المساعد الشخصي الرقمي

مشاهدة النسخة كاملة : رأيكم يهمني ..


صاع ضروس
18/11/2011, 01:36 PM
أخواني المكشاتية مسيكم بالخير جميع

لدي في المنزل مساحة فارغة وودي أستغلها بحاجة مفيدة وفي نفس الوقت تعطي منظر جيد
ففكرت في بناء شواية ( شواية ثابتة ) .
والحين أبي رايكم ( خصوصاً لمن جربها ) هل هي عملية ؟
ماهي مميزاتها وعيوبها ؟
اقتراحاتكم بالمواصفات التي يجب أن تكون فيها ؟
ارجو التكرم بابداء آرائكم ومقترحاتكم ( لا عدمناكم )
ودمتم بود
راعي البير1
18/11/2011, 02:59 PM
عليك بشواية الكهرب وتنقلها معك في كل مكان. وريح نفسك ووفر فلوسك . مجرد راي لأتزعل مني
محب الشبه
18/11/2011, 03:01 PM
نعم لاانصح بالثابت مع الوقت ممكن تغير رايك وتكسير وحوسه
ابوفهد سليمان
18/11/2011, 03:35 PM
نعم شواية كبيره كهربائية متحركة تقوم باللازم وزياده
عاشق السيل
18/11/2011, 06:04 PM
الشواية الثابتة رائعة ومريحة ومنظرها جميل بس بشرط إنك تستخدمها على طول وماتصير طفة مرتين ثلاث وبعدين تهجرها ،، يعني لا تخسر فلوسك وتتعب نفسك على شي مؤقت !!

والنصايح إنك تسويها من الطوب الأحمر وتعرضها زيادة أكثر من متر لو صارت كمية الشوي كثيرة يصير لها محل ،، وتركب مروحة شفط بأعلى المدخنة ،، وتسوي رفوف تحت تصف فيها أغراضك ،، والله يوفقك .....
بربنجي
18/11/2011, 06:24 PM
ما ادري يا خوك لكن انا وجهة نظري شواية وخاصة بالرياض ما تصلح اذا انك بالرياض
ممكن اول ما تسويها تفرح فيها كم يوم وتشوي وتسوي زحمة وبعدين تهجرها وتتملى غبار وتراب تكرمون
اذا المكان مناسب اشتر لك غرفة جاهزه وحط لك فيها مكتب صغيييير مع كمبيوتر وتلفون وفاكس وخلها مكتب خاص لك انت
وجهه نظر حفظك الله ورعاك
صاع ضروس
18/11/2011, 06:55 PM
أخواني الكرام :
- (راعي البير 1 ) مشكور على مرورك ورايك على العين والراس
- (محب الشبة ) بارك الله فيك وفعلا الواحد يفكر في المستقبل
- (أبو فهد سليمان ) يعطيك العافية ورايك مقدر
- (عاشق السيل ) حياك الله وكلامك منطقي ممكن الواحد يفرح بها وقت بسيط ثم يبحل ومشكور على نصايحك
- (بربنجي ) شرفت موضوعي وبصراحة كلامك مقنع وشكلي باستخير عن الموضوع
والخلاصة اخواني الكرام شكل الموضوع ما يسوى التعب والخساير الشواية المتحركة تفي بالغرض
شاكر لكل من مر بالموضوع ومن ساهم فيه برأيه
جزاكم الله خير
ودمتم بود
Tornadoq8
23/11/2011, 06:33 PM
جرب هالطريقة

مشروع شواية متنقلة

تكلفة قليله واداء طيب ومتنقلة الى اي مكان تريد

الطول 3 م العرض 60 سم الارتفاع 80 سم

عجلات حديد قوية

مغسلة رخام للغسيل وقص الخضار

شواية هوت بليت (بقايا شواية جاهزة انتهت صلاحيتها فاستخدمتها لمشروعي)

دوة للفحم متقلة وتنفصل باي وقت

بلوور لضغط الهواء

made in my house

http://www.mekshat.com/pix/upload05/images235/mk221386_img_0010_resize_resize_resize.jpg


http://www.mekshat.com/pix/upload05/images235/mk221386_img_0011_resize_resize.jpg


http://www.mekshat.com/pix/upload05/images235/mk221386_img_0012_resize_resize.jpg


http://www.mekshat.com/pix/upload05/images235/mk221386_img_0013_resize_resize.jpg


http://www.mekshat.com/pix/upload05/images235/mk221386_img_0014_resize_resize.jpg
الرحال2222
24/11/2011, 04:33 AM
شواية على كفر فكرة رائعة ويكون تحتها حفرة مندي تكون استفدت من المساحة من فوق وتحت الارض لكل شي
تحياتي
صاع ضروس
25/11/2011, 11:43 PM
مسيكم بالخير يالربع
ومشكورين على المرور والمشاركة
- أخوي ( Tornadoq8 (http://www.mekshat.com/vb/member.php?u=221386) )فكرتك رائعة ومتعوب عليها ولكن كان هدفي استغلال المساحة والحصول على منظر أكثر من الحصول على شواية .. أسعدني مرورك يالغالي

- أخي (الرحال2222 ) مشكور على مرورك واقتراحك جيد ولكن بالنسبة للمندي فأنا من مدمني ومؤيدي برميل المندي المتنقل ... شكراً على المرور
وللجميع خالص التحية
دمتم بود