله يهدي الجميع


بس بصراحة يا اختي طلبك غريب

[سعــود]

ههههههههههههههههههههههههههههههههههههههههههههههههه

[nahham]

تقدرين

اولا لابد تاخذين المقاسات تمام وتروحين لاقرب محل سباكة ويقص لك مواصير بوصه وانتي تركبينها في السطح
بعدين تجيبين شراع بلاستيك الاغلب يكون لونه ازرق او رصاصي وتركبينه

طبعا هذا حل سريع لكن انا اسويه للبر افضل من الخيمة ولا ياخذ وقت طويل في التركيب والاهم انه يصمد اما الرياح

بالتوفيق

[شاعر وحساس]

اول ماقريت موضوعك تذكرت خيمة فتون اللي بالسطوح هي وسلامه والشيشه

ههههههههههههههههههههههههههه

ابشري بمن يساعدك بحاله ولا بماله وان بغيتي يرسل لك واحد من عياله

اخوك الشايب

[انا ماني انا]

ابشري بعزتس وانا اخوتس .عندي خيمة 3متر لم تستخدم الا مرتين جديدة
نسقي مع احد المشرفين وانا ارسلها له وهو يوصلها لتس بطريقته .
طبعا بلاستك ومعها شراع ضد المطر..
وانا ما ابي منتس الا الدعاء وانا اخوتس ... عسى الله ييسر امرنا وامرتس.

[amal]

وانا بنت ابوي اكسر ايدي ولا امدها لاحد
الموضوع بما فيه الوالد كفيف والاخوان اخوان نفسهم ومالي الا الله
ماعندي غرفه خاصه فكرت بخيمه اقدر انا اركبها بالسطوح لاني حرمه ما اقدر اعمر وابني

جزاكم الله خير

والف شكر للاخوان اللي راسلوني الله لايضعف لكم حرمه ولا يولي عليها ظالم

[أميرالعشاق]

السلام عليكم ورحمة الله وبركاته
الله يكون في عونك اختي ويغنيك بالحلال ويرزقك الزوج الصالح
...
اما بالنسبة للخيمة فبحسب احتياجك...
اذا كانت بقصد ان تكون غرفة مستقلة للجلوس والنوم
مالك الا خيمة مثل اللي عرضها الأخ ابو عبدالله
مو شرط تكون نفسها ولكن بنفس الفكرة
واعتقد متوفر بالاسواق انواع كثيرة بسعر معقول
والله يوفق الجميع

[رحال الصحراء]

السلام عليكم
الاخت الكريمة ممكن ان تشتري من الخيام المستعملة بحيث تكون حالتها جيدة سعرها يناسبك وتنصبيها بالسطح وتشد الحبال على الجدار بمساعدة بسيطة من جيرانك والله يوفق الجميع