مشكلة الدبل في الجمس الصالون م 2006

[سفاري474]

حي الله جميع الاخوان
يالربع عندي جمس صالون 1500 موديل 2006 طلع عندي مشكله في الدبل وصار يشكل مره يشبك لحاله ومره احاول اشبكه ولا يشبك معي صرت اطفي السياره وارجع اشغلها يشبك على طول لكن اذا فصلته ما عاد يشبك مره ثانيه واحياناً اول ما اشغل السياره يشبك تلقائي على الثقيل
وديته لعدة مهندسين قالوا برمجه قمت وسويت برمجه لكن مافيه فايده ماجابت نتيجه مهندس ثاني قال حساس الدبل قمت وغيرته بعدها ضبط معي لمدة خمسه شهور ثم رجع لمشكلته الاوله وغيرت الحساس مره ثانيه ولكن هالمره ضبط لمدة ثلاث شهور ورجع لمشكلته
هالحين وش الحل يالربع اللي عنده خبره عن هالمشكله يفيدني الله يفيده

[YUKON_GMC]

هذا حساس الدبل .. وتجد عدة مواضيع عنه بالمنتدى - استخدم خاصية البحث بالمنتدى او قوقل

[برالأمان]

الله يعينك شرحك سرى عاد موتري قديم شوي 99 والدبل الصغير شغال ع قولهم (العوض ولا القطيعة )

[humod]

انا عندي 2005
ونفس المشكله
فهي عامة على جميع هذه الموديلات

وأبشرك إن شاء الله أخوي وجد الحل بس باقي يطبقه على سيارتي
وعاد هو يومه سنة

وتم معرفة المشكلة بس نبي نشوف ورشة فاهمة لتطبيقها على السيارة
وطبعا الحل أخذها من ميكانيكي أمريكي أكتشف مشكلة الدبل في هذه الموديلات

[بومحظار]

السلام عليكم
وانا ايضا نفس المشكله تاهو 2003
لكن لقيت موضوع في يوتيوب عن سنسر الدبل بعدين ايقول لازم تبرمج ولا ما تنحل مشكلتك يعني اتحط السوفت وير الجديد البرمجه الجديده
http://www.youtube.com/watch?v=kldd1fu_csY&feature=player_detailpage

[YUKON_GMC]

الحساس هذا دايم يتعطل في الدبل الكهرب .. وعطله معروف وكم موضوع هنا بالمنتدى يشرح طريقة تغييره وفحصه رقم القطعه وسعره = 300 ريال والتركيب 200 ريال

http://img9.imageshack.us/img9/6425/bbabiedhsmall.jpg




موضوع ذا صله ...

= http://www.mekshat.com/vb/showthread.php?t=294059

[toyo]

وانا ايضا نفس المشكلة يوكون 2002 الثقيل مايشتغل الا اذا غرز الموتر اذا حطيت الاوتوا يعلق بعض الاحيان ولازم افك البطارية ويشبك

[المسافر574]

انا معي يوكن 2006 ونفس المشكله وش الحل يا جماعة

[سفاري474]

الله يعطيكم العافيه ياشباب على التفاعل ومشكورين وبيض الله وجيهكم
وبالنسبه لاخونا humod ياليت اذا طبقتوا الحل تخبرنا عن النتائج ولك منا الدعاء

[عبدالعزيز10]

حصلت معي يا جماعه .. معي جمس موديل 2003 ,الدبل يشبك ويفصل على كيفه
و صارت المشكلة من دينمو الدبل ..هو المسؤول عن شبك و فصل الدبل..قيمته تقريبا 400 ريال

[ROSS]

هلا اخوي سفاري
موترك وارد الجميح أو لا وإذا وارد الجميح الله يعينك على الأعطال والمشاكل
أما بالنسبة للمشكلة اللي عندك تراها بسيطة إن شاءالله تراها من الكرباء شيك على ظفيرة الدبل وتحصل المشكلة
إن شاءالله لكن لا تروح الا لورشة متخصصة وإذا انت بالرياض أو الشرقية عندك ورشة تشالنجر وابعد عن ترايستار
اذا تبي موترك يضبط لا تقرب منهم ابد
تحياتي للجميع

[زنجبيل بالعسل]

صراحة يا اخواني حساس الدبل هذى سالفته سالفه
معي تاهوz71 2006
حساس الدبل عطل معي 3 مرات
تغييره سهل جدا ....... بس ممل كل شوي يعطل
اهم شي لايدخل على الحساس ماء او زيت الدبل مهم جدا جدا :director:

[1824]

الحساس يبيلك تقفله اذا جاه موية يخرب على طول لازم تسوي طريقة بحيث تحميه من الماء بالتوفيق لك

[alwali]

يا شباب ذكرتوني في اللي مضى
كان عندي وانيت 2004 قمارة ونص وخرب عندي الدبل
و اول مرة قالو لي حساس الدبل يومين وخرب
وبعدها اجتهاد من نفسي غيرت السويش اللي في الطبلون وكان سعره 250 ريال واستعملته 4 سنوات ماخرب
لين اللحين عند صاحبي الموتر وما خرب